৪. চতুত্থৰগ্গো

(৩৮) ৬. বোধিযা বুদ্ধোতিকথা

৩৯৮. বোধিযা বুদ্ধোতি? আমন্তা. বোধিযা নিরুদ্ধায ৰিগতায পটিপস্সদ্ধায অবুদ্ধো হোতীতি? ন হেৰং ৰত্তব্বে…পে….

বোধিযা বুদ্ধোতি? আমন্তা. অতীতায বোধিযা বুদ্ধোতি? ন হেৰং ৰত্তব্বে…পে… অতীতায বোধিযা বুদ্ধোতি? আমন্তা. তায বোধিযা বোধিকরণীযং করোতীতি? ন হেৰং ৰত্তব্বে…পে….

তায বোধিযা বোধিকরণীযং করোতীতি? আমন্তা. তায বোধিযা দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? ন হেৰং ৰত্তব্বে…পে….

বোধিযা বুদ্ধোতি? আমন্তা. অনাগতায বোধিযা বুদ্ধোতি? ন হেৰং ৰত্তব্বে…পে….

অনাগতায বোধিযা বুদ্ধোতি? আমন্তা. তায বোধিযা বোধিকরণীযং করোতীতি? ন হেৰং ৰত্তব্বে…পে….

তায বোধিযা বোধিকরণীযং করোতীতি? আমন্তা. তায বোধিযা দুক্খং পরিজানাতি…পে… মগ্গং ভাৰেতীতি? ন হেৰং ৰত্তব্বে…পে….

পচ্চুপ্পন্নায বোধিযা বুদ্ধো, তায বোধিযা বোধিকরণীযং করোতীতি? আমন্তা. অতীতায বোধিযা বুদ্ধো, তায বোধিযা বোধিকরণীযং করোতীতি? ন হেৰং ৰত্তব্বে…পে….

পচ্চুপ্পন্নায বোধিযা বুদ্ধো, তায বোধিযা দুক্খং পরিজানাতি, সমুদযং পজহতি, নিরোধং সচ্ছিকরোতি, মগ্গং ভাৰেতীতি? আমন্তা. অতীতায বোধিযা বুদ্ধো, তায বোধিযা দুক্খং পরিজানাতি…পে… মগ্গং ভাৰেতীতি? ন হেৰং ৰত্তব্বে…পে….

পচ্চুপ্পন্নায বোধিযা বুদ্ধো, তায বোধিযা বোধিকরণীযং করোতীতি? আমন্তা. অনাগতায বোধিযা বুদ্ধো, তায বোধিযা বোধিকরণীযং করোতীতি? ন হেৰং ৰত্তব্বে…পে….

পচ্চুপ্পন্নায বোধিযা বুদ্ধো, তায বোধিযা দুক্খং পরিজানাতি…পে… মগ্গং ভাৰেতীতি? আমন্তা. অনাগতায বোধিযা বুদ্ধো, তায বোধিযা দুক্খং পরিজানাতি…পে… মগ্গং ভাৰেতীতি? ন হেৰং ৰত্তব্বে…পে….

অতীতায বোধিযা বুদ্ধো, ন চ তায বোধিযা বোধিকরণীযং করোতীতি? আমন্তা. পচ্চুপ্পন্নায বোধিযা বুদ্ধো, ন চ তায বোধিযা বোধিকরণীযং করোতীতি? ন হেৰং ৰত্তব্বে…পে….

অতীতায বোধিযা বুদ্ধো, ন চ তায বোধিযা দুক্খং পরিজানাতি…পে… মগ্গং ভাৰেতীতি? আমন্তা. পচ্চুপ্পন্নায বোধিযা বুদ্ধো, ন চ তায বোধিযা দুক্খং পরিজানাতি…পে… মগ্গং ভাৰেতীতি? ন হেৰং ৰত্তব্বে…পে….

অনাগতায বোধিযা বুদ্ধো, ন চ তায বোধিযা বোধিকরণীযং করোতীতি? আমন্তা. পচ্চুপ্পন্নায বোধিযা বুদ্ধো, ন চ তায বোধিযা বোধিকরণীযং করোতীতি? ন হেৰং ৰত্তব্বে…পে….

অনাগতায বোধিযা বুদ্ধো, ন চ তায বোধিযা দুক্খং পরিজানাতি…পে… মগ্গং ভাৰেতীতি? আমন্তা. পচ্চুপ্পন্নায বোধিযা বুদ্ধো, ন চ তায বোধিযা দুক্খং পরিজানাতি…পে… মগ্গং ভাৰেতীতি? ন হেৰং ৰত্তব্বে…পে….

৩৯৯. অতীতায বোধিযা বুদ্ধো, অনাগতায বোধিযা বুদ্ধো, পচ্চুপ্পন্নায বোধিযা বুদ্ধোতি? আমন্তা. তীহি বোধীহি বুদ্ধোতি? ন হেৰং ৰত্তব্বে…পে….

তীহি বোধীহি বুদ্ধোতি? আমন্তা. সততং সমিতং অব্বোকিণ্ণং তীহি বোধীহি সমন্নাগতো সমোহিতো, তিস্সো বোধিযো পচ্চুপট্ঠিতাতি? ন হেৰং ৰত্তব্বে…পে….

ন ৰত্তব্বং – ‘‘বোধিযা বুদ্ধো’’তি? আমন্তা. ননু বোধিপটিলাভা বুদ্ধোতি? আমন্তা. হঞ্চি বোধিপটিলাভা বুদ্ধো, তেন ৰত রে ৰত্তব্বে – ‘‘বোধিযা বুদ্ধো’’তি.

বোধিপটিলাভা বুদ্ধোতি, বোধিযা বুদ্ধোতি? আমন্তা. বোধিপটিলাভা বোধীতি? ন হেৰং ৰত্তব্বে…পে….

বোধিযা বুদ্ধোতিকথা নিট্ঠিতা.