৭. পঞ্হাৰারো

পচ্চযচতুক্কং

হেতুপচ্চযাদি

২২২. হেতু অৰিতক্কৰিচারমত্তো ধম্মো হেতুস্স অৰিতক্কৰিচারমত্তস্স ধম্মস্স হেতুপচ্চযেন পচ্চযো… তীণি.

হেতু অৰিতক্কৰিচারমত্তো ধম্মো নহেতুস্স অৰিতক্কৰিচারমত্তস্স ধম্মস্স আরম্মণপচ্চযেন পচ্চযো… তীণি.

হেতু অৰিতক্কৰিচারমত্তো ধম্মো হেতুস্স অৰিতক্কৰিচারমত্তস্স ধম্মস্স অধিপতিপচ্চযেন পচ্চযো – সহজাতাধিপতি… তীণি.

নহেতু অৰিতক্কৰিচারমত্তো ধম্মো নহেতুস্স অৰিতক্কৰিচারমত্তস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

হেতু অৰিতক্কৰিচারমত্তো চ নহেতু অৰিতক্কৰিচারমত্তো চ ধম্মা নহেতুস্স অৰিতক্কৰিচারমত্তস্স ধম্মস্স অধিপতিপচ্চযেন পচ্চযো – আরম্মণাধিপতি (সংখিত্তং).

২২৩. হেতুযা তীণি, আরম্মণে তীণি, অধিপতিযা সত্ত, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, আসেৰনে নৰ, কম্মে তীণি, ৰিপাকে নৰ, আহারে তীণি, ইন্দ্রিযে নৰ, ঝানে তীণি, মগ্গে নৰ, সম্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ (সংখিত্তং).

পচ্চনীযুদ্ধারো

২২৪. হেতু অৰিতক্কৰিচারমত্তো ধম্মো হেতুস্স অৰিতক্কৰিচারমত্তস্স ধম্মস্স সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

২২৫. নহেতুযা নৰ, নআরম্মণে নৰ (সংখিত্তং).

হেতুপচ্চযা নআরম্মণে তীণি (সংখিত্তং).

নহেতুপচ্চযা আরম্মণে তীণি (সংখিত্তং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)