৪. পচ্চযপচ্চনীযানুলোমং

নহেতুদুকং

৫২. নহেতুপচ্চযা আরম্মণে পঞ্চ, অনন্তরে পঞ্চ, সমনন্তরে পঞ্চ, সহজাতে দস, অঞ্ঞমঞ্ঞে সত্ত, নিস্সযে দস, উপনিস্সযে পঞ্চ, পুরেজাতে তীণি, আসেৰনে দ্ৰে, কম্মে দস, ৰিপাকে নৰ, আহারে দস, ইন্দ্রিযে দস, ঝানে দস, মগ্গে একং, সম্পযুত্তে পঞ্চ, ৰিপ্পযুত্তে দস, অত্থিযা দস, নত্থিযা পঞ্চ, ৰিগতে পঞ্চ, অৰিগতে দস.

তিকং

নহেতুপচ্চযা নআরম্মণপচ্চযা সহজাতে তীণি, অঞ্ঞমঞ্ঞে দ্ৰে, নিস্সযে তীণি, কম্মে তীণি, ৰিপাকে তীণি, আহারে তীণি, ইন্দ্রিযে তীণি, ঝানে তীণি, ৰিপ্পযুত্তে তীণি, অত্থিযা তীণি, অৰিগতে তীণি…পে….

সত্তকং

নহেতুপচ্চযা নআরম্মণপচ্চযা নঅধিপতিপচ্চযা নঅনন্তরপচ্চযা নসমনন্তরপচ্চযা নঅঞ্ঞমঞ্ঞপচ্চযা সহজাতে তীণি, নিস্সযে তীণি, কম্মে তীণি, ৰিপাকে তীণি, আহারে তীণি, ইন্দ্রিযে তীণি, ঝানে তীণি, ৰিপ্পযুত্তে তীণি, অত্থিযা তীণি, অৰিগতে তীণি (সংখিত্তং).

(যথা কুসলত্তিকে নহেতুমূলকং গণিতং, এৰং গণেতব্বং. যথা কুসলত্তিকে পচ্চনীযানুলোমং ৰিত্থারিতং, এৰং ইদং ৰিত্থারেতব্বং.)

পচ্চনীযানুলোমং.

পটিচ্চৰারো.