২০. সঙ্ঘানুযোগো

২০৬. ন ৰত্তব্বং – ‘‘পুগ্গলো উপলব্ভতি সচ্চিকট্ঠপরমত্থেনা’’তি? আমন্তা. ননু চত্তারো পুরিসযুগা অট্ঠ পুরিসপুগ্গলা অত্থীতি? আমন্তা. হঞ্চি চত্তারো পুরিসযুগা অট্ঠ পুরিসপুগ্গলা অত্থি, তেন ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি.

২০৭. চত্তারো পুরিসযুগা অট্ঠ পুরিসপুগ্গলা অত্থীতি কত্ৰা তেন চ কারণেন পুগ্গলো উপলব্ভতি সচ্চিকট্ঠপরমত্থেনাতি? আমন্তা. চত্তারো পুরিসযুগা অট্ঠ পুরিসপুগ্গলা বুদ্ধপাতুভাৰা পাতুভৰন্তীতি? আমন্তা. পুগ্গলো বুদ্ধপাতুভাৰা পাতুভৰতীতি? ন হেৰং ৰত্তব্বে…পে….

পুগ্গলো বুদ্ধপাতুভাৰা পাতুভৰতীতি? আমন্তা. বুদ্ধস্স ভগৰতো পরিনিব্বুতে উচ্ছিন্নো পুগ্গলো, নত্থি পুগ্গলোতি? ন হেৰং ৰত্তব্বে…পে….

সঙ্ঘানুযোগো.