৭. পঞ্হাৰারো

পচ্চযচতুক্কং

হেতুপচ্চযো

৩৪. হেতু অকুসলো ধম্মো হেতুস্স অকুসলস্স ধম্মস্স হেতুপচ্চযেন পচ্চযো. হেতু অকুসলো ধম্মো নহেতুস্স অকুসলস্স ধম্মস্স হেতুপচ্চযেন পচ্চযো. হেতু অকুসলো ধম্মো হেতুস্স অকুসলস্স চ নহেতুস্স অকুসলস্স চ ধম্মস্স হেতুপচ্চযেন পচ্চযো. (৩)

আরম্মণপচ্চযাদি

৩৫. হেতু অকুসলো ধম্মো হেতুস্স অকুসলস্স ধম্মস্স আরম্মণপচ্চযেন পচ্চযো… তীণি.

নহেতু অকুসলো ধম্মো নহেতুস্স অকুসলস্স ধম্মস্স আরম্মণপচ্চযেন পচ্চযো… তীণি.

হেতু অকুসলো চ নহেতু অকুসলো চ ধম্মা হেতুস্স অকুসলস্স ধম্মস্স আরম্মণপচ্চযেন পচ্চযো… তীণি.

৩৬. হেতু অকুসলো ধম্মো হেতুস্স অকুসলস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি.

নহেতু অকুসলো ধম্মো নহেতুস্স অকুসলস্স ধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি… তীণি.

হেতু অকুসলো চ নহেতু অকুসলো চ ধম্মা হেতুস্স অকুসলস্স ধম্মস্স অধিপতিপচ্চযেন পচ্চযো – আরম্মণাধিপতি… তীণি…পে….

৩৭. নহেতু অকুসলো ধম্মো নহেতুস্স অকুসলস্স ধম্মস্স কম্মপচ্চযেন পচ্চযো. নহেতু অকুসলো ধম্মো হেতুস্স অকুসলস্স ধম্মস্স কম্মপচ্চযেন পচ্চযো. নহেতু অকুসলো ধম্মো হেতুস্স অকুসলস্স চ নহেতুস্স অকুসলস্স চ ধম্মস্স কম্মপচ্চযেন পচ্চযো. (৩)

আহারপচ্চযাদি

৩৮. নহেতু অকুসলো ধম্মো নহেতুস্স অকুসলস্স ধম্মস্স আহারপচ্চযেন পচ্চযো… তীণি.

৩৯. নহেতু অকুসলো ধম্মো নহেতুস্স অকুসলস্স ধম্মস্স ইন্দ্রিযপচ্চযেন পচ্চযো… তীণি.

৪০. নহেতু অকুসলো ধম্মো নহেতুস্স অকুসলস্স ধম্মস্স ঝানপচ্চযেন পচ্চযো… তীণি (সংখিত্তং).

৪১. হেতুযা তীণি, আরম্মণে নৰ, অধিপতিযা নৰ, অনন্তরে নৰ, সমনন্তরে নৰ, সহজাতে নৰ, অঞ্ঞমঞ্ঞে নৰ, নিস্সযে নৰ, উপনিস্সযে নৰ, আসেৰনে নৰ, কম্মে তীণি, আহারে তীণি, ইন্দ্রিযে তীণি, ঝানে তীণি, মগ্গে তীণি, সম্পযুত্তে নৰ, অত্থিযা নৰ, নত্থিযা নৰ, ৰিগতে নৰ, অৰিগতে নৰ.

পচ্চনীযুদ্ধারো

৪২. হেতু অকুসলো ধম্মো হেতুস্স অকুসলস্স ধম্মস্স আরম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো (সংখিত্তং).

৪৩. নহেতুযা নৰ, নআরম্মণে নৰ, নঅধিপতিযা নৰ, নঅনন্তরে নৰ, নসমনন্তরে নৰ, নসহজাতে নৰ, নঅঞ্ঞমঞ্ঞে নৰ…পে… নোঅৰিগতে নৰ (পচ্চনীযং).

হেতুপচ্চযা নআরম্মণে তীণি (সংখিত্তং, অনুলোমপচ্চনীযং).

নহেতুপচ্চযা আরম্মণে নৰ (সংখিত্তং, পচ্চনীযানুলোমং).

(যথা কুসলত্তিকে পঞ্হাৰারস্স অনুলোমম্পি পচ্চনীযম্পি অনুলোমপচ্চনীযম্পি পচ্চনীযানুলোমম্পি গণিতং, এৰং গণেতব্বং.)