১-৬. পটিচ্চৰারাদি

পচ্চযচতুক্কং

হেতুপচ্চযো

২১৮. হেতুং অৰিতক্কৰিচারমত্তং ধম্মং পটিচ্চ হেতু অৰিতক্কৰিচারমত্তো ধম্মো উপ্পজ্জতি হেতুপচ্চযা… তীণি.

নহেতুং অৰিতক্কৰিচারমত্তং ধম্মং পটিচ্চ নহেতু অৰিতক্কৰিচারমত্তো ধম্মো উপ্পজ্জতি হেতুপচ্চযা… তীণি.

হেতুং অৰিতক্কৰিচারমত্তঞ্চ নহেতুং অৰিতক্কৰিচারমত্তঞ্চ ধম্মং পটিচ্চ হেতু অৰিতক্কৰিচারমত্তো ধম্মো উপ্পজ্জতি হেতুপচ্চযা… তীণি (সংখিত্তং).

২১৯. হেতুযা নৰ, আরম্মণে নৰ, অধিপতিযা নৰ…পে… কম্মে নৰ, ৰিপাকে নৰ…পে… অৰিগতে নৰ (সংখিত্তং).

নঅধিপতিপচ্চযো

২২০. হেতুং অৰিতক্কৰিচারমত্তং ধম্মং পটিচ্চ হেতু অৰিতক্কৰিচারমত্তো ধম্মো উপ্পজ্জতি নঅধিপতিপচ্চযা (সংখিত্তং).

২২১. নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নৰিপ্পযুত্তে নৰ (সংখিত্তং).

হেতুপচ্চযা নঅধিপতিযা নৰ (সংখিত্তং).

নঅধিপতিপচ্চযা হেতুযা নৰ (সংখিত্তং).

(সহজাতৰারোপি পচ্চযৰারোপি নিস্সযৰারোপি সংসট্ঠৰারোপি সম্পযুত্তৰারোপি পটিচ্চৰারসদিসা ৰিত্থারেতব্বা.)