(৩৪) পাপিচ্ছতা

৮৫১. তত্থ কতমা পাপিচ্ছতা? ইধেকচ্চো অস্সদ্ধো সমানো ‘‘সদ্ধোতি মং জনো জানাতূ’’তি ইচ্ছতি, দুস্সীলো সমানো ‘‘সীলৰাতি মং জনো জানাতূ’’তি ইচ্ছতি, অপ্পস্সুতো সমানো ‘‘বহুস্সুতোতি মং জনো জানাতূ’’তি ইচ্ছতি, সঙ্গণিকারামো সমানো ‘‘পৰিৰিত্তোতি মং জনো জানাতূ’’তি ইচ্ছতি, কুসীতো সমানো ‘‘আরদ্ধৰীরিযোতি মং জনো জানাতূ’’তি ইচ্ছতি, মুট্ঠস্সতী সমানো ‘‘উপট্ঠিতস্সতীতি মং জনো জানাতূ’’তি ইচ্ছতি, অসমাহিতো সমানো ‘‘সমাহিতোতি মং জনো জানাতূ’’তি ইচ্ছতি, দুপ্পঞ্ঞো সমানো ‘‘পঞ্ঞৰাতি মং জনো জানাতূ’’তি ইচ্ছতি, অখীণাসৰো সমানো ‘‘খীণাসৰোতি মং জনো জানাতূ’’তি ইচ্ছতি – যা এৰরূপা ইচ্ছা ইচ্ছাগতা পাপিচ্ছতা রাগো সারাগো চিত্তস্স সারাগো – অযং ৰুচ্চতি ‘‘পাপিচ্ছতা’’.