১. ৰিভঙ্গৰারো

হেতুপচ্চযো

৯০. ৰিপাকো ধম্মো ৰিপাকস্স ধম্মস্স হেতুপচ্চযেন পচ্চযো – ৰিপাকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে ৰিপাকা হেতূ সপ্পযুত্তকানং খন্ধানং হেতুপচ্চযেন পচ্চযো. (১)

ৰিপাকো ধম্মো নেৰৰিপাকনৰিপাকধম্মধম্মস্স হেতুপচ্চযেন পচ্চযো – ৰিপাকা হেতূ চিত্তসমুট্ঠানানং রূপানং হেতুপচ্চযেন পচ্চযো; পটিসন্ধিক্খণে ৰিপাকা হেতূ কটত্তারূপানং হেতুপচ্চযেন পচ্চযো. (২)

ৰিপাকো ধম্মো ৰিপাকস্স চ নেৰৰিপাকনৰিপাকধম্মধম্মস্স চ হেতুপচ্চযেন পচ্চযো – ৰিপাকা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো; পটিসন্ধিক্খণে ৰিপাকা হেতূ সম্পযুত্তকানং খন্ধানং কটত্তা চ রূপানং হেতুপচ্চযেন পচ্চযো. (৩)

৯১. ৰিপাকধম্মধম্মো ৰিপাকধম্মধম্মস্স হেতুপচ্চযেন পচ্চযো – ৰিপাকধম্মধম্মা হেতূ সম্পযুত্তকানং খন্ধানং হেতুপচ্চযেন পচ্চযো. (১)

ৰিপাকধম্মধম্মো নেৰৰিপাকনৰিপাকধম্মধম্মস্স হেতুপচ্চযেন পচ্চযো – ৰিপাকধম্মধম্মা হেতূ চিত্তসমুট্ঠানানং রূপানং হেতুপচ্চযেন পচ্চযো. (২)

ৰিপাকধম্মধম্মো ৰিপাকধম্মধম্মস্স চ নেৰৰিপাকনৰিপাকধম্মধম্মস্স চ হেতুপচ্চযেন পচ্চযো – ৰিপাকধম্মধম্মা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো. (৩)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স হেতুপচ্চযেন পচ্চযো – নেৰৰিপাকনৰিপাকধম্মধম্মা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো.

আরম্মণপচ্চযো

৯২. ৰিপাকো ধম্মো ৰিপাকস্স ধম্মস্স আরম্মণপচ্চযেন পচ্চযো – ৰিপাকে খন্ধে অনিচ্চতো দুক্খতো অনত্ততো ৰিপস্সতি, অস্সাদেতি অভিনন্দতি; তং আরব্ভ রাগো উপ্পজ্জতি, দিট্ঠি উপ্পজ্জতি, ৰিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, কুসলাকুসলে নিরুদ্ধে ৰিপাকো তদারম্মণতা উপ্পজ্জতি. (১)

ৰিপাকো ধম্মো ৰিপাকধম্মধম্মস্স আরম্মণপচ্চযেন পচ্চযো – সেক্খা ফলং পচ্চৰেক্খন্তি, ৰিপাকে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি, চেতোপরিযঞাণেন ৰিপাকচিত্তসমঙ্গিস্স চিত্তং জানন্তি. ৰিপাকা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স আরম্মণপচ্চযেন পচ্চযো. (২)

ৰিপাকো ধম্মো নেৰৰিপাকনৰিপাকধম্মধম্মস্স আরম্মণপচ্চযেন পচ্চযো – অরহা ফলং পচ্চৰেক্খতি, ৰিপাকে খন্ধে অনিচ্চতো দুক্খতো অনত্ততো ৰিপস্সতি, চেতোপরিযঞাণেন ৰিপাকচিত্তসমঙ্গিস্স চিত্তং জানাতি. ৰিপাকা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

৯৩. ৰিপাকধম্মধম্মো ৰিপাকধম্মধম্মস্স আরম্মণপচ্চযেন পচ্চযো – দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি, সেক্খা গোত্রভুং পচ্চৰেক্খন্তি, ৰোদানং পচ্চৰেক্খন্তি, সেক্খা মগ্গা ৰুট্ঠহিত্ৰা মগ্গং পচ্চৰেক্খন্তি, সেক্খা পহীনে কিলেসে পচ্চৰেক্খন্তি, ৰিক্খম্ভিতে কিলেসে পচ্চৰেক্খন্তি, পুব্বে সমুদাচিণ্ণে কিলেসে জানন্তি, ৰিপাকধম্মধম্মে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি, চেতোপরিযঞাণেন ৰিপাকধম্মধম্মচিত্তসমঙ্গিস্স চিত্তং জানন্তি. আকাসানঞ্চাযতনকুসলং ৰিঞ্ঞাণঞ্চাযতনকুসলস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনকুসলস্স আরম্মণপচ্চযেন পচ্চযো. ৰিপাকধম্মধম্মা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আরম্মণপচ্চযেন পচ্চযো. (১)

ৰিপাকধম্মধম্মো ৰিপাকস্স ধম্মস্স আরম্মণপচ্চযেন পচ্চযো – ৰিপাকধম্মধম্মে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি, কুসলাকুসলে নিরুদ্ধে ৰিপাকো তদারম্মণতা উপ্পজ্জতি. আকাসানঞ্চাযতনকুসলং ৰিঞ্ঞাণঞ্চাযতনৰিপাকস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনৰিপাকস্স আরম্মণপচ্চযেন পচ্চযো. (২)

ৰিপাকধম্মধম্মো নেৰৰিপাকনৰিপাকধম্মধম্মস্স আরম্মণপচ্চযেন পচ্চযো – অরহা মগ্গা ৰুট্ঠহিত্ৰা মগ্গং পচ্চৰেক্খতি, পুব্বে সুচিণ্ণানি পচ্চৰেক্খতি. অরহা পহীনে কিলেসে পচ্চৰেক্খতি, পুব্বে সমুদাচিণ্ণে কিলেসে জানাতি, ৰিপাকধম্মধম্মে খন্ধে অনিচ্চতো দুক্খতো অনত্ততো ৰিপস্সতি, চেতোপরিযঞাণেন ৰিপাকধম্মধম্মচিত্তসমঙ্গিস্স চিত্তং জানাতি. আকাসানঞ্চাযতনকুসলং ৰিঞ্ঞাণঞ্চাযতনকিরিযস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনকিরিযস্স আরম্মণপচ্চযেন পচ্চযো. ৰিপাকধম্মধম্মা খন্ধা চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (৩)

৯৪. নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স আরম্মণপচ্চযেন পচ্চযো – অরহা নিব্বানং পচ্চৰেক্খতি. নিব্বানং আৰজ্জনায আরম্মণপচ্চযেন পচ্চযো. অরহা চক্খুং অনিচ্চতো দুক্খতো অনত্ততো ৰিপস্সতি. সোতং… ঘানং… জিৰ্হং… কাযং… রূপে… সদ্দে… গন্ধে… রসে … ফোট্ঠব্বে… ৰত্থুং… নেৰৰিপাকনৰিপাকধম্মধম্মে খন্ধে অনিচ্চতো দুক্খতো অনত্ততো ৰিপস্সতি, দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, চেতোপরিযঞাণেন নেৰৰিপাকনৰিপাকধম্মধম্মচিত্তসমঙ্গিস্স চিত্তং জানাতি. আকাসানঞ্চাযতনকিরিযং ৰিঞ্ঞাণঞ্চাযতনকিরিযস্স আরম্মণপচ্চযেন পচ্চযো. আকিঞ্চঞ্ঞাযতনকিরিযং নেৰসঞ্ঞানাসঞ্ঞাযতনকিরিযস্স আরম্মণপচ্চযেন পচ্চযো. নেৰৰিপাকনৰিপাকধম্মধম্মা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স, আৰজ্জনায আরম্মণপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স আরম্মণপচ্চযেন পচ্চযো – নিব্বানং ফলস্স আরম্মণপচ্চযেন পচ্চযো. সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. সোতং… ঘানং… জিৰ্হং… কাযং… রূপে… সদ্দে… গন্ধে… রসে… ফোট্ঠব্বে… ৰত্থুং… নেৰৰিপাকনৰিপাকধম্মধম্মে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স আরম্মণপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স আরম্মণপচ্চযেন পচ্চযো – সেক্খা নিব্বানং পচ্চৰেক্খন্তি; নিব্বানং গোত্রভুস্স, ৰোদানস্স, মগ্গস্স আরম্মণপচ্চযেন পচ্চযো. সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দতি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. সোতং…পে… নেৰৰিপাকনৰিপাকধম্মধম্মে খন্ধে অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি…পে… দিব্বেন চক্খুনা রূপং পস্সন্তি, দিব্বায সোতধাতুযা সদ্দং সুণন্তি, চেতোপরিযঞাণেন নেৰৰিপাকনৰিপাকধম্মধম্মচিত্তসমঙ্গিস্স চিত্তং জানন্তি. নেৰৰিপাকনৰিপাকধম্মধম্মা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, অনাগতংসঞাণস্স আরম্মণপচ্চযেন পচ্চযো. (৩)

অধিপতিপচ্চযো

৯৫. ৰিপাকো ধম্মো ৰিপাকস্স ধম্মস্স অধিপতিপচ্চযেন পচ্চযো. সহজাতাধিপতি – ৰিপাকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ৰিপাকো ধম্মো ৰিপাকধম্মধম্মস্স অধিপতিপচ্চযেন পচ্চযো. আরম্মণাধিপতি – সেক্খা ফলং গরুং কত্ৰা পচ্চৰেক্খন্তি, ৰিপাকে খন্ধে গরুং কত্ৰা অস্সাদেন্তি অভিনন্দন্তি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (২)

ৰিপাকো ধম্মো নেৰৰিপাকনৰিপাকধম্মধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরহা ফলং গরুং কত্ৰা পচ্চৰেক্খতি. সহজাতাধিপতি – ৰিপাকাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (৩)

ৰিপাকো ধম্মো ৰিপাকস্স চ নেৰৰিপাকনৰিপাকধম্মধম্মস্স চ অধিপতিপচ্চযেন পচ্চযো. সহজাতাধিপতি – ৰিপাকাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৪)

৯৬. ৰিপাকধম্মধম্মো ৰিপাকধম্মধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি, পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি, সেক্খা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি, ৰিপাকধম্মধম্মে খন্ধে গরুং কত্ৰা অস্সাদেন্তি অভিনন্দন্তি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি,. সহজাতাধিপতি – ৰিপাকধম্মধম্মাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ৰিপাকধম্মধম্মো নেৰৰিপাকনৰিপাকধম্মধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরহা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খতি. সহজাতাধিপতি – ৰিপাকধম্মধম্মাধিপতি চিত্তসমুট্ঠানানং রূপানং অধিপতিপচ্চযেন পচ্চযো. (২)

ৰিপাকধম্মধম্মো ৰিপাকধম্মধম্মস্স চ নেৰৰিপাকনৰিপাকধম্মধম্মস্স চ অধিপতিপচ্চযেন পচ্চযো. সহজাতাধিপতি – ৰিপাকধম্মধম্মাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (৩)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স অধিপতিপচ্চযেন পচ্চযো – আরম্মণাধিপতি, সহজাতাধিপতি. আরম্মণাধিপতি – অরহা নিব্বানং গরুং কত্ৰা পচ্চৰেক্খতি. সহজাতাধিপতি – নেৰৰিপাকনৰিপাকধম্মধম্মাধিপতি সম্পযুত্তকানং খন্ধানং চিত্তসমুট্ঠানানঞ্চ রূপানং অধিপতিপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স অধিপতিপচ্চযেন পচ্চযো. আরম্মণাধিপতি – নিব্বানং ফলস্স অধিপতিপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স অধিপতিপচ্চযেন পচ্চযো. আরম্মণাধিপতি – সেক্খা নিব্বানং গরুং কত্ৰা পচ্চৰেক্খন্তি. নিব্বানং গোত্রভুস্স, ৰোদানস্স, মগ্গস্স অধিপতিপচ্চযেন পচ্চযো. চক্খুং গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. সোতং…পে… নেৰৰিপাকনৰিপাকধম্মধম্মে খন্ধে গরুং কত্ৰা অস্সাদেতি অভিনন্দতি; তং গরুং কত্ৰা রাগো উপ্পজ্জতি, দিট্ঠি উপ্পজ্জতি. (৩)

অনন্তরপচ্চযো

৯৭. ৰিপাকো ধম্মো ৰিপাকস্স ধম্মস্স অনন্তরপচ্চযেন পচ্চযো – পুরিমা পুরিমা ৰিপাকা খন্ধা পচ্ছিমানং পচ্ছিমানং ৰিপাকানং খন্ধানং অনন্তরপচ্চযেন পচ্চযো. পঞ্চৰিঞ্ঞাণং ৰিপাকমনোধাতুযা অনন্তরপচ্চযেন পচ্চযো. ৰিপাকমনোধাতু ৰিপাকমনোৰিঞ্ঞাণধাতুযা অনন্তরপচ্চযেন পচ্চযো. (১)

ৰিপাকো ধম্মো নেৰৰিপাকনৰিপাকধম্মধম্মস্স অনন্তরপচ্চযেন পচ্চযো. ভৰঙ্গং আৰজ্জনায অনন্তরপচ্চযেন পচ্চযো. ৰিপাকমনোৰিঞ্ঞাণধাতু কিরিযমনোৰিঞ্ঞাণধাতুযা অনন্তরপচ্চযেন পচ্চযো. (২)

ৰিপাকধম্মধম্মো ৰিপাকধম্মধম্মস্স অনন্তরপচ্চযেন পচ্চযো – পুরিমা পুরিমা ৰিপাকধম্মধম্মা খন্ধা পচ্ছিমানং পচ্ছিমানং ৰিপাকধম্মধম্মানং খন্ধানং অনন্তরপচ্চযেন পচ্চযো. অনুলোমং গোত্রভুস্স … অনুলোমং ৰোদানস্স… গোত্রভু মগ্গস্স… ৰোদানং মগ্গস্স অনন্তরপচ্চযেন পচ্চযো. (১)

ৰিপাকধম্মধম্মো ৰিপাকস্স ধম্মস্স অনন্তরপচ্চযেন পচ্চযো – ৰিপাকধম্মধম্মা খন্ধা ৰুট্ঠানস্স… মগ্গো ফলস্স… সেক্খানং অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকুসলং ফলসমাপত্তিযা অনন্তরপচ্চযেন পচ্চযো. (২)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স অনন্তরপচ্চযেন পচ্চযো – পুরিমা পুরিমা নেৰৰিপাকনৰিপাকধম্মধম্মা খন্ধা পচ্ছিমানং পচ্ছিমানং নেৰৰিপাকনৰিপাকধম্মধম্মানং খন্ধানং অনন্তরপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স অনন্তরপচ্চযেন পচ্চযো – আৰজ্জনা পঞ্চন্নং ৰিঞ্ঞাণানং অনন্তরপচ্চযেন পচ্চযো. নেৰৰিপাকনৰিপাকধম্মধম্মা খন্ধা ৰুট্ঠানস্স, অরহতো অনুলোমং ফলসমাপত্তিযা… নিরোধা ৰুট্ঠহন্তস্স নেৰসঞ্ঞানাসঞ্ঞাযতনকিরিযং ফলসমাপত্তিযা অনন্তরপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স অনন্তরপচ্চযেন পচ্চযো – আৰজ্জনা ৰিপাকধম্মধম্মানং খন্ধানং অনন্তরপচ্চযেন পচ্চযো. (৩)

সমনন্তরপচ্চযো

৯৮. ৰিপাকো ধম্মো ৰিপাকস্স ধম্মস্স সমনন্তরপচ্চযেন পচ্চযো (অনন্তরসদিসং).

সহজাতপচ্চযো

৯৯. ৰিপাকো ধম্মো ৰিপাকস্স ধম্মস্স সহজাতপচ্চযেন পচ্চযো – ৰিপাকো একো খন্ধো…পে… তীণি.

ৰিপাকধম্মধম্মো ৰিপাকধম্মধম্মস্স সহজাতপচ্চযেন পচ্চযো… তীণি.

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স সহজাতপচ্চযেন পচ্চযো – নেৰৰিপাকনৰিপাকধম্মধম্মো একো খন্ধো…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

নেৰৰিপাকনৰিপাকধম্মধম্মো ৰিপাকস্স ধম্মস্স সহজাতপচ্চযেন পচ্চযো – পটিসন্ধিক্খণে ৰত্থু ৰিপাকানং খন্ধানং সহজাতপচ্চযেন পচ্চযো. (২)

ৰিপাকো চ নেৰৰিপাকনৰিপাকধম্মধম্মো চ ধম্মা ৰিপাকস্স ধম্মস্স সহজাতপচ্চযেন পচ্চযো – পটিসন্ধিক্খণে ৰিপাকো একো খন্ধো চ ৰত্থু চ তিণ্ণন্নং খন্ধানং…পে…. (১)

ৰিপাকো চ নেৰৰিপাকনৰিপাকধম্মধম্মো চ ধম্মা নেৰৰিপাকনৰিপাকধম্মধম্মস্স সহজাতপচ্চযেন পচ্চযো – ৰিপাকা খন্ধা চ মহাভূতা চ চিত্তসমুট্ঠানানং রূপানং…পে… পটিসন্ধিক্খণে ৰিপাকা খন্ধা চ মহাভূতা চ কটত্তারূপানং সহজাতপচ্চযেন পচ্চযো. (২)

ৰিপাকধম্মধম্মো চ নেৰৰিপাকনৰিপাকধম্মধম্মো চ ধম্মা নেৰৰিপাকনৰিপাকধম্মধম্মস্স সহজাতপচ্চযেন পচ্চযো – ৰিপাকধম্মধম্মা খন্ধা চ মহাভূতা চ চিত্তসমুট্ঠানানং রূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

১০০. ৰিপাকো ধম্মো ৰিপাকস্স ধম্মস্স অঞ্ঞমঞ্ঞপচ্চযেন পচ্চযো – ৰিপাকো একো খন্ধো…পে… পটিসন্ধিক্খণে…পে…. (১)

ৰিপাকো ধম্মো নেৰৰিপাকনৰিপাকধম্মধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰিপাকা খন্ধা ৰত্থুস্স অঞ্ঞমঞ্ঞপচ্চযেন পচ্চযো. (২)

ৰিপাকো ধম্মো ৰিপাকস্স চ নেৰৰিপাকনৰিপাকধম্মধম্মস্স চ অঞ্ঞমঞ্ঞপচ্চযেন পচ্চযো – পটিসন্ধিক্খণে ৰিপাকো একো খন্ধো তিণ্ণন্নং খন্ধানং ৰত্থুস্স চ অঞ্ঞমঞ্ঞপচ্চযেন পচ্চযো…পে…. (৩)

ৰিপাকধম্মধম্মো ৰিপাকধম্মধম্মস্স অঞ্ঞমঞ্ঞপচ্চযেন পচ্চযো – ৰিপাকধম্মধম্মো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং…পে…. (১)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স অঞ্ঞমঞ্ঞপচ্চযেন পচ্চযো – নেৰৰিপাকনৰিপাকধম্মধম্মো একো খন্ধো তিণ্ণন্নং খন্ধানং…পে… দ্ৰে খন্ধা দ্ৰিন্নং খন্ধানং…পে…. (১)

নেৰৰিপাকনৰিপাকধম্মধম্মো ৰিপাকস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৰত্থু ৰিপাকানং খন্ধানং…পে…. (২)

ৰিপাকো চ নেৰৰিপাকনৰিপাকধম্মধম্মো চ ধম্মা ৰিপাকস্স ধম্মস্স…পে… পটিসন্ধিক্খণে ৰিপাকো একো খন্ধো চ ৰত্থু চ…পে…. (১) (সত্ত পঞ্হা).

নিস্সযপচ্চযো

১০১. ৰিপাকো ধম্মো ৰিপাকস্স ধম্মস্স নিস্সযপচ্চযেন পচ্চযো… তীণি. ৰিপাকধম্মধম্মো ৰিপাকধম্মধম্মস্স… তীণি.

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স…পে…. (১)

নেৰৰিপাকনৰিপাকধম্মধম্মো ৰিপাকস্স ধম্মস্স…পে… চক্খাযতনং চক্খুৰিঞ্ঞাণস্স নিস্সযপচ্চযেন পচ্চযো…পে… কাযাযতনং কাযৰিঞ্ঞাণস্স, ৰত্থু ৰিপাকানং খন্ধানং…পে… পটিসন্ধিক্খণে ৰত্থু ৰিপাকানং খন্ধানং…পে…. (২)

নেৰৰিপাকনৰিপাকধম্মধম্মো ৰিপাকধম্মধম্মস্স নিস্সযপচ্চযেন পচ্চযো – ৰত্থু ৰিপাকধম্মধম্মানং খন্ধানং…পে…. (৩)

ৰিপাকো চ নেৰৰিপাকনৰিপাকধম্মধম্মো চ ধম্মা ৰিপাকস্স ধম্মস্স নিস্সযপচ্চযেন পচ্চযো – চক্খুৰিঞ্ঞাণসহগতো একো খন্ধো চ চক্খাযতনঞ্চ…পে… কাযৰিঞ্ঞাণসহগতো একো খন্ধো চ কাযাযতনঞ্চ…পে… ৰিপাকো একো খন্ধো চ ৰত্থু চ তিণ্ণন্নং খন্ধানং… পটিসন্ধিক্খণে ৰিপাকো একো খন্ধো চ ৰত্থু চ…পে…. (১)

ৰিপাকো চ নেৰৰিপাকনৰিপাকধম্মধম্মো চ ধম্মা নেৰৰিপাকনৰিপাকধম্মধম্মস্স…পে… ৰিপাকা খন্ধা চ মহাভূতা চ…পে… (সংখিত্তং) পটিসন্ধিক্খণে…পে…. (২)

ৰিপাকধম্মধম্মো চ নেৰৰিপাকনৰিপাকধম্মধম্মো চ ধম্মা ৰিপাকধম্মধম্মস্স নিস্সযপচ্চযেন পচ্চযো – ৰিপাকধম্মধম্মো একো খন্ধো চ ৰত্থু চ…পে…. (১)

ৰিপাকধম্মধম্মো চ নেৰৰিপাকনৰিপাকধম্মধম্মো চ ধম্মা নেৰৰিপাকনৰিপাকধম্মধম্মস্স নিস্সযপচ্চযেন পচ্চযো – ৰিপাকধম্মধম্মা খন্ধা চ মহাভূতা চ চিত্তসমুট্ঠানানং রূপানং…. (২) (তেরস পঞ্হা).

উপনিস্সযপচ্চযো

১০২. ৰিপাকো ধম্মো ৰিপাকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে….

পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কাযিকং দুক্খং কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. ফলসমাপত্তি কাযিকস্স সুখস্স উপনিস্সযপচ্চযেন পচ্চযো. (১)

ৰিপাকো ধম্মো ৰিপাকধম্মধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে….

পকতূপনিস্সযো – কাযিকং সুখং উপনিস্সায দানং দেতি, সীলং সমাদিযতি…পে… সঙ্ঘং ভিন্দতি. কাযিকং দুক্খং উপনিস্সায দানং দেতি, সীলং সমাদিযতি…পে… সঙ্ঘং ভিন্দতি. কাযিকং সুখং কাযিকং দুক্খং সদ্ধায…পে… পত্থনায উপনিস্সযপচ্চযেন পচ্চযো. (২)

ৰিপাকো ধম্মো নেৰৰিপাকনৰিপাকধম্মধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – অরহা কাযিকং সুখং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি, সঙ্খারে অনিচ্চতো দুক্খতো অনত্ততো ৰিপস্সতি, কাযিকং দুক্খং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি…পে…. (৩)

১০৩. ৰিপাকধম্মধম্মো ৰিপাকধম্মধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি… দিট্ঠিং গণ্হাতি. সীলং… সুতং… চাগং… পঞ্ঞং উপনিস্সায দানং দেতি…পে… দিট্ঠিং গণ্হাতি. রাগং… দোসং… মোহং… মানং… দিট্ঠিং… পত্থনং উপনিস্সায দানং দেতি…পে… সমাপত্তিং উপ্পাদেতি, পাণং হনতি…পে… সঙ্ঘং ভিন্দতি…পে… সদ্ধা…পে… পত্থনা সদ্ধায… সীলস্স…পে… পত্থনায উপনিস্সযপচ্চযেন পচ্চযো. পঠমস্স ঝানস্স পরিকম্মং পঠমস্স…পে… নেৰসঞ্ঞানাসঞ্ঞাযতনস্স পরিকম্মং নেৰসঞ্ঞানাসঞ্ঞাযতনস্স…পে… পঠমং ঝানং দুতিযস্স…পে… আকিঞ্চঞ্ঞাযতনং নেৰসঞ্ঞানাসঞ্ঞাযতনস্স…পে… পঠমস্স মগ্গস্স পরিকম্মং পঠমস্স…পে… চতুত্থস্স মগ্গস্স পরিকম্মং চতুত্থস্স…পে… পঠমো মগ্গো দুতিযস্স…পে… ততিযো মগ্গো চতুত্থস্স মগ্গস্স উপনিস্সযপচ্চযেন পচ্চযো. সেক্খা মগ্গং উপনিস্সায অনুপ্পন্নং কুসলসমাপত্তিং উপ্পাদেন্তি…পে… মগ্গো সেক্খানং অত্থপ্পটিসম্ভিদায…পে… ঠানাঠানকোসল্লস্স উপনিস্সযপচ্চযেন পচ্চযো. পাণাতিপাতো পাণাতিপাতস্স…পে… মিচ্ছাদিট্ঠিযা উপনিস্সযপচ্চযেন পচ্চযো…পে… মিচ্ছাদিট্ঠি মিচ্ছাদিট্ঠিযা…পে… ব্যাপাদস্স…পে… মাতুঘাতিকম্মং মাতুঘাতিকম্মস্স…পে… নিযতমিচ্ছাদিট্ঠিযা…পে… নিযতমিচ্ছাদিট্ঠি নিযতমিচ্ছাদিট্ঠিযা…পে… সঙ্ঘভেদককম্মস্স উপনিস্সযপচ্চযেন পচ্চযো. (১)

ৰিপাকধম্মধম্মো ৰিপাকস্স ধম্মস্স উপনিস্সযপচ্চযেন পচ্চযো – অনন্তরূপনিস্সযো, পকতূপনিস্সযো…পে….

পকতূপনিস্সযো – সদ্ধং উপনিস্সায অত্তানং আতাপেতি পরিতাপেতি, পরিযিট্ঠিমূলকং দুক্খং পচ্চনুভোতি…পে… পত্থনং উপনিস্সায অত্তানং আতাপেতি পরিতাপেতি …পে… সদ্ধা…পে… পত্থনা কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. কুসলাকুসলং কম্মং ৰিপাকস্স [কম্মৰিপাকস্স (স্যা.)] উপনিস্সযপচ্চযেন পচ্চযো. মগ্গো ফলসমাপত্তিযা উপনিস্সযপচ্চযেন পচ্চযো. (২)

ৰিপাকধম্মধম্মো নেৰৰিপাকনৰিপাকধম্মধম্মস্স উপনিস্সযপচ্চযেন পচ্চযো – আরম্মণূপনিস্সযো, পকতূপনিস্সযো…পে….

পকতূপনিস্সযো – অরহা মগ্গং উপনিস্সায অনুপ্পন্নং কিরিযসমাপত্তিং উপ্পাদেতি, উপ্পন্নং সমাপজ্জতি, সঙ্খারে অনিচ্চতো দুক্খতো অনত্ততো ৰিপস্সতি. মগ্গো অরহতো অত্থপ্পটিসম্ভিদায…পে… ঠানাঠানকোসল্লস্স উপনিস্সযপচ্চযেন পচ্চযো. (৩)

১০৪. নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – অরহা উতুং… ভোজনং… সেনাসনং উপনিস্সায অনুপ্পন্নং কিরিযসমাপত্তিং উপ্পাদেতি…পে…. (১)

নেৰৰিপাকনৰিপাকধম্মধম্মো ৰিপাকস্স ধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো…পে….

পকতূপনিস্সযো – উতু… ভোজনং… সেনাসনং, কাযিকস্স সুখস্স, কাযিকস্স দুক্খস্স, ফলসমাপত্তিযা উপনিস্সযপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স উপনিস্সযপচ্চযেন পচ্চযো – আরম্মণূপনিস্সযো, অনন্তরূপনিস্সযো, পকতূপনিস্সযো …পে….

পকতূপনিস্সযো – উতুং উপনিস্সায দানং দেতি…পে… সঙ্ঘং ভিন্দতি. ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি. উতু… ভোজনং… সেনাসনং সদ্ধায…পে… পত্থনায উপনিস্সযপচ্চযেন পচ্চযো. (৩)

পুরেজাতপচ্চযো

১০৫. নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং.

আরম্মণপুরেজাতং – অরহা চক্খুং অনিচ্চতো…পে… কাযং… রূপে… ফোট্ঠব্বে… ৰত্থুং অনিচ্চতো…পে… দিব্বেন চক্খুনা রূপং…পে… দিব্বায সোতধাতুযা সদ্দং…পে…. ৰত্থুপুরেজাতং – ৰত্থু নেৰৰিপাকনৰিপাকধম্মধম্মানং খন্ধানং পুরেজাতপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং.

আরম্মণপুরেজাতং – সেক্খা ৰা পুথুজ্জনা ৰা চক্খুং অনিচ্চতো দুক্খতো অনত্ততো ৰিপস্সন্তি, অস্সাদেন্তি অভিনন্দন্তি; তং আরব্ভ রাগো উপ্পজ্জতি…পে… দোমনস্সং উপ্পজ্জতি. কুসলাকুসলে নিরুদ্ধে ৰিপাকো তদারম্মণতা উপ্পজ্জতি. সোতং…পে… ৰত্থুং অনিচ্চতো…পে… তদারম্মণতা উপ্পজ্জতি. রূপাযতনং চক্খুৰিঞ্ঞাণস্স পুরেজাত…পে… ফোট্ঠব্বাযতনং কাযৰিঞ্ঞাণস্স…পে…. ৰত্থুপুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু ৰিপাকানং খন্ধানং পুরেজাতপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স পুরেজাতপচ্চযেন পচ্চযো – আরম্মণপুরেজাতং, ৰত্থুপুরেজাতং.

আরম্মণপুরেজাতং – সেক্খা ৰা পুথুজ্জনা ৰা চক্খুং…পে… আরব্ভ রাগো…পে… দোমনস্সং উপ্পজ্জতি. সোতং…পে… ৰত্থুং অনিচ্চতো…পে… দোমনস্সং…পে… দিব্বেন চক্খুনা রূপং…পে… দিব্বায সোতধাতুযা সদ্দং…পে….

ৰত্থুপুরেজাতং – ৰত্থু ৰিপাকধম্মধম্মানং খন্ধানং পুরেজাতপচ্চযেন পচ্চযো. (৩)

পচ্ছাজাতপচ্চযো

১০৬. ৰিপাকো ধম্মো নেৰৰিপাকনৰিপাকধম্মধম্মস্স পচ্ছাজাতপচ্চযেন পচ্চযো – পচ্ছাজাতা ৰিপাকা খন্ধা পুরেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ৰিপাকধম্মধম্মো নেৰৰিপাকনৰিপাকধম্মধম্মস্স পচ্ছাজাতপচ্চযেন পচ্চযো…. (১)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স পচ্ছাজাতপচ্চযেন পচ্চযো…. (১)

আসেৰনপচ্চযো

১০৭. ৰিপাকধম্মধম্মো ৰিপাকধম্মধম্মস্স আসেৰনপচ্চযেন পচ্চযো – পুরিমা পুরিমা ৰিপাকধম্মধম্মা খন্ধা পচ্ছিমানং পচ্ছিমানং ৰিপাকধম্মধম্মানং খন্ধানং…পে… অনুলোমং গোত্রভুস্স… অনুলোমং ৰোদানস্স… গোত্রভু মগ্গস্স… ৰোদানং মগ্গস্স আসেৰনপচ্চযেন পচ্চযো. (১)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স আসেৰনপচ্চযেন পচ্চযো – পুরিমা পুরিমা…পে… পচ্চযো. (১)

কম্মপচ্চযো

১০৮. ৰিপাকো ধম্মো ৰিপাকস্স ধম্মস্স কম্মপচ্চযেন পচ্চযো – ৰিপাকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে ৰিপাকা চেতনা…পে…. (১)

ৰিপাকো ধম্মো নেৰৰিপাকনৰিপাকধম্মধম্মস্স কম্মপচ্চযেন পচ্চযো – ৰিপাকা চেতনা চিত্তসমুট্ঠানানং রূপানং কম্মপচ্চযেন পচ্চযো; পটিসন্ধিক্খণে ৰিপাকা চেতনা কটত্তারূপানং…পে… চেতনা ৰত্থুস্স কম্মপচ্চযেন পচ্চযো. (২)

ৰিপাকো ধম্মো ৰিপাকস্স চ নেৰৰিপাকনৰিপাকধম্মধম্মস্স চ ধম্মস্স কম্মপচ্চযেন পচ্চযো – ৰিপাকা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো; পটিসন্ধিক্খণে ৰিপাকা চেতনা সম্পযুত্তকানং খন্ধানং কটত্তা চ রূপানং কম্মপচ্চযেন পচ্চযো. (৩)

ৰিপাকধম্মধম্মো ৰিপাকধম্মধম্মস্স কম্মপচ্চযেন পচ্চযো – ৰিপাকধম্মধম্মা চেতনা সম্পযুত্তকানং খন্ধানং কম্মপচ্চযেন পচ্চযো. (১)

ৰিপাকধম্মধম্মো ৰিপাকস্স ধম্মস্স কম্মপচ্চযেন পচ্চযো. নানাক্খণিকা – ৰিপাকধম্মধম্মা চেতনা ৰিপাকানং খন্ধানং কম্মপচ্চযেন পচ্চযো. (২)

ৰিপাকধম্মধম্মো নেৰৰিপাকনৰিপাকধম্মধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – ৰিপাকধম্মধম্মা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা – ৰিপাকধম্মধম্মা চেতনা কটত্তারূপানং কম্মপচ্চযেন পচ্চযো. (৩)

ৰিপাকধম্মধম্মো ৰিপাকস্স চ নেৰৰিপাকনৰিপাকধম্মধম্মস্স চ ধম্মস্স কম্মপচ্চযেন পচ্চযো. নানাক্খণিকা – ৰিপাকধম্মধম্মা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. (৪)

ৰিপাকধম্মধম্মো ৰিপাকধম্মধম্মস্স চ নেৰৰিপাকনৰিপাকধম্মধম্মস্স চ ধম্মস্স কম্মপচ্চযেন পচ্চযো – ৰিপাকধম্মধম্মা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (৫)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স কম্মপচ্চযেন পচ্চযো – নেৰৰিপাকনৰিপাকধম্মধম্মা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো. (১)

ৰিপাকপচ্চযো

১০৯. ৰিপাকো ধম্মো ৰিপাকস্স ধম্মস্স ৰিপাকপচ্চযেন পচ্চযো – ৰিপাকো একো খন্ধো তিণ্ণন্নং খন্ধানং ৰিপাকপচ্চযেন পচ্চযো; পটিসন্ধিক্খণে…পে…. (১)

ৰিপাকো ধম্মো নেৰৰিপাকনৰিপাকধম্মধম্মস্স ৰিপাকপচ্চযেন পচ্চযো – ৰিপাকা খন্ধা চিত্তসমুট্ঠানানং রূপানং ৰিপাকপচ্চযেন পচ্চযো; পটিসন্ধিক্খণে ৰিপাকা খন্ধা কটত্তারূপানং ৰিপাকপচ্চযেন পচ্চযো. খন্ধা ৰত্থুস্স…পে…. (২)

ৰিপাকো ধম্মো ৰিপাকস্স চ নেৰৰিপাকনৰিপাকধম্মধম্মস্স চ ৰিপাকপচ্চযেন পচ্চযো – ৰিপাকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং ৰিপাকপচ্চযেন পচ্চযো; পটিসন্ধিক্খণে ৰিপাকো একো খন্ধো তিণ্ণন্নং খন্ধানং কটত্তা চ রূপানং ৰিপাকপচ্চযেন পচ্চযো. (৩)

আহারপচ্চযো

১১০. ৰিপাকো ধম্মো ৰিপাকস্স ধম্মস্স আহারপচ্চযেন পচ্চযো – ৰিপাকা আহারা সম্পযুত্তকানং খন্ধানং… তীণি. (পটিসন্ধিপি ইমেসং তিণ্ণন্নং কাতব্বা.)

ৰিপাকধম্মধম্মো ৰিপাকধম্মধম্মস্স আহারপচ্চযেন পচ্চযো… তীণি.

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স আহারপচ্চযেন পচ্চযো – নেৰৰিপাকনৰিপাকধম্মধম্মা আহারা সম্পযুত্তকানং খন্ধানং চিত্তসমুট্ঠানঞ্চ রূপানং আহারপচ্চযেন পচ্চযো; কবল়ীকারো আহারো ইমস্স কাযস্স আহারপচ্চযেন পচ্চযো. (১)

ইন্দ্রিযপচ্চযো

১১১. ৰিপাকো ধম্মো ৰিপাকস্স ধম্মস্স ইন্দ্রিযপচ্চযেন পচ্চযো… তীণি (পটিসন্ধি কাতব্বা [কাতব্বং (সী.)].) ৰিপাকধম্মধম্মো ৰিপাকধম্মধম্মস্স ইন্দ্রিযপচ্চযেন পচ্চযো… তীণি.

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স ইন্দ্রিযপচ্চযেন পচ্চযো – নেৰৰিপাকনৰিপাকধম্মধম্মা ইন্দ্রিযা সম্পযুত্তকানং খন্ধানং চিত্তসমুট্ঠানানঞ্চ রূপানং ইন্দ্রিযপচ্চযেন পচ্চযো; রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযং চক্খুৰিঞ্ঞাণস্স ইন্দ্রিযপচ্চযেন পচ্চযো; কাযিন্দ্রিযং…পে…. (২)

ৰিপাকো চ নেৰৰিপাকনৰিপাকধম্মধম্মো চ ধম্মা ৰিপাকস্স ধম্মস্স ইন্দ্রিযপচ্চযেন পচ্চযো – চক্খুন্দ্রিযঞ্চ চক্খুৰিঞ্ঞাণঞ্চ চক্খুৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো…পে… কাযিন্দ্রিযঞ্চ কাযৰিঞ্ঞাণঞ্চ কাযৰিঞ্ঞাণসহগতানং খন্ধানং ইন্দ্রিযপচ্চযেন পচ্চযো. (১)

ঝানপচ্চযো

১১২. ৰিপাকো ধম্মো ৰিপাকস্স ধম্মস্স ঝানপচ্চযেন পচ্চযো… তীণি. ৰিপাকধম্মধম্মো ৰিপাকধম্মধম্মস্স ঝানপচ্চযেন পচ্চযো … তীণি.

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স ঝানপচ্চযেন পচ্চযো – নেৰৰিপাকনৰিপাকধম্মধম্মা ঝানঙ্গা সম্পযুত্তকানং খন্ধানং চিত্তসমুট্ঠানানঞ্চ রূপানং ঝানপচ্চযেন পচ্চযো.

মগ্গপচ্চযো

১১৩. ৰিপাকো ধম্মো ৰিপাকস্স ধম্মস্স মগ্গপচ্চযেন পচ্চযো… তীণি. ৰিপাকধম্মধম্মো ৰিপাকধম্মধম্মস্স মগ্গপচ্চযেন পচ্চযো… তীণি. নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স মগ্গপচ্চযেন পচ্চযো. নেৰৰিপাকনৰিপাকধম্মধম্মা মগ্গঙ্গা সম্পযুত্তকানং খন্ধানং চিত্তসমুট্ঠানানঞ্চ রূপানং মগ্গপচ্চযেন পচ্চযো.

সম্পযুত্তপচ্চযো

১১৪. ৰিপাকো ধম্মো ৰিপাকস্স ধম্মস্স সম্পযুত্তপচ্চযেন পচ্চযো – ৰিপাকো একো খন্ধো তিণ্ণন্নং…পে… দ্ৰে খন্ধা দ্ৰিন্নং…পে… পটিসন্ধিক্খণে…পে… ৰিপাকধম্মধম্মো ৰিপাকধম্মধম্মস্স সম্পযুত্তপচ্চযেন পচ্চযো; নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স সম্পযুত্তপচ্চযেন পচ্চযো; দ্ৰে খন্ধা দ্ৰিন্নং খন্ধানং সম্পযুত্তপচ্চযেন পচ্চযো.

ৰিপ্পযুত্তপচ্চযো

১১৫. ৰিপাকো ধম্মো নেৰৰিপাকনৰিপাকধম্মধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৰিপাকা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো; পটিসন্ধিক্খণে ৰিপাকা খন্ধা কটত্তারূপানং ৰিপ্পযুত্তপচ্চযেন পচ্চযো; খন্ধা ৰত্থুস্স ৰিপ্পযুত্তপচ্চযেন পচ্চযো. পচ্ছাজাতা – ৰিপাকা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

ৰিপাকধম্মধম্মো নেৰৰিপাকনৰিপাকধম্মধম্মস্স ৰিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৰিপাকধম্মধম্মা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পচ্ছাজাতা – ৰিপাকধম্মধম্মা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং, পচ্ছাজাতং. সহজাতা – নেৰৰিপাকনৰিপাকধম্মধম্মা খন্ধা চিত্তসমুট্ঠানানং রূপানং ৰিপ্পযুত্তপচ্চযেন পচ্চযো. পুরেজাতং – ৰত্থু নেৰৰিপাকনৰিপাকধম্মধম্মানং খন্ধানং ৰিপ্পযুত্তপচ্চযেন পচ্চযো. পচ্ছাজাতা – নেৰৰিপাকনৰিপাকধম্মধম্মা খন্ধা পুরেজাতস্স ইমস্স কাযস্স ৰিপ্পযুত্তপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স ৰিপ্পযুত্তপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু ৰিপাকানং খন্ধানং ৰিপ্পযুত্তপচ্চযেন পচ্চযো. পুরেজাতং – চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু ৰিপাকানং খন্ধানং ৰিপ্পযুত্তপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স ৰিপ্পযুত্তপচ্চযেন পচ্চযো. পুরেজাতং – ৰত্থু ৰিপাকধম্মধম্মানং খন্ধানং ৰিপ্পযুত্তপচ্চযেন পচ্চযো. (৩)

অত্থিপচ্চযো

১১৬. ৰিপাকো ধম্মো ৰিপাকস্স ধম্মস্স অত্থিপচ্চযেন পচ্চযো – ৰিপাকো একো খন্ধো তিণ্ণন্নং…পে… পটিসন্ধিক্খণে ৰিপাকো একো খন্ধো তিণ্ণন্নং…পে…. (১)

ৰিপাকো ধম্মো নেৰৰিপাকনৰিপাকধম্মধম্মস্স…পে… সহজাতং, পচ্ছাজাতং. সহজাতা – ৰিপাকা খন্ধা চিত্তসমুট্ঠানানং রূপানং অত্থিপচ্চযেন পচ্চযো; পটিসন্ধিখণে ৰিপাকা খন্ধা কটত্তারূপানং অত্থিপচ্চযেন পচ্চযো. পচ্ছাজাতা – ৰিপাকা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

ৰিপাকো ধম্মো ৰিপাকস্স চ নেৰৰিপাকনৰিপাকধম্মধম্মস্স চ অত্থিপচ্চযেন পচ্চযো – ৰিপাকো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো… পটিসন্ধিক্খণে…পে…. (৩)

১১৭. ৰিপাকধম্মধম্মো ৰিপাকধম্মধম্মস্স অত্থিপচ্চযেন পচ্চযো… দ্ৰে খন্ধা দ্ৰিন্নং খন্ধানং অত্থিপচ্চযেন পচ্চযো. (১)

ৰিপাকধম্মধম্মো নেৰৰিপাকনৰিপাকধম্মধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – ৰিপাকধম্মধম্মা খন্ধা চিত্তসমুট্ঠানানং রূপানং অত্থিপচ্চযেন পচ্চযো. পচ্ছাজাতা – ৰিপাকধম্মধম্মা খন্ধা পুরেজাতস্স ইমস্স কাযস্স অত্থিপচ্চযেন পচ্চযো. (২)

ৰিপাকধম্মধম্মো ৰিপাকধম্মধম্মস্স চ নেৰৰিপাকনৰিপাকধম্মধম্মস্স চ…পে… ৰিপাকধম্মধম্মো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…. (৩)

নেৰৰিপাকনৰিপাকধম্মধম্মো নেৰৰিপাকনৰিপাকধম্মধম্মস্স …পে… সহজাতং, পুরেজাতং, পচ্ছাজাতং, আহারং, ইন্দ্রিযং. সহজাতো – নেৰৰিপাকনৰিপাকধম্মধম্মো একো খন্ধো তিণ্ণন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো…পে… দ্ৰে খন্ধা দ্ৰিন্নং খন্ধানং চিত্তসমুট্ঠানানঞ্চ রূপানং অত্থিপচ্চযেন পচ্চযো; একং মহাভূতং…পে… মহাভূতা চিত্তসমুট্ঠানানং রূপানং কটত্তারূপানং উপাদারূপানং অত্থিপচ্চযেন পচ্চযো. বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে….

পুরেজাতং – অরহা চক্খুং অনিচ্চতো…পে… সোতং…পে… ৰত্থুং অনিচ্চতো…পে… দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, ৰত্থু নেৰৰিপাকনৰিপাকধম্মধম্মানং খন্ধানং অত্থিপচ্চযেন পচ্চযো.

পচ্ছাজাতা – নেৰৰিপাকনৰিপাকধম্মধম্মা খন্ধা পুরেজাতস্স ইমস্স কাযস্স অত্থিপচ্চযেন পচ্চযো; কবল়ীকারো আহারো ইমস্স কাযস্স অত্থিপচ্চযেন পচ্চযো; রূপজীৰিতিন্দ্রিযং কটত্তারূপানং অত্থিপচ্চযেন পচ্চযো. (১)

নেৰৰিপাকনৰিপাকধম্মধম্মো ৰিপাকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতং – পটিসন্ধিক্খণে ৰত্থু ৰিপাকানং খন্ধানং অত্থিপচ্চযেন পচ্চযো. পুরেজাতং – সেক্খা ৰা পুথুজ্জনা ৰা চক্খুং অনিচ্চতো…পে… অস্সাদেন্তি; তং আরব্ভ রাগো…পে… দোমনস্সং…পে… কুসলাকুসলে নিরুদ্ধে ৰিপাকো তদারম্মণতা…পে… সোতং…পে… ৰত্থুং…পে… ৰিপাকো তদারম্মণতা…পে… রূপাযতনং চক্খুৰিঞ্ঞাণস্স…পে… ফোট্ঠব্বাযতনং কাযৰিঞ্ঞাণস্স…পে… চক্খাযতনং চক্খুৰিঞ্ঞাণস্স…পে… কাযাযতনং কাযৰিঞ্ঞাণস্স…পে… ৰত্থু ৰিপাকানং খন্ধানং অত্থিপচ্চযেন পচ্চযো. (২)

নেৰৰিপাকনৰিপাকধম্মধম্মো ৰিপাকধম্মধম্মস্স অত্থিপচ্চযেন পচ্চযো. পুরেজাতং – সেক্খা ৰা পুথুজ্জনা ৰা চক্খুং অনিচ্চতো…পে… অস্সাদেন্তি…পে… দোমনস্সং উপ্পজ্জতি. সোতং…পে… ৰত্থুং অনিচ্চতো…পে… দোমনস্সং উপ্পজ্জতি. দিব্বেন চক্খুনা…পে… ৰত্থু ৰিপাকধম্মধম্মানং খন্ধানং অত্থিপচ্চযেন পচ্চযো. (৩)

১১৮. ৰিপাকো চ নেৰৰিপাকনৰিপাকধম্মধম্মো চ ধম্মা ৰিপাকস্স ধম্মস্স অত্থিপচ্চযেন পচ্চযো – সহজাতং, পুরেজাতং. সহজাতো – চক্খুৰিঞ্ঞাণসহগতো একো খন্ধো চ চক্খাযতনঞ্চ তিণ্ণন্নং…পে… কাযৰিঞ্ঞাণসহগতো…পে… ৰিপাকো একো খন্ধো চ ৰত্থু চ তিণ্ণন্নং খন্ধানং…পে… পটিসন্ধিক্খণে ৰিপাকো একো খন্ধো চ ৰত্থু চ তিণ্ণন্নং…পে…. (১)

ৰিপাকো চ নেৰৰিপাকনৰিপাকধম্মধম্মো চ ধম্মা নেৰৰিপাকনৰিপাকধম্মধম্মস্স অত্থিপচ্চযেন পচ্চযো – সহজাতং, পচ্ছাজাতং, আহারং, ইন্দ্রিযং. সহজাতা – ৰিপাকা খন্ধা চ মহাভূতা চ চিত্তসমুট্ঠানানং রূপানং অত্থিপচ্চযেন পচ্চযো. পটিসন্ধিক্খণে ৰিপাকা খন্ধা চ মহাভূতা চ কটত্তারূপানং অত্থিপচ্চযেন পচ্চযো.

পচ্ছাজাতা – ৰিপাকা খন্ধা চ কবল়ীকারো আহারো চ ইমস্স কাযস্স…পে… পচ্ছাজাতা ৰিপাকা খন্ধা চ রূপজীৰিতিন্দ্রিযঞ্চ কটত্তারূপানং অত্থিপচ্চযেন পচ্চযো. (২)