৫,১৯. মঞ্চ রুধাদীনং

রুধাদিকো অপরোক্খেসু কত্তুৰিহিতমান+ন্ত+ত্যাদীসু লো হোতি মঞ্চ+ন্তসরা পরো. নিগ্গহীতস্স ৰগ্গন্তং, ‘‘লহুস্সুপন্তস্সা’’তি সংযোগত্তা ন ৰুদ্ধি. সো মগ্গং রুন্ধতি, রুন্ধন্তি ইচ্চাদি. কম্মে-নিপুব্বো ক্যো ধস্স চৰগ্গ+পুব্বরূপ+ততিযক্খরজকারা, তেন মগ্গো নিরুজ্ঝতি ইচ্চাদি. ইঞাগমে রুন্ধিস্সতি, নিরুজ্ঝিস্সতি. অরুন্ধি, অরুন্ধিংসু. নিরুজ্ঝিত্থো, নিরুজ্ঝি, নিরুজ্ঝিংসু. অরুন্ধিস্স, অরুন্ধিস্সংসু, নিরুজ্ঝিস্স, নিরুজ্ঝিস্সংসু. রুন্ধে রুন্ধেয্য, নিরুজ্ঝে নিরুজ্ঝেয্য. রুন্ধতু, রুন্ধন্তু. ত্ৰং রুন্ধ রুন্ধাহি. নিরুজ্ঝতু, নিরুজ্ঝন্তু ইচ্চাদি.

ছিদ=দ্ৰেধাকরণে, ছিন্দতি, ছিন্দন্তি. কম্মে-ছিজ্জতি, ছিজ্জন্তি. ভৰিস্সতিপচ্চযে – ‘‘লভ ৰসচ্ছিদা’’ দিনা চ্ছঙাদেসে ছেচ্ছতি ছিন্দিস্সতি. কম্মে-পুব্বরূপং, ছিজ্জিস্সতি, ছিজ্জিস্সন্তি. অছিন্দি ছিন্দি, অচ্ছেজ্জি, অচ্ছেজ্জিংসু. অচ্ছিন্দিস্সা অছিজ্জিস্সা. ছিন্দে ছিন্দেয্য, ছিজ্জে ছিজ্জেয্য, ছিন্দতু, ছিন্দন্তু, ছিজ্জতু, ছিজ্জন্তু ইচ্চাদি.

ভুজ=পালনজ্ঝোহারেসু, ভুঞ্জতি, ভুঞ্জন্তি ইচ্চাদি. ভৰিস্সতিম্হি ‘‘ভুজ+মুচ+ৰচ+ৰিসানং ক্খঙ’’তি ধাত্ৰন্তেন সহ স্সস্স ক্খঙাদেসে ৰুদ্ধি, ভোক্খতি, ভুঞ্জিস্সতি, ভোক্খন্তি, ভুঞ্জিস্সন্তি ইচ্চাদি.

মুচ=মোচনে, মুচ্চতি, মুচ্চন্তি ইচ্চাদি. কম্মে-মুচ্চতি, মুচ্চন্তি ইচ্চাদি. (রুধাদিনযো).

দিৰ=কীল়া ৰিজিগিংসা ৰোহার জুতি থুতি গতীসু,