৯. ৰচনসোধনং

৫৫. পুগ্গলো উপলব্ভতি, উপলব্ভতি পুগ্গলোতি? পুগ্গলো উপলব্ভতি, উপলব্ভতি কেহিচি পুগ্গলো কেহিচি ন পুগ্গলোতি. পুগ্গলো কেহিচি উপলব্ভতি কেহিচি ন উপলব্ভতীতি? ন হেৰং ৰত্তব্বে…পে….

৫৬. পুগ্গলো সচ্চিকট্ঠো, সচ্চিকট্ঠো পুগ্গলোতি? পুগ্গলো সচ্চিকট্ঠো, সচ্চিকট্ঠো কেহিচি পুগ্গলো কেহিচি ন পুগ্গলোতি. পুগ্গলো কেহিচি সচ্চিকট্ঠো কেহিচি ন সচ্চিকট্ঠোতি? ন হেৰং ৰত্তব্বে…পে….

৫৭. পুগ্গলো ৰিজ্জমানো, ৰিজ্জমানো পুগ্গলোতি? পুগ্গলো ৰিজ্জমানো, ৰিজ্জমানো কেহিচি পুগ্গলো কেহিচি ন পুগ্গলোতি. পুগ্গলো কেহিচি ৰিজ্জমানো কেহিচি ন ৰিজ্জমানোতি? ন হেৰং ৰত্তব্বে…পে….

৫৮. পুগ্গলো সংৰিজ্জমানো, সংৰিজ্জমানো পুগ্গলোতি? পুগ্গলো সংৰিজ্জমানো, সংৰিজ্জমানো কেহিচি পুগ্গলো কেহিচি ন পুগ্গলোতি. পুগ্গলো কেহিচি সংৰিজ্জমানো কেহিচি ন সংৰিজ্জমানোতি? ন হেৰং ৰত্তব্বে…পে….

৫৯. পুগ্গলো অত্থি, অত্থি পুগ্গলোতি? পুগ্গলো অত্থি, অত্থি কেহিচি পুগ্গলো কেহিচি ন পুগ্গলোতি. পুগ্গলো কেহিচি অত্থি কেহিচি নত্থীতি? ন হেৰং ৰত্তব্বে…পে….

৬০. পুগ্গলো অত্থি, অত্থি ন সব্বো পুগ্গলোতি? আমন্তা…পে… পুগ্গলো নত্থি, নত্থি ন সব্বো পুগ্গলোতি? ন হেৰং ৰত্তব্বে. (সংখিত্তং)

ৰচনসোধনং.