৬৭. হনা ছ+খা

হনা স্সাস্স ছ+খা ৰা হোন্তি. পটিহংখামি পটিহনিস্সামি. হংছেম হনিস্সাম. অহনি, অহনিংসূতিআদি সব্বত্থ যোজেতব্বং. হুৰাদযো

হু=হৰনে. ত্যাদীসু লো. ‘‘পরোক্খাযঞ্চা’’তি চগ্গহণেন হু হুতি দ্ৰিত্তং, ‘‘কৰগ্গহানং চৰগ্গজা’’তি হস্স জো, ললোপো ৰুদ্ধি চ, জুহোতি অগ্গিং, অঞ্ঞত্র ‘‘যৰা সরে’’তি ৰকারো, জুহ্ৰতি. জুহোন্তি. জুহ্ৰন্তি. জুহোসি জুহ্ৰসি, জুহোথ জুহ্ৰথ. ইচ্চাদি. কম্মে – ‘‘দীঘো সরস্সা’’তি দীঘে হূযতি তেন অগ্গি ইচ্চাদি. জুহিস্সতি, জুহিস্সন্তি. অজুহৰি অজুহোসি, অজুহৰুং অজুহৰিংসু অজুহৰংসু অজুহোসুং. অজুহিস্স, অজুহিস্সংস্সু. জুহে জুহেয্য. জুহোতু, জুহোন্তু ইচ্চাদি.

হা=চাগে, পুরে ৰিয দ্ৰেভাৰছাদেসলোপে ‘‘রস্সো পুব্বস্সা’’তি পুব্বস্স আস্স রস্সো. জহাতি ইচ্চাদি. কম্মে – ‘‘অঞ্ঞাদিস্সা+স্সী ক্যে’’তি ক্যে আস্স ঈ, হীযতি ইচ্চাদি. জহিস্সতি. অজহাসি, ‘‘দীঘা ঈস্স’’ ইতি সি, পজহি, অজহিংসু অজহংসু, পজহিংসু পজহুং. কম্মে-পহীযি পহীযিত্থ. স্সাদি+এয্যাদি+ত্ৰাদীসুপি ঞেয্যা.

দা=দানে, দ্ৰিভাৰরস্সত্তানি, ললোপো, দদাতি, দদন্তি ইচ্চাদি. ‘‘গমৰদা’’ দিনা দজ্জাদেসে দজ্জতি, দজ্জন্তি ইচ্চাদি. লস্সে+কারে দানং দেতি ইচ্চাদি.