১৯-১. আসৰৰিপ্পযুত্তসাসৰদুক-কুসলত্তিকং

কুসলপদং

হেতুপচ্চযো

৪৮. আসৰৰিপ্পযুত্তং সাসৰং কুসলং ধম্মং পটিচ্চ আসৰৰিপ্পযুত্তো সাসৰো কুসলো ধম্মো উপ্পজ্জতি হেতুপচ্চযা. আসৰৰিপ্পযুত্তং অনাসৰং কুসলং ধম্মং পটিচ্চ আসৰৰিপ্পযুত্তো অনাসৰো কুসলো ধম্মো উপ্পজ্জতি হেতুপচ্চযা. (২) (সংখিত্তং.)

৪৯. হেতুযা দ্ৰে, আরম্মণে দ্ৰে…পে… অৰিগতে দ্ৰে (সংখিত্তং).

(সহজাতৰারোপি…পে… পঞ্হাৰারোপি ৰিত্থারেতব্বো.)

অব্যাকতপদং

হেতুপচ্চযো

৫০. আসৰৰিপ্পযুত্তং সাসৰং অব্যাকতং ধম্মং পটিচ্চ আসৰৰিপ্পযুত্তো সাসৰো অব্যাকতো ধম্মো উপ্পজ্জতি হেতুপচ্চযা. (১)

আসৰৰিপ্পযুত্তং অনাসৰং অব্যাকতং ধম্মং পটিচ্চ আসৰৰিপ্পযুত্তো অনাসৰো অব্যাকতো ধম্মো উপ্পজ্জতি হেতুপচ্চযা. আসৰৰিপ্পযুত্তং অনাসৰং অব্যাকতং ধম্মং পটিচ্চ আসৰৰিপ্পযুত্তো সাসৰো অব্যাকতো ধম্মো উপ্পজ্জতি হেতুপচ্চযা. আসৰৰিপ্পযুত্তং অনাসৰং অব্যাকতং ধম্মং পটিচ্চ আসৰৰিপ্পযুত্তো সাসৰো অব্যাকতো চ আসৰৰিপ্পযুত্তো অনাসৰো অব্যাকতো চ ধম্মা উপ্পজ্জন্তি হেতুপচ্চযা. (৩)

আসৰৰিপ্পযুত্তং সাসৰং অব্যাকতঞ্চ আসৰৰিপ্পযুত্তং অনাসৰং অব্যাকতঞ্চ ধম্মং পটিচ্চ আসৰৰিপ্পযুত্তো সাসৰো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৫১. হেতুযা পঞ্চ, আরম্মণে দ্ৰে, অধিপতিযা পঞ্চ…পে… আসেৰনে একং, কম্মে পঞ্চ, ৰিপাকে পঞ্চ…পে… অৰিগতে পঞ্চ (সংখিত্তং).

পচ্চনীযং

নহেতুপচ্চযো

৫২. আসৰৰিপ্পযুত্তং সাসৰং অব্যাকতং ধম্মং পটিচ্চ আসৰৰিপ্পযুত্তো সাসৰো অব্যাকতো ধম্মো উপ্পজ্জতি নহেতুপচ্চযা (সংখিত্তং).

৫৩. নহেতুযা একং, নআরম্মণে তীণি, নঅধিপতিযা দ্ৰে …পে… নপুরেজাতে চত্তারি, নপচ্ছাজাতে নআসেৰনে পঞ্চ, নকম্মে নৰিপাকে…পে… নমগ্গে একং…পে… নৰিপ্পযুত্তে দ্ৰে…পে… নোৰিগতে তীণি (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)