১. ৰিভঙ্গৰারো

নহেতুপচ্চযো

৭৫. ৰিপাকং ধম্মং পচ্চযা ৰিপাকো ধম্মো উপ্পজ্জতি নহেতুপচ্চযা – অহেতুকং ৰিপাকং একং খন্ধং পচ্চযা… তীণি.

ৰিপাকধম্মধম্মং পচ্চযা ৰিপাকধম্মধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে পচ্চযা ৰিচিকিচ্ছাসহগতো উদ্ধচ্চসহগতো মোহো.

নেৰৰিপাকনৰিপাকধম্মধম্মং পচ্চযা নেৰৰিপাকনৰিপাকধম্মধম্মো উপ্পজ্জতি নহেতুপচ্চযা – অহেতুকং নেৰৰিপাকনৰিপাকধম্মধম্মং একং খন্ধং পচ্চযা…পে…. (১)

নেৰৰিপাকনৰিপাকধম্মধম্মং পচ্চযা ৰিপাকো ধম্মো উপ্পজ্জতি নহেতুপচ্চযা – চক্খাযতনং পচ্চযা চক্খুৰিঞ্ঞাণং…পে…. (২)

নেৰৰিপাকনৰিপাকধম্মধম্মং পচ্চযা ৰিপাকধম্মধম্মো উপ্পজ্জতি নহেতুপচ্চযা – ৰত্থুং পচ্চযা ৰিচিকিচ্ছাসহগতো উদ্ধচ্চসহগতো মোহো. (৩)

নেৰৰিপাকনৰিপাকধম্মধম্মং পচ্চযা ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নহেতুপচ্চযা – ৰত্থুং পচ্চযা অহেতুকা ৰিপাকা খন্ধা, মহাভূতে পচ্চযা চিত্তসমুট্ঠানং রূপং, অহেতুকপটিসন্ধিক্খণে…পে… (৪)

৭৬. ৰিপাকঞ্চ নেৰৰিপাকনৰিপাকধম্মধম্মঞ্চ ধম্মং পচ্চযা ৰিপাকো ধম্মো উপ্পজ্জতি…পে… নেৰৰিপাকনৰিপাকধম্মধম্মো উপ্পজ্জতি…পে… ৰিপাকো চ নেৰৰিপাকনৰিপাকধম্মধম্মো চ ধম্মা উপ্পজ্জন্তি নহেতুপচ্চযা…পে… তীণি.

ৰিপাকধম্মধম্মঞ্চ নেৰৰিপাকনৰিপাকধম্মধম্মঞ্চ ধম্মং পচ্চযা ৰিপাকধম্মধম্মো উপ্পজ্জতি নহেতুপচ্চযা – ৰিচিকিচ্ছাসহগতে উদ্ধচ্চসহগতে খন্ধে চ ৰত্থুঞ্চ পচ্চযা ৰিচিকিচ্ছাসহগতো উদ্ধচ্চসহগতো মোহো. (১)

নআরম্মণপচ্চযো

৭৭. ৰিপাকং ধম্মং পচ্চযা নেৰৰিপাকনৰিপাকধম্মধম্মো উপ্পজ্জতি নআরম্মণপচ্চযা (সংখিত্তং. সব্বানি পদানি ৰিত্থারেতব্বানি.)