নমো তস্স ভগৰতো অরহতো সম্মাসম্বুদ্ধস্স

অভিধম্মপিটকে

পট্ঠানপাল়ি

(পঠমো ভাগো)

ধম্মানুলোমে

তিকপট্ঠানং

(১) পচ্চযুদ্দেসো

হেতুপচ্চযো, আরম্মণপচ্চযো, অধিপতিপচ্চযো, অনন্তরপচ্চযো, সমনন্তরপচ্চযো, সহজাতপচ্চযো, অঞ্ঞমঞ্ঞপচ্চযো, নিস্সযপচ্চযো, উপনিস্সযপচ্চযো, পুরেজাতপচ্চযো, পচ্ছাজাতপচ্চযো, আসেৰনপচ্চযো, কম্মপচ্চযো, ৰিপাকপচ্চযো, আহারপচ্চযো, ইন্দ্রিযপচ্চযো, ঝানপচ্চযো, মগ্গপচ্চযো, সম্পযুত্তপচ্চযো, ৰিপ্পযুত্তপচ্চযো, অত্থিপচ্চযো, নত্থিপচ্চযো, ৰিগতপচ্চযো, অৰিগতপচ্চযোতি.

(২) পচ্চযনিদ্দেসো

১. হেতুপচ্চযোতি – হেতূ হেতুসম্পযুত্তকানং ধম্মানং তংসমুট্ঠানানঞ্চ রূপানং হেতুপচ্চযেন পচ্চযো [পচ্চযোতি (স্যা.)].

২. আরম্মণপচ্চযোতি – রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. সব্বে ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো.

যং যং ধম্মং আরব্ভ যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং আরম্মণপচ্চযেন পচ্চযো.

৩. অধিপতিপচ্চযোতি – ছন্দাধিপতি ছন্দসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো. ৰীরিযাধিপতি ৰীরিযসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো. চিত্তাধিপতি চিত্তসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো. ৰীমংসাধিপতি ৰীমংসসম্পযুত্তকানং ধম্মানং তংসমুট্ঠানানঞ্চ রূপানং অধিপতিপচ্চযেন পচ্চযো.

যং যং ধম্মং গরুং কত্ৰা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং অধিপতিপচ্চযেন পচ্চযো.

৪. অনন্তরপচ্চযোতি – চক্খুৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো.

সোতৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো.

ঘানৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো.

জিৰ্হাৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো.

কাযৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং অনন্তরপচ্চযেন পচ্চযো.

পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং অনন্তরপচ্চযেন পচ্চযো. পুরিমা পুরিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং অনন্তরপচ্চযেন পচ্চযো.

পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং অনন্তরপচ্চযেন পচ্চযো. পুরিমা পুরিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং অনন্তরপচ্চযেন পচ্চযো.

পুরিমা পুরিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং অনন্তরপচ্চযেন পচ্চযো. পুরিমা পুরিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং অনন্তরপচ্চযেন পচ্চযো. পুরিমা পুরিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং অনন্তরপচ্চযেন পচ্চযো.

যেসং যেসং ধম্মানং অনন্তরা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং অনন্তরপচ্চযেন পচ্চযো.

৫. সমনন্তরপচ্চযোতি – চক্খুৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো.

সোতৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো.

ঘাণৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো.

জিৰ্হাৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো.

কাযৰিঞ্ঞাণধাতু তংসম্পযুত্তকা চ ধম্মা মনোধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো. মনোধাতু তংসম্পযুত্তকা চ ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং সমনন্তরপচ্চযেন পচ্চযো.

পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং সমনন্তরপচ্চযেন পচ্চযো. পুরিমা পুরিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং সমনন্তরপচ্চযেন পচ্চযো.

পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং সমনন্তরপচ্চযেন পচ্চযো. পুরিমা পুরিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং সমনন্তরপচ্চযেন পচ্চযো.

পুরিমা পুরিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং সমনন্তরপচ্চযেন পচ্চযো. পুরিমা পুরিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং সমনন্তরপচ্চযেন পচ্চযো. পুরিমা পুরিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং সমনন্তরপচ্চযেন পচ্চযো.

যেসং যেসং ধম্মানং সমনন্তরা যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং সমনন্তরপচ্চযেন পচ্চযো.

৬. সহজাতপচ্চযোতি – চত্তারো খন্ধা অরূপিনো অঞ্ঞমঞ্ঞং সহজাতপচ্চযেন পচ্চযো. চত্তারো মহাভূতা অঞ্ঞমঞ্ঞং সহজাতপচ্চযেন পচ্চযো. ওক্কন্তিক্খণে নামরূপং অঞ্ঞমঞ্ঞং সহজাতপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং রূপানং সহজাতপচ্চযেন পচ্চযো. মহাভূতা উপাদারূপানং সহজাতপচ্চযেন পচ্চযো. রূপিনো ধম্মা অরূপীনং ধম্মানং কিঞ্চি কালে [কঞ্চি কালং (স্যা.)] সহজাতপচ্চযেন পচ্চযো, কিঞ্চি কালে ন সহজাতপচ্চযেন পচ্চযো.

৭. অঞ্ঞমঞ্ঞপচ্চযোতি – চত্তারো খন্ধা অরূপিনো অঞ্ঞমঞ্ঞপচ্চযেন পচ্চযো. চত্তারো মহাভূতা অঞ্ঞমঞ্ঞপচ্চযেন পচ্চযো. ওক্কন্তিক্খণে নামরূপং অঞ্ঞমঞ্ঞপচ্চযেন পচ্চযো.

৮. নিস্সযপচ্চযোতি – চত্তারো খন্ধা অরূপিনো অঞ্ঞমঞ্ঞং নিস্সযপচ্চযেন পচ্চযো. চত্তারো মহাভূতা অঞ্ঞমঞ্ঞং নিস্সযপচ্চযেন পচ্চযো. ওক্কন্তিক্খণে নামরূপং অঞ্ঞমঞ্ঞং নিস্সযপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং রূপানং নিস্সযপচ্চযেন পচ্চযো. মহাভূতা উপাদারূপানং নিস্সযপচ্চযেন পচ্চযো.

চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং নিস্সযপচ্চযেন পচ্চযো. যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা চ মনোৰিঞ্ঞাণধাতুযা চ তংসম্পযুত্তকানঞ্চ ধম্মানং নিস্সযপচ্চযেন পচ্চযো.

৯. উপনিস্সযপচ্চযোতি – পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং উপনিস্সযপচ্চযেন পচ্চযো. পুরিমা পুরিমা কুসলা ধম্মা পচ্ছিমানং পচ্ছিমানং অকুসলানং ধম্মানং কেসঞ্চি উপনিস্সযপচ্চযেন পচ্চযো. পুরিমা পুরিমা কুসলা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো.

পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং উপনিস্সযপচ্চযেন পচ্চযো. পুরিমা পুরিমা অকুসলা ধম্মা পচ্ছিমানং পচ্ছিমানং কুসলানং ধম্মানং কেসঞ্চি উপনিস্সযপচ্চযেন পচ্চযো. পুরিমা পুরিমা অকুসলা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো.

পুরিমা পুরিমা অব্যাকতা ধম্মা পচ্ছিমানং পচ্ছিমানং অব্যাকতানং ধম্মানং উপনিস্সযপচ্চযেন পচ্চযো. পুরিমা পুরিমা অব্যাকতা ধম্মা পচ্ছিমানং পচ্ছিমানং কুসলানং ধম্মানং উপনিস্সযপচ্চযেন পচ্চযো. পুরিমা পুরিমা অব্যাকতা ধম্মা পচ্ছিমানং পচ্ছিমানং অকুসলানং ধম্মানং উপনিস্সযপচ্চযেন পচ্চযো.

উতুভোজনম্পি উপনিস্সযপচ্চযেন পচ্চযো. পুগ্গলোপি উপনিস্সযপচ্চযেন পচ্চযো. সেনাসনম্পি উপনিস্সযপচ্চযেন পচ্চযো.

১০. পুরেজাতপচ্চযোতি – চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো.

রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো.

যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা তংসম্পযুত্তকানঞ্চ ধম্মানং পুরেজাতপচ্চযেন পচ্চযো. মনোৰিঞ্ঞাণধাতুযা তংসম্পযুত্তকানঞ্চ ধম্মানং কিঞ্চি কালে পুরেজাতপচ্চযেন পচ্চযো, কিঞ্চি কালে ন পুরেজাতপচ্চযেন পচ্চযো.

১১. পচ্ছাজাতপচ্চযোতি – পচ্ছাজাতা চিত্তচেতসিকা ধম্মা পুরেজাতস্স ইমস্স কাযস্স পচ্ছাজাতপচ্চযেন পচ্চযো.

১২. আসেৰনপচ্চযোতি – পুরিমা পুরিমা কুসলা ধম্মা পচ্ছিমানং পচ্ছিমানং কুসলানং ধম্মানং আসেৰনপচ্চযেন পচ্চযো. পুরিমা পুরিমা অকুসলা ধম্মা পচ্ছিমানং পচ্ছিমানং অকুসলানং ধম্মানং আসেৰনপচ্চযেন পচ্চযো. পুরিমা পুরিমা কিরিযাব্যাকতা ধম্মা পচ্ছিমানং পচ্ছিমানং কিরিযাব্যাকতানং ধম্মানং আসেৰনপচ্চযেন পচ্চযো.

১৩. কম্মপচ্চযোতি – কুসলাকুসলং কম্মং ৰিপাকানং খন্ধানং কটত্তা চ রূপানং কম্মপচ্চযেন পচ্চযো. চেতনা সম্পযুত্তকানং ধম্মানং তংসমুট্ঠানানঞ্চ রূপানং কম্মপচ্চযেন পচ্চযো.

১৪. ৰিপাকপচ্চযোতি – ৰিপাকা চত্তারো খন্ধা অরূপিনো অঞ্ঞমঞ্ঞং ৰিপাকপচ্চযেন পচ্চযো.

১৫. আহারপচ্চযোতি – কবল়ীকারো [কবল়িঙ্কারো (ক. সী. স্যা.)] আহারো ইমস্স কাযস্স আহারপচ্চযেন পচ্চযো. অরূপিনো আহারা সম্পযুত্তকানং ধম্মানং তংসমুট্ঠানানঞ্চ রূপানং আহারপচ্চযেন পচ্চযো.

১৬. ইন্দ্রিযপচ্চযোতি – চক্খুন্দ্রিযং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো. সোতিন্দ্রিযং সোতৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো. ঘানিন্দ্রিযং ঘানৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো. জিৰ্হিন্দ্রিযং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো. কাযিন্দ্রিযং কাযৰিঞ্ঞাণধাতুযা তংসম্পযুত্তকানঞ্চ ধম্মানং ইন্দ্রিযপচ্চযেন পচ্চযো. রূপজীৰিতিন্দ্রিযং কটত্তারূপানং ইন্দ্রিযপচ্চযেন পচ্চযো.

অরূপিনো ইন্দ্রিযা সম্পযুত্তকানং ধম্মানং তংসমুট্ঠানানঞ্চ রূপানং ইন্দ্রিযপচ্চযেন পচ্চযো.

১৭. ঝানপচ্চযোতি – ঝানঙ্গানি ঝানসম্পযুত্তকানং ধম্মানং তংসমুট্ঠানানঞ্চ রূপানং ঝানপচ্চযেন পচ্চযো.

১৮. মগ্গপচ্চযোতি – মগ্গঙ্গানি মগ্গসম্পযুত্তকানং ধম্মানং তংসমুট্ঠানানঞ্চ রূপানং মগ্গপচ্চযেন পচ্চযো.

১৯. সম্পযুত্তপচ্চযোতি – চত্তারো খন্ধা অরূপিনো অঞ্ঞমঞ্ঞং সম্পযুত্তপচ্চযেন পচ্চযো.

২০. ৰিপ্পযুত্তপচ্চযোতি – রূপিনো ধম্মা অরূপীনং ধম্মানং ৰিপ্পযুত্তপচ্চযেন পচ্চযো. অরূপিনো ধম্মা রূপীনং ধম্মানং ৰিপ্পযুত্তপচ্চযেন পচ্চযো.

২১. অত্থিপচ্চযোতি – চত্তারো খন্ধা অরূপিনো অঞ্ঞমঞ্ঞং অত্থিপচ্চযেন পচ্চযো. চত্তারো মহাভূতা অঞ্ঞমঞ্ঞং অত্থিপচ্চযেন পচ্চযো. ওক্কন্তিক্খণে নামরূপং অঞ্ঞমঞ্ঞং অত্থিপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং রূপানং অত্থিপচ্চযেন পচ্চযো. মহাভূতা উপাদারূপানং অত্থিপচ্চযেন পচ্চযো.

চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো.

রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো. রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং অত্থিপচ্চযেন পচ্চযো.

যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা চ মনোৰিঞ্ঞাণধাতুযা চ তংসম্পযুত্তকানঞ্চ ধম্মানং অত্থিপচ্চযেন পচ্চযো.

২২. নত্থিপচ্চযোতি – সমনন্তরনিরুদ্ধা চিত্তচেতসিকা ধম্মা পটুপ্পন্নানং চিত্তচেতসিকানং ধম্মানং নত্থিপচ্চযেন পচ্চযো.

২৩. ৰিগতপচ্চযোতি – সমনন্তরৰিগতা চিত্তচেতসিকা ধম্মা পটুপ্পন্নানং চিত্তচেতসিকানং ধম্মানং ৰিগতপচ্চযেন পচ্চযো.

২৪. অৰিগতপচ্চযোতি – চত্তারো খন্ধা অরূপিনো অঞ্ঞমঞ্ঞং অৰিগতপচ্চযেন পচ্চযো. চত্তারো মহাভূতা অঞ্ঞমঞ্ঞং অৰিগতপচ্চযেন পচ্চযো. ওক্কন্তিক্খণে নামরূপং অঞ্ঞমঞ্ঞং অৰিগতপচ্চযেন পচ্চযো. চিত্তচেতসিকা ধম্মা চিত্তসমুট্ঠানানং রূপানং অৰিগতপচ্চযেন পচ্চযো. মহাভূতা উপাদারূপানং অৰিগতপচ্চযেন পচ্চযো.

চক্খাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. সোতাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. ঘানাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. জিৰ্হাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. কাযাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো.

রূপাযতনং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. সদ্দাযতনং সোতৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. গন্ধাযতনং ঘানৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. রসাযতনং জিৰ্হাৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো. রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং অৰিগতপচ্চযেন পচ্চযো.

যং রূপং নিস্সায মনোধাতু চ মনোৰিঞ্ঞাণধাতু চ ৰত্তন্তি, তং রূপং মনোধাতুযা চ মনোৰিঞ্ঞাণধাতুযা চ তংসম্পযুত্তকানঞ্চ ধম্মানং অৰিগতপচ্চযেন পচ্চযো.

পচ্চযনিদ্দেসো.

৩. পুচ্ছাৰারো

১. পচ্চযানুলোমং

একমূলকং

(১.) কুসলপদং

২৫. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(২) অকুসলপদং

২৬. সিযা অকুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা অকুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা অকুসলং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা অকুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা অকুসলং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৩) অব্যাকতপদং

২৭. সিযা অব্যাকতং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা অব্যাকতং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা অব্যাকতং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা অব্যাকতং ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অব্যাকতং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অব্যাকতং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা অব্যাকতং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৪) কুসলাব্যাকতপদং

২৮. সিযা কুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৫) অকুসলাব্যাকতপদং

২৯. সিযা অকুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৬) কুসলাকুসলপদং

৩০. সিযা কুসলঞ্চ অকুসলঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

(৭) কুসলাকুসলাব্যাকতপদং

৩১. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা.

হেতুপচ্চযৰারো.

৩২. সিযা কুসলং ধম্মং পটিচ্চ কুসলো ধম্মো উপ্পজ্জেয্য আরম্মণপচ্চযা.

(যথা হেতুপচ্চযো ৰিত্থারিতো, এৰং আরম্মণপচ্চযোপি ৰিত্থারেতব্বো ৰাচনামগ্গেন.)

৩৩. সিযা কুসলং ধম্মং পটিচ্চ কুসলো ধম্মো উপ্পজ্জেয্য অধিপতিপচ্চযা… অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুরেজাতপচ্চযা… পচ্ছাজাতপচ্চযা… আসেৰনপচ্চযা… কম্মপচ্চযা… ৰিপাকপচ্চযা… আহারপচ্চযা… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা… ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা.

৩৪. সিযা কুসলং ধম্মং পটিচ্চ কুসলো ধম্মো উপ্পজ্জেয্য অৰিগতপচ্চযা…পে… অকুসলং ধম্মং পটিচ্চ… অব্যাকতং ধম্মং পটিচ্চ… কুসলঞ্চ অব্যাকতঞ্চ ধম্মং পটিচ্চ… অকুসলঞ্চ অব্যাকতঞ্চ ধম্মং পটিচ্চ… কুসলঞ্চ অকুসলঞ্চ ধম্মং পটিচ্চ… কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো ধম্মো উপ্পজ্জেয্য… অকুসলো ধম্মো উপ্পজ্জেয্য… অব্যাকতো ধম্মো উপ্পজ্জেয্য… কুসলো চ অব্যাকতো চ ধম্মা উপ্পজ্জেয্যুং… অকুসলো চ অব্যাকতো চ ধম্মা উপ্পজ্জেয্যুং… কুসলো চ অকুসলো চ ধম্মা উপ্পজ্জেয্যুং… কুসলো চ অকুসলো চ অব্যাকতো চ ধম্মা উপ্পজ্জেয্যুং অৰিগতপচ্চযা.

(যথা হেতুপচ্চযো ৰিত্থারিতো, এৰং অৰিগতপচ্চযোপি ৰিত্থারেতব্বো ৰাচনামগ্গেন.)

একমূলকং.

দুমূলকাদি

হেতুমূলকং

৩৫. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আরম্মণপচ্চযা…পে… সিযা কুসলঞ্চ অকুসলঞ্চ অব্যাকতঞ্চ ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা আরম্মণপচ্চযা.

৩৬. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা অধিপতিপচ্চযা …পে… হেতুপচ্চযা অনন্তরপচ্চযা… হেতুপচ্চযা সমনন্তরপচ্চযা…পে… হেতুপচ্চযা অৰিগতপচ্চযা.

দুমূলকং.

৩৭. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আরম্মণপচ্চযা অধিপতিপচ্চযা…পে… হেতুপচ্চযা আরম্মণপচ্চযা অনন্তরপচ্চযা…পে… হেতুপচ্চযা আরম্মণপচ্চযা অৰিগতপচ্চযা.

তিমূলকং.

৩৮. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আরম্মণপচ্চযা অধিপতিপচ্চযা অনন্তরপচ্চযা…পে… হেতুপচ্চযা আরম্মণপচ্চযা অধিপতিপচ্চযা অৰিগতপচ্চযা.

চতুমূলকং.

(পঞ্চমূলকাদিকা সংখিত্তা. একমূলকং, দুমূলকং, তিমূলকং, চতুমূলকং, পঞ্চমূলকং, সব্বমূলকং অসম্মুয্হন্তেন ৰিত্থারেতব্বং.)

হেতুমূলকং.

আরম্মণমূলকাদি

৩৯. সিযা কুসলং ধম্মং পটিচ্চ কুসলো ধম্মো উপ্পজ্জেয্য আরম্মণপচ্চযা হেতুপচ্চযা… আরম্মণপচ্চযা অধিপতিপচ্চযা…পে… আরম্মণপচ্চযা অৰিগতপচ্চযা.

সিযা কুসলং ধম্মং পটিচ্চ কুসলো ধম্মো উপ্পজ্জেয্য অধিপতিপচ্চযা… অনন্তরপচ্চযা… সমনন্তরপচ্চযা… সহজাতপচ্চযা… অঞ্ঞমঞ্ঞপচ্চযা…পে… অৰিগতপচ্চযা হেতুপচ্চযা… অৰিগতপচ্চযা আরম্মণপচ্চযা… অৰিগতপচ্চযা অধিপতিপচ্চযা…পে… অৰিগতপচ্চযা ৰিগতপচ্চযা.

দুমূলকং.

৪০. সিযা কুসলং ধম্মং পটিচ্চ কুসলো ধম্মো উপ্পজ্জেয্য অৰিগতপচ্চযা হেতুপচ্চযা আরম্মণপচ্চযা… অৰিগতপচ্চযা হেতুপচ্চযা অধিপতিপচ্চযা… অৰিগতপচ্চযা হেতুপচ্চযা অনন্তরপচ্চযা…পে… অৰিগতপচ্চযা হেতুপচ্চযা ৰিগতপচ্চযা.

৪১. সিযা কুসলং ধম্মং পটিচ্চ কুসলো ধম্মো উপ্পজ্জেয্য অৰিগতপচ্চযা হেতুপচ্চযা আরম্মণপচ্চযা অধিপতিপচ্চযা… অৰিগতপচ্চযা হেতুপচ্চযা আরম্মণপচ্চযা অনন্তরপচ্চযা…পে… ৰিগতপচ্চযা.

(একেকস্স পদস্স একমূলকং, দুমূলকং, তিমূলকং, চতুমূলকং, পঞ্চমূলকং, সব্বমূলকং অসম্মুয্হন্তেন ৰিত্থারেতব্বং. )

(ক) তিকঞ্চ পট্ঠানৰরং দুকুত্তমং,

দুকং তিকঞ্চেৰ তিকং দুকঞ্চ;

তিকং তিকঞ্চেৰ দুকং দুকঞ্চ,

ছ অনুলোমম্হি নযা সুগম্ভীরাতি.

২. পচ্চযপচ্চনীযং

৪২. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা.

(যথা অনুলোমে হেতুপচ্চযো ৰিত্থারিতো, এৰং পচ্চনীযেপি নহেতুপচ্চযো ৰিত্থারেতব্বো.)

৪৩. সিযা কুসলং ধম্মং পটিচ্চ কুসলো ধম্মো উপ্পজ্জেয্য নআরম্মণপচ্চযা… নঅধিপতিপচ্চযা… নঅনন্তরপচ্চযা… নসমনন্তরপচ্চযা… নসহজাতপচ্চযা… নঅঞ্ঞমঞ্ঞপচ্চযা… ননিস্সযপচ্চযা… নউপনিস্সযপচ্চযা… নপুরেজাতপচ্চযা… নপচ্ছাজাতপচ্চযা … নআসেৰনপচ্চযা… নকম্মপচ্চযা… নৰিপাকপচ্চযা… নআহারপচ্চযা… নইন্দ্রিযপচ্চযা… নঝানপচ্চযা… নমগ্গপচ্চযা… নসম্পযুত্তপচ্চযা… নৰিপ্পযুত্তপচ্চযা… নোঅত্থিপচ্চযা… নোনত্থিপচ্চযা… নোৰিগতপচ্চযা… নোঅৰিগতপচ্চযা.

৪৪. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা নআরম্মণপচ্চযা….

(যথা অনুলোমে একেকস্স পদস্স একমূলকং, দুমূলকং, তিমূলকং, চতুমূলকং, যাৰ তেৰীসতিমূলকং এৰং পচ্চনীযেপি ৰিত্থারেতব্বং. )

(খ) তিকঞ্চ পট্ঠানৰরং দুকুত্তমং,

দুকং তিকঞ্চেৰ তিকং দুকঞ্চ;

তিকং তিকঞ্চেৰ দুকং দুকঞ্চ,

ছ পচ্চনীযম্হি নযা সুগম্ভীরাতি.

৩. পচ্চযানুলোমপচ্চনীযং

৪৫. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা নআরম্মণপচ্চযা… সিযা কুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা নআরম্মণপচ্চযা.

(যথা অনুলোমে হেতুপচ্চযো ৰিত্থারিতো, এৰং অনুলোমপচ্চনীযেপি পদং ৰিত্থারেতব্বং.)

৪৬. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা নঅধিপতিপচ্চযা… হেতুপচ্চযা নঅনন্তরপচ্চযা…পে… হেতুপচ্চযা নোঅৰিগতপচ্চযা.

৪৭. সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা আরম্মণপচ্চযা নঅধিপতিপচ্চযা… হেতুপচ্চযা আরম্মণপচ্চযা নঅনন্তরপচ্চযা…পে… হেতুপচ্চযা আরম্মণপচ্চযা নোঅৰিগতপচ্চযা.

হেতুপচ্চযা আরম্মণপচ্চযা অধিপতিপচ্চযা নঅনন্তরপচ্চযা…পে… হেতুপচ্চযা আরম্মণপচ্চযা অধিপতিপচ্চযা নোঅৰিগতপচ্চযা.

হেতুপচ্চযা আরম্মণপচ্চযা অধিপতিপচ্চযা অনন্তরপচ্চযা নসমনন্তরপচ্চযা…পে… হেতুপচ্চযা আরম্মণপচ্চযা অধিপতিপচ্চযা অনন্তরপচ্চযা নোঅৰিগতপচ্চযা…পে….

হেতুপচ্চযা আরম্মণপচ্চযা অধিপতিপচ্চযা অনন্তরপচ্চযা সমনন্তরপচ্চযা সহজাতপচ্চযা অঞ্ঞমঞ্ঞপচ্চযা নিস্সযপচ্চযা উপনিস্সযপচ্চযা পুরেজাতপচ্চযা পচ্ছাজাতপচ্চযা আসেৰনপচ্চযা কম্মপচ্চযা ৰিপাকপচ্চযা আহারপচ্চযা ইন্দ্রিযপচ্চযা ঝানপচ্চযা মগ্গপচ্চযা সম্পযুত্তপচ্চযা ৰিপ্পযুত্তপচ্চযা অত্থিপচ্চযা নত্থিপচ্চযা ৰিগতপচ্চযা নোঅৰিগতপচ্চযা.

৪৮. সিযা কুসলং ধম্মং পটিচ্চ কুসলো ধম্মো উপ্পজ্জেয্য আরম্মণপচ্চযা… অধিপতিপচ্চযা… অনন্তরপচ্চযা…পে… অৰিগতপচ্চযা নহেতুপচ্চযা … অৰিগতপচ্চযা নআরম্মণপচ্চযা…পে… অৰিগতপচ্চযা নোৰিগতপচ্চযা.

অৰিগতপচ্চযা হেতুপচ্চযা নআরম্মণপচ্চযা…পে… অৰিগতপচ্চযা হেতুপচ্চযা নোৰিগতপচ্চযা.

অৰিগতপচ্চযা হেতুপচ্চযা আরম্মণপচ্চযা নঅধিপতিপচ্চযা…পে… অৰিগতপচ্চযা হেতুপচ্চযা আরম্মণপচ্চযা নোৰিগতপচ্চযা.

অৰিগতপচ্চযা হেতুপচ্চযা আরম্মণপচ্চযা অধিপতিপচ্চযা অনন্তরপচ্চযা সমনন্তরপচ্চযা সহজাতপচ্চযা…পে… নোৰিগতপচ্চযা.

(গ) তিকঞ্চ পট্ঠানৰরং দুকুত্তমং,

দুকং তিকঞ্চেৰ তিকং দুকঞ্চ;

তিকং তিকঞ্চেৰ দুকং দুকঞ্চ,

ছ অনুলোমপচ্চনীযম্হি নযা সুগম্ভীরাতি.

৪. পচ্চযপচ্চনীযানুলোমং

৪৯. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা আরম্মণপচ্চযা. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা অধিপতিপচ্চযা…পে… নহেতুপচ্চযা অৰিগতপচ্চযা.

৫০. সিযা কুসলং ধম্মং পটিচ্চ কুসলো ধম্মো উপ্পজ্জেয্য নহেতুপচ্চযা নআরম্মণপচ্চযা অধিপতিপচ্চযা…পে… অৰিগতপচ্চযা.

নহেতুপচ্চযা নআরম্মণপচ্চযা নঅধিপতিপচ্চযা…পে… অৰিগতপচ্চযা.

নহেতুপচ্চযা নআরম্মণপচ্চযা নঅধিপতিপচ্চযা নঅনন্তরপচ্চযা নসমনন্তরপচ্চযা…পে… নোঅত্থিপচ্চযা নোনত্থিপচ্চযা নোৰিগতপচ্চযা অৰিগতপচ্চযা.

৫১. সিযা কুসলং ধম্মং পটিচ্চ কুসলো ধম্মো উপ্পজ্জেয্য নআরম্মণপচ্চযা হেতুপচ্চযা.

৫২. সিযা কুসলং ধম্মং পটিচ্চ কুসলো ধম্মো উপ্পজ্জেয্য নআরম্মণপচ্চযা অধিপতিপচ্চযা…পে… নআরম্মণপচ্চযা অৰিগতপচ্চযা…পে… নোঅৰিগতপচ্চযা হেতুপচ্চযা… নোঅৰিগতপচ্চযা আরম্মণপচ্চযা…পে… নোঅৰিগতপচ্চযা ৰিগতপচ্চযা.

নোঅৰিগতপচ্চযা নহেতুপচ্চযা আরম্মণপচ্চযা…পে… নোঅৰিগতপচ্চযা নহেতুপচ্চযা ৰিগতপচ্চযা.

নোঅৰিগতপচ্চযা নহেতুপচ্চযা নআরম্মণপচ্চযা নঅধিপতিপচ্চযা…পে… নোঅত্থিপচ্চযা নোনত্থিপচ্চযা ৰিগতপচ্চযা.

(ঘ) তিকঞ্চ পট্ঠানৰরং দুকুত্তমং,

দুকং তিকঞ্চেৰ তিকং দুকঞ্চ;

তিকং তিকঞ্চেৰ দুকং দুকঞ্চ,

ছ পচ্চনীযানুলোমম্হি নযা সুগম্ভীরাতি.