১৪. অভিঞ্ঞানুযোগো

১৯৩. ন ৰত্তব্বং – ‘‘পুগ্গলো উপলব্ভতি সচ্চিকট্ঠপরমত্থেনা’’তি? আমন্তা. ননু অত্থি কোচি ইদ্ধিং ৰিকুব্বতীতি? আমন্তা. হঞ্চি অত্থি কোচি ইদ্ধিং ৰিকুব্বতি, তেন ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি.

১৯৪. ন ৰত্তব্বং – ‘‘পুগ্গলো উপলব্ভতি সচ্চিকট্ঠপরমত্থেনা’’তি? আমন্তা. ননু অত্থি কোচি দিব্বায সোতধাতুযা সদ্দং সুণাতি…পে… পরচিত্তং ৰিজানাতি… পুব্বেনিৰাসং অনুস্সরতি… দিব্বেন চক্খুনা রূপং পস্সতি… আসৰানং খযং সচ্ছিকরোতীতি? আমন্তা. হঞ্চি অত্থি কোচি আসৰানং খযং সচ্ছিকরোতি, তেন ৰত রে ৰত্তব্বে – ‘‘পুগ্গলো উপলব্ভতি সচ্চিকট্ঠপরমত্থেনা’’তি.

১৯৫. অত্থি কোচি ইদ্ধিং ৰিকুব্বতীতি কত্ৰা তেন চ কারণেন পুগ্গলো উপলব্ভতি সচ্চিকট্ঠপরমত্থেনাতি? আমন্তা. যো ইদ্ধিং ৰিকুব্বতি, স্ৰেৰ পুগ্গলো? যো ইদ্ধিং ন ৰিকুব্বতি, ন সো পুগ্গলোতি? ন হেৰং ৰত্তব্বে…পে….

১৯৬. যো দিব্বায সোতধাতুযা সদ্দং সুণাতি…পে… যো পরচিত্তং ৰিজানাতি… যো পুব্বেনিৰাসং অনুস্সরতি… যো দিব্বেন চক্খুনা রূপং পস্সতি… যো আসৰানং খযং সচ্ছিকরোতি, স্ৰেৰ পুগ্গলো? যো আসৰানং খযং ন সচ্ছিকরোতি, ন সো পুগ্গলোতি? ন হেৰং ৰত্তব্বে…পে….

অভিঞ্ঞানুযোগো.