১-৬. পটিচ্চৰারাদি

পচ্চযচতুক্কং

হেতুপচ্চযো

২৭. হেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি হেতুপচ্চযা. হেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি হেতুপচ্চযা. হেতুং অকুসলং ধম্মং পটিচ্চ হেতু অকুসলো চ নহেতু অকুসলো চ ধম্মা উপ্পজ্জন্তি হেতুপচ্চযা. (৩)

২৮. নহেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি হেতুপচ্চযা. নহেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি হেতুপচ্চযা. নহেতুং অকুসলং ধম্মং পটিচ্চ হেতু অকুসলো চ নহেতু অকুসলো চ ধম্মা উপ্পজ্জন্তি হেতুপচ্চযা. (৩)

২৯. হেতুং অকুসলঞ্চ নহেতুং অকুসলঞ্চ ধম্মং পটিচ্চ হেতু অকুসলো ধম্মো উপ্পজ্জতি হেতুপচ্চযা. হেতুং অকুসলঞ্চ নহেতুং অকুসলঞ্চ ধম্মং পটিচ্চ নহেতু অকুসলো ধম্মো উপ্পজ্জতি হেতুপচ্চযা. হেতুং অকুসলঞ্চ নহেতুং অকুসলঞ্চ ধম্মং পটিচ্চ হেতু অকুসলো চ নহেতু অকুসলো চ ধম্মা উপ্পজ্জন্তি হেতুপচ্চযা. (৩)

৩০. হেতুযা নৰ, আরম্মণে নৰ, অধিপতিযা নৰ…পে… কম্মে নৰ, আহারে নৰ…পে… অৰিগতে নৰ (সংখিত্তং, অনুলোমং).

নহেতুপচ্চযো

৩১. নহেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি নহেতুপচ্চযা. (১)

নঅধিপতিপচ্চযাদি

৩২. হেতুং অকুসলং ধম্মং পটিচ্চ হেতু অকুসলো ধম্মো উপ্পজ্জতি নঅধিপতিপচ্চযা… নৰ…পে….

হেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি নকম্মপচ্চযা. (১)

নহেতুং অকুসলং ধম্মং পটিচ্চ নহেতু অকুসলো ধম্মো উপ্পজ্জতি নকম্মপচ্চযা. (১)

হেতুং অকুসলঞ্চ নহেতুং অকুসলঞ্চ ধম্মং পটিচ্চ নহেতু অকুসলো ধম্মো উপ্পজ্জতি নকম্মপচ্চযা. (১) (সংখিত্তং.)

৩৩. নহেতুযা একং, নঅধিপতিযা নৰ, নপুরেজাতে নৰ, নপচ্ছাজাতে নৰ, নআসেৰনে নৰ, নকম্মে তীণি, নৰিপাকে নৰ, নৰিপ্পযুত্তে নৰ (পচ্চনীযং).

হেতুপচ্চযা নঅধিপতিযা নৰ (সংখিত্তং, অনুলোমপচ্চনীযং).

নহেতুপচ্চযা আরম্মণে একং (সংখিত্তং, পচ্চনীযানুলোমং).

(সহজাতৰারম্পি পচ্চযৰারম্পি নিস্সযৰারম্পি সংসট্ঠৰারম্পি সম্পযুত্তৰারম্পি পটিচ্চৰারসদিসা ৰিত্থারেতব্বা.)