৩. ৰিপাকত্তিকং

১. পটিচ্চৰারো

১. পচ্চযানুলোমং

১. ৰিভঙ্গৰারো

হেতুপচ্চযো

১. ৰিপাকং ধম্মং পটিচ্চ ৰিপাকো ধম্মো উপ্পজ্জতি হেতুপচ্চযা – ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; পটিসন্ধিক্খণে ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি হেতুপচ্চযা – ৰিপাকে খন্ধে পটিচ্চ চিত্তসমুট্ঠানং রূপং; পটিসন্ধিক্খণে ৰিপাকে খন্ধে পটিচ্চ কটত্তারূপং, খন্ধে পটিচ্চ ৰত্থু. (২)

ৰিপাকং ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি হেতুপচ্চযা – ৰিপাকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; পটিসন্ধিক্খণে ৰিপাকং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা কটত্তা চ রূপং. (৩)

২. ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি হেতুপচ্চযা – ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি হেতুপচ্চযা – ৰিপাকধম্মধম্মে খন্ধে পটিচ্চ চিত্তসমুট্ঠানং রূপং. (২)

ৰিপাকধম্মধম্মং পটিচ্চ ৰিপাকধম্মধম্মো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি হেতুপচ্চযা – ৰিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

৩. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি হেতুপচ্চযা – নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং, একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

নেৰৰিপাকনৰিপাকধম্মধম্মং পটিচ্চ ৰিপাকো ধম্মো উপ্পজ্জতি হেতুপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা. (২)

নেৰৰিপাকনৰিপাকধম্মধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা, মহাভূতে পটিচ্চ কটত্তারূপং. (৩)

৪. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি হেতুপচ্চযা – পটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা. (১)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি হেতুপচ্চযা – ৰিপাকে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে ৰিপাকে খন্ধে চ মহাভূতে চ পটিচ্চ কটত্তারূপং. (২)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা, ৰিপাকে খন্ধে চ মহাভূতে চ পটিচ্চ কটত্তারূপং. (৩)

৫. ৰিপাকধম্মধম্মঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি হেতুপচ্চযা – ৰিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

আরম্মণপচ্চযো

৬. ৰিপাকং ধম্মং পটিচ্চ ৰিপাকো ধম্মো উপ্পজ্জতি আরম্মণপচ্চযা – ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; পটিসন্ধিক্খণে ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

৭. ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি আরম্মণপচ্চযা – ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

৮. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি আরম্মণপচ্চযা – নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

নেৰৰিপাকনৰিপাকধম্মধম্মং পটিচ্চ ৰিপাকো ধম্মো উপ্পজ্জতি আরম্মণপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা. (২)

৯. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি আরম্মণপচ্চযা – পটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা. (১)

অধিপতিপচ্চযো

১০. ৰিপাকং ধম্মং পটিচ্চ ৰিপাকো ধম্মো উপ্পজ্জতি অধিপতিপচ্চযা – ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি অধিপতিপচ্চযা – ৰিপাকে খন্ধে পটিচ্চ চিত্তসমুট্ঠানং রূপং. (২)

ৰিপাকং ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি অধিপতিপচ্চযা – ৰিপাকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

ৰিপাকধম্মধম্মং পটিচ্চ তীণি.

১১. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি অধিপতিপচ্চযা – নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং, একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং. (১)

১২. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি অধিপতিপচ্চযা – ৰিপাকে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

ৰিপাকধম্মধম্মঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি অধিপতিপচ্চযা – ৰিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

অনন্তরপচ্চযাদি

১৩. ৰিপাকং ধম্মং পটিচ্চ ৰিপাকো ধম্মো উপ্পজ্জতি অনন্তরপচ্চযা… সমনন্তরপচ্চযা… (আরম্মণপচ্চযসদিসং) সহজাতপচ্চযা… (সহজাতং সব্বং হেতুপচ্চযসদিসং).

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি সহজাতপচ্চযা…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং (সহজাতে ইদং নানাকরণং).

অঞ্ঞমঞ্ঞপচ্চযো

১৪. ৰিপাকং ধম্মং পটিচ্চ ৰিপাকো ধম্মো উপ্পজ্জতি অঞ্ঞমঞ্ঞপচ্চযা – ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; পটিসন্ধিক্খণে ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি অঞ্ঞমঞ্ঞপচ্চযা – পটিসন্ধিক্খণে ৰিপাকে খন্ধে পটিচ্চ ৰত্থু. (২)

ৰিপাকং ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি অঞ্ঞমঞ্ঞপচ্চযা – পটিসন্ধিক্খণে ৰিপাকং একং খন্ধং পটিচ্চ তযো খন্ধা ৰত্থু চ…পে… দ্ৰে খন্ধে পটিচ্চ দ্ৰে খন্ধা ৰত্থু চ. (৩)

ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি অঞ্ঞমঞ্ঞপচ্চযা – ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

১৫. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি অঞ্ঞমঞ্ঞপচ্চযা – নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা…পে… একং মহাভূতং…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

নেৰৰিপাকনৰিপাকধম্মধম্মং পটিচ্চ ৰিপাকো ধম্মো উপ্পজ্জতি অঞ্ঞমঞ্ঞপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা. (২)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি অঞ্ঞমঞ্ঞপচ্চযা – পটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা. (১)

নিস্সযপচ্চযাদি

১৬. ৰিপাকং ধম্মং পটিচ্চ ৰিপাকো ধম্মো উপ্পজ্জতি নিস্সযপচ্চযা (সংখিত্তং)… উপনিস্সযপচ্চযা… পুরেজাতপচ্চযা.

আসেৰনপচ্চযো

১৭. ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি আসেৰনপচ্চযা – ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা.

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি আসেৰনপচ্চযা – নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা.

কম্ম-ৰিপাকপচ্চযা

১৮. ৰিপাকং ধম্মং পটিচ্চ ৰিপাকো ধম্মো উপ্পজ্জতি কম্মপচ্চযা (সংখিত্তং)… ৰিপাকপচ্চযা… তীণি.

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি ৰিপাকপচ্চযা – একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং. (১)

নেৰৰিপাকনৰিপাকধম্মধম্মং পটিচ্চ ৰিপাকো ধম্মো উপ্পজ্জতি ৰিপাকপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা. (২)

নেৰৰিপাকনৰিপাকধম্মধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি ৰিপাকপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা, মহাভূতে পটিচ্চ কটত্তারূপং. (৩)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি ৰিপাকপচ্চযা…পে… নেৰৰিপাকনৰিপাকধম্মধম্মো উপ্পজ্জতি ৰিপাকপচ্চযা. ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি ৰিপাকপচ্চযা…পে….

আহারপচ্চযাদি

১৯. ৰিপাকং ধম্মং পটিচ্চ ৰিপাকো ধম্মো উপ্পজ্জতি আহারপচ্চযা (সংখিত্তং)… ইন্দ্রিযপচ্চযা… ঝানপচ্চযা… মগ্গপচ্চযা… সম্পযুত্তপচ্চযা … ৰিপ্পযুত্তপচ্চযা… অত্থিপচ্চযা… নত্থিপচ্চযা… ৰিগতপচ্চযা… অৰিগতপচ্চযা.

১. পচ্চযানুলোমং

২. সঙ্খ্যাৰারো

সুদ্ধং

২০. হেতুযা তেরস, আরম্মণে পঞ্চ, অধিপতিযা নৰ, অনন্তরে পঞ্চ, সমনন্তরে পঞ্চ, সহজাতে তেরস, অঞ্ঞমঞ্ঞে সত্ত, নিস্সযে তেরস, উপনিস্সযে পঞ্চ, পুরেজাতে তীণি, আসেৰনে দ্ৰে, কম্মে তেরস, ৰিপাকে নৰ, আহারে তেরস, ইন্দ্রিযে তেরস, ঝানে তেরস, মগ্গে তেরস, সম্পযুত্তে পঞ্চ, ৰিপ্পযুত্তে তেরস, অত্থিযা তেরস, নত্থিযা পঞ্চ, ৰিগতে পঞ্চ, অৰিগতে তেরস.

হেতুদুকং

২১. হেতুপচ্চযা আরম্মণে পঞ্চ…পে… অৰিগতে তেরস…পে….

(যথা কুসলত্তিকস্স গণনা, এৰং গণেতব্বং.)

আসেৰনদুকং

২২. আসেৰনপচ্চযা হেতুযা দ্ৰে, আরম্মণে দ্ৰে, অধিপতিযা দ্ৰে, অনন্তরে দ্ৰে, সমনন্তরে দ্ৰে, সহজাতে দ্ৰে, অঞ্ঞমঞ্ঞে দ্ৰে, নিস্সযে দ্ৰে, উপনিস্সযে দ্ৰে, পুরেজাতে দ্ৰে, কম্মে দ্ৰে, আহারে দ্ৰে, ইন্দ্রিযে দ্ৰে, ঝানে দ্ৰে, মগ্গে দ্ৰে, সম্পযুত্তে দ্ৰে, ৰিপ্পযুত্তে দ্ৰে, অত্থিযা দ্ৰে, নত্থিযা দ্ৰে, ৰিগতে দ্ৰে, অৰিগতে দ্ৰে…পে….

ৰিপাকদুকং

২৩. ৰিপাকপচ্চযা হেতুযা নৰ, আরম্মণে তীণি, অধিপতিযা পঞ্চ, অনন্তরে তীণি, সমনন্তরে তীণি, সহজাতে নৰ, অঞ্ঞমঞ্ঞে ছ, নিস্সযে নৰ, উপনিস্সযে তীণি, পুরেজাতে একং, কম্মে নৰ, আহারে নৰ, ইন্দ্রিযে নৰ, ঝানে নৰ, মগ্গে নৰ, সম্পযুত্তে তীণি, ৰিপ্পযুত্তে নৰ, অত্থিযা নৰ, নত্থিযা তীণি, ৰিগতে তীণি, অৰিগতে নৰ (সংখিত্তং).

অনুলোমগণনা.

২. পচ্চযপচ্চনীযং

১. ৰিভঙ্গৰারো

নহেতুপচ্চযো

২৪. ৰিপাকং ধম্মং পটিচ্চ ৰিপাকো ধম্মো উপ্পজ্জতি নহেতুপচ্চযা – অহেতুকং ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; অহেতুকপটিসন্ধিক্খণে ৰিপাকং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. (১)

ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নহেতুপচ্চযা – অহেতুকে ৰিপাকে খন্ধে পটিচ্চ চিত্তসমুট্ঠানং রূপং; অহেতুকপটিসন্ধিক্খণে ৰিপাকে খন্ধে পটিচ্চ কটত্তারূপং, খন্ধে পটিচ্চ ৰত্থু. (২)

ৰিপাকং ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নহেতুপচ্চযা – অহেতুকং ৰিপাকং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং; অহেতুকপটিসন্ধিক্খণে ৰিপাকং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা কটত্তা চ রূপং. (৩)

২৫. ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পটিচ্চ ৰিচিকিচ্ছাসহগতো উদ্ধচ্চসহগতো মোহো. (১)

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নহেতুপচ্চযা – অহেতুকং নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং, একং মহাভূতং পটিচ্চ তযো মহাভূতা…পে… দ্ৰে মহাভূতে পটিচ্চ দ্ৰে মহাভূতা, মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

নেৰৰিপাকনৰিপাকধম্মধম্মং পটিচ্চ ৰিপাকো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৰত্থুং পটিচ্চ ৰিপাকা খন্ধা. (২)

নেৰৰিপাকনৰিপাকধম্মধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৰত্থুং পটিচ্চ ৰিপাকা খন্ধা, মহাভূতে পটিচ্চ কটত্তারূপং. (৩)

২৬. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা. (১)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নহেতুপচ্চযা – অহেতুকে ৰিপাকে খন্ধে চ মহাভূতে চ পটিচ্চ চিত্তসমুট্ঠানং রূপং; অহেতুকপটিসন্ধিক্খণে ৰিপাকে খন্ধে চ মহাভূতে চ পটিচ্চ কটত্তারূপং. (২)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা, ৰিপাকে খন্ধে চ মহাভূতে চ পটিচ্চ কটত্তারূপং. (৩)

নআরম্মণপচ্চযো

২৭. ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নআরম্মণপচ্চযা – ৰিপাকে খন্ধে পটিচ্চ চিত্তসমুট্ঠানং রূপং; পটিসন্ধিক্খণে ৰিপাকে খন্ধে পটিচ্চ কটত্তারূপং, খন্ধে পটিচ্চ ৰত্থু. (১)

২৮. ৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নআরম্মণপচ্চযা – ৰিপাকধম্মধম্মে খন্ধে পটিচ্চ চিত্তসমুট্ঠানং রূপং. (১)

২৯. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নআরম্মণপচ্চযা – নেৰৰিপাকনৰিপাকধম্মধম্মে খন্ধে পটিচ্চ চিত্তসমুট্ঠানং রূপং, একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা… মহাভূতে পটিচ্চ কটত্তারূপং উপাদারূপং. (১)

৩০. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নআরম্মণপচ্চযা – ৰিপাকে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে ৰিপাকে খন্ধে চ মহাভূতে চ পটিচ্চ কটত্তারূপং. (১)

৩১. ৰিপাকধম্মধম্মঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নআরম্মণপচ্চযা – ৰিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নঅধিপতিপচ্চযো

৩২. ৰিপাকং ধম্মং পটিচ্চ ৰিপাকো ধম্মো উপ্পজ্জতি নঅধিপতিপচ্চযা. (সংখিত্তং. যথা অনুলোমং সহজাতসদিসং.)

নঅনন্তরপচ্চযাদি

৩৩. ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নঅনন্তরপচ্চযা … নসমনন্তরপচ্চযা… নঅঞ্ঞমঞ্ঞপচ্চযা…পে… মহাভূতে পটিচ্চ চিত্তসমুট্ঠানং রূপং কটত্তারূপং উপাদারূপং; বাহিরং… আহারসমুট্ঠানং… উতুসমুট্ঠানং, অসঞ্ঞসত্তানং মহাভূতে পটিচ্চ কটত্তারূপং উপাদারূপং (ইদং নানত্তং) নঅঞ্ঞমঞ্ঞপচ্চযা… নউপনিস্সযপচ্চযা… (সংখিত্তং).

নপুরেজাতপচ্চযো

৩৪. ৰিপাকং ধম্মং পটিচ্চ ৰিপাকো ধম্মো উপ্পজ্জতি নপুরেজাতপচ্চযা – অরূপে ৰিপাকং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; পটিসন্ধিক্খণে ৰিপাকং একং খন্ধং (সংখিত্তং). (১)

ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নপুরেজাতপচ্চযা – ৰিপাকে খন্ধে পটিচ্চ চিত্তসমুট্ঠানং রূপং, পটিসন্ধিক্খণে (সংখিত্তং). (২)

ৰিপাকং ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নপুরেজাতপচ্চযা – পটিসন্ধিক্খণে ৰিপাকং একং খন্ধং পটিচ্চ তযো খন্ধা কটত্তা চ রূপং…পে… দ্ৰে খন্ধে পটিচ্চ দ্ৰে খন্ধা কটত্তা চ রূপং. (৩)

ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি নপুরেজাতপচ্চযা – অরূপে ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নপুরেজাতপচ্চযা – ৰিপাকধম্মধম্মে খন্ধে পটিচ্চ চিত্তসমুট্ঠানং রূপং. (২)

৩৫. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নপুরেজাতপচ্চযা – অরূপে নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা, নেৰৰিপাকনৰিপাকধম্মধম্মে খন্ধে পটিচ্চ চিত্তসমুট্ঠানং রূপং, একং মহাভূতং পটিচ্চ তযো মহাভূতা…পে… বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে…. (১)

নেৰৰিপাকনৰিপাকধম্মধম্মং পটিচ্চ ৰিপাকো ধম্মো উপ্পজ্জতি নপুরেজাতপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা. (২)

নেৰৰিপাকনৰিপাকধম্মধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নপুরেজাতপচ্চযা – পটিসন্ধিক্খণে ৰত্থুং পটিচ্চ ৰিপাকা খন্ধা, মহাভূতে পটিচ্চ কটত্তারূপং. (৩)

৩৬. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি নপুরেজাতপচ্চযা – পটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা. (১)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নপুরেজাতপচ্চযা – ৰিপাকে খন্ধে চ মহাভূতে চ পটিচ্চ চিত্তসমুট্ঠানং রূপং; পটিসন্ধিক্খণে ৰিপাকে খন্ধে চ মহাভূতে চ পটিচ্চ কটত্তারূপং. (২)

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নপুরেজাতপচ্চযা – পটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ তযো খন্ধা…পে… দ্ৰে খন্ধে চ ৰত্থুঞ্চ পটিচ্চ দ্ৰে খন্ধা; ৰিপাকে খন্ধে চ মহাভূতে চ পটিচ্চ কটত্তারূপং. (৩)

৩৭. ৰিপাকধম্মধম্মঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নপুরেজাতপচ্চযা – ৰিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং রূপং.

নপচ্ছাজাতপচ্চযাদি

৩৮. ৰিপাকং ধম্মং পটিচ্চ ৰিপাকো ধম্মো উপ্পজ্জতি নপচ্ছাজাতপচ্চযা…পে… নআসেৰনপচ্চযা (সংখিত্তং).

নকম্মপচ্চযো

৩৯. ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি নকম্মপচ্চযা – ৰিপাকধম্মধম্মে খন্ধে পটিচ্চ ৰিপাকধম্মধম্মা চেতনা.

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নকম্মপচ্চযা – নেৰৰিপাকনৰিপাকধম্মধম্মে খন্ধে পটিচ্চ নেৰৰিপাকনৰিপাকধম্মধম্মা চেতনা; বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ তযো মহাভূতা…পে… মহাভূতে পটিচ্চ উপাদারূপং.

নৰিপাকপচ্চযো

৪০. ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি নৰিপাকপচ্চযা – ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা. (১)

ৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নৰিপাকপচ্চযা – ৰিপাকধম্মধম্মে খন্ধে পটিচ্চ চিত্তসমুট্ঠানং রূপং. (২)

ৰিপাকধম্মধম্মং পটিচ্চ ৰিপাকধম্মধম্মো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নৰিপাকপচ্চযা – ৰিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. (৩)

৪১. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নৰিপাকপচ্চযা – নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং রূপং উপাদারূপং; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং. (১)

ৰিপাকধম্মধম্মঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নৰিপাকপচ্চযা – ৰিপাকধম্মধম্মে খন্ধে চ মহাভূতে চ পটিচ্চ চিত্তসমুট্ঠানং রূপং. (১)

নআহারপচ্চযো

৪২. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নআহারপচ্চযা – বাহিরং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং.

নইন্দ্রিযপচ্চযো

৪৩. নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নইন্দ্রিযপচ্চযা – বাহিরং… আহারসমুট্ঠানং… উতুসমুট্ঠানং একং মহাভূতং পটিচ্চ তযো মহাভূতা…পে… অসঞ্ঞসত্তানং মহাভূতে পটিচ্চ রূপজীৰিতিন্দ্রিযং.

নঝানপচ্চযো

৪৪. ৰিপাকং ধম্মং পটিচ্চ ৰিপাকো ধম্মো উপ্পজ্জতি নঝানপচ্চযা – পঞ্চৰিঞ্ঞাণসহগতং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা.

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নঝানপচ্চযা – বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে….

নমগ্গপচ্চযো

৪৫. ৰিপাকং ধম্মং পটিচ্চ ৰিপাকো ধম্মো উপ্পজ্জতি নমগ্গপচ্চযা – অহেতুকং ৰিপাকং একং খন্ধং পটিচ্চ… তীণি.

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নমগ্গপচ্চযা – অহেতুকং নেৰৰিপাকনৰিপাকধম্মধম্মং একং খন্ধং পটিচ্চ… তীণি.

ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পটিচ্চ ৰিপাকো ধম্মো উপ্পজ্জতি নমগ্গপচ্চযা – অহেতুকপটিসন্ধিক্খণে ৰিপাকং একং খন্ধঞ্চ ৰত্থুঞ্চ পটিচ্চ… তীণি.

নসম্পযুত্তপচ্চযো

৪৬. ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নসম্পযুত্তপচ্চযা… দ্ৰে.

ৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নসম্পযুত্তপচ্চযা… দ্ৰে.

নেৰৰিপাকনৰিপাকধম্মধম্মং পটিচ্চ… একং.

নৰিপ্পযুত্তপচ্চযো

৪৭. ৰিপাকং ধম্মং পটিচ্চ ৰিপাকো ধম্মো উপ্পজ্জতি নৰিপ্পযুত্তপচ্চযা – অরূপে ৰিপাকে একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা.

ৰিপাকধম্মধম্মং পটিচ্চ ৰিপাকধম্মধম্মো উপ্পজ্জতি নৰিপ্পযুত্তপচ্চযা – অরূপে ৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা.

নেৰৰিপাকনৰিপাকধম্মধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নৰিপ্পযুত্তপচ্চযা – অরূপে নেৰৰিপাকনৰিপাকধম্মধম্মং একং খন্ধং পটিচ্চ তযো খন্ধা…পে… দ্ৰে খন্ধে পটিচ্চ দ্ৰে খন্ধা; বাহিরং… আহারসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তারূপং উপাদারূপং.

নোনত্থি-নোৰিগতপচ্চযা

৪৮. ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি নোনত্থিপচ্চযা… নোৰিগতপচ্চযা (সংখিত্তং).

২. পচ্চযপচ্চনীযং

২. সঙ্খ্যাৰারো

সুদ্ধং

৪৯. নহেতুযা দস, নআরম্মণে পঞ্চ, নঅধিপতিযা তেরস, নঅনন্তরে পঞ্চ, নসমনন্তরে পঞ্চ, নঅঞ্ঞমঞ্ঞে পঞ্চ, নউপনিস্সযে পঞ্চ, নপুরেজাতে দ্ৰাদস, নপচ্ছাজাতে তেরস, নআসেৰনে তেরস, নকম্মে দ্ৰে, নৰিপাকে পঞ্চ, নআহারে একং, নইন্দ্রিযে একং, নঝানে দ্ৰে, নমগ্গে নৰ, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ.

নহেতুদুকং

৫০. নহেতুপচ্চযা নআরম্মণে তীণি, নঅধিপতিযা দস, নঅনন্তরে তীণি, নসমনন্তরে তীণি, নঅঞ্ঞমঞ্ঞে তীণি, নউপনিস্সযে তীণি, নপুরেজাতে দস, নপচ্ছাজাতে দস, নআসেৰনে দস, নকম্মে একং, নৰিপাকে দ্ৰে, নআহারে একং, নইন্দ্রিযে একং, নঝানে দ্ৰে, নমগ্গে নৰ, নসম্পযুত্তে তীণি, নৰিপ্পযুত্তে দ্ৰে, নোনত্থিযা তীণি, নোৰিগতে তীণি.

তিকং

নহেতুপচ্চযা নআরম্মণপচ্চযা নঅধিপতিযা তীণি, নঅনন্তরে তীণি, নসমনন্তরে তীণি…পে… নকম্মে একং, নৰিপাকে একং, নআহারে একং, নইন্দ্রিযে একং, নঝানে একং, নমগ্গে তীণি, নসম্পযুত্তে তীণি, নৰিপ্পযুত্তে একং, নোনত্থিযা তীণি, নোৰিগতে তীণি (সংখিত্তং).

নহেতুমূলকং.

(যথা কুসলত্তিকে সজ্ঝাযমগ্গেন গণিতং, এৰং ইধাপি গণেতব্বং.)

পচ্চনীযং.

৩. পচ্চযানুলোমপচ্চনীযং

হেতুদুকং

৫১. হেতুপচ্চযা নআরম্মণে পঞ্চ, নঅধিপতিযা তেরস, নঅনন্তরে পঞ্চ, নসমনন্তরে পঞ্চ, নঅঞ্ঞমঞ্ঞে পঞ্চ, নউপনিস্সযে পঞ্চ, নপুরেজাতে দ্ৰাদস, নপচ্ছাজাতে তেরস, নআসেৰনে তেরস, নকম্মে দ্ৰে, নৰিপাকে পঞ্চ, নসম্পযুত্তে পঞ্চ, নৰিপ্পযুত্তে তীণি, নোনত্থিযা পঞ্চ, নোৰিগতে পঞ্চ.