২২. দাস্স দং ৰা মিমেস্ৰ+দ্ৰিত্তে

অদ্ৰিত্তে ৰত্তমানস্স দাস্স দং হোতি ৰা মিমেসু. ৰগ্গন্তং, দম্মি দেমি, দম্ম দেম. ঈকারে দীযতি ইচ্চাদি. অনাগতত্থে ইঞাগমে সরণোপাদি, দদিস্সতি, দদিস্সন্তি. দজ্জিস্সতি, দজ্জিস্সন্তি. লৰিকরণে দস্সতি, দস্সন্তি. অজ্জতনে-অদদি, অদদিংসু, অদজ্জি, অদজ্জিংসু, অদাসি, অদংসু. অনজ্জতনে-অদদা, অদদু. কালাতিপত্তিযং-অদদিস্স অদজ্জিস্স, লে অদস্স, দস্সংসু. এয্যাদিম্হি-দদে দদেয্য দজ্জে দজ্জেয্য. ‘‘টা’’তি বহুলাধিকারা দজ্জাদেসা পরস্স এয্যস্স টা, দজ্জা, দজ্জুং দজ্জেয্যং দদেয্যুং. ত্ৰাদীসু-দদাতু, দদন্তু, দজ্জতু, দজ্জন্তু, লস্সে+কারে দেতু, দেন্তু ইচ্চাদি. সব্বত্থ কম্মেপি যোজনীযং.

ধা=ধারণে, ত্যাদিম্হি চগ্গহণেন দ্ৰিত্তে পুব্বাকারস্স রস্সত্তে ললোপে ‘‘চতুত্থদুতিযানং ততিযপঠমা’’তি পুব্বধকারস্স দকারে চ কতে দধাতি, দধন্তি. পিপুব্বো, ‘‘তদমিনা’’ দিনা আস্স লোপো, ‘‘ধাস্স হো’’তি দ্ৰিত্তে পরস্স ধাস্স হকারো, দ্ৰারং পিদহতি, পিদহন্তি. লস্সে+কারে নিধেতি, নিধেন্তি. কম্মে-ৰিধীযতি, ৰিধীযন্তি ইচ্চাদি. ধস্সতি, পিদহিস্সতি, পরিদহেস্সতি. অধাসি, পিদহি. অধস্স, পিদহিস্স. দধে দধেয্য, পিদহে পিদহেয্য. দদাতু, পিদহতু, নিধেতু, নিধেন্তু ইচ্চাদি. (জুহোত্যাদযো).

ভূৰাদি চ জুহাদি চ, হুৰাদিধাতৰো চি+মে;

সৰুদ্ধিকভূৰাদীহি, তিধা ভেদং উপেন্তি তে.

(ভূৰাদিনযো.)

অধুনা ৰিকরণপভেদপকাসনত্থং রুধাদীনং অট্ঠগণানং কানিচি রূপানি উদাহরিযন্তে –

রুধ=আৰরণে, ত্যাদযো হোন্তি. এৰ+মুপরিপি সব্বগণেসু.