৬,৬৯. দক্খ+খ+হেতি+হোহীতি লোপো

দক্খাদীহি আদেসেহি পরস্স স্সস্স লোপো ৰা হোতি. দক্খতি দক্খিস্সতি. অপস্সি পস্সি, অপস্সিংসু পস্সিংসু অপস্সো পস্সো, অপস্সিত্থ পস্সিত্থ. অপস্সিং পস্সিং, অপস্সিম্হ পস্সিম্হ. তথা অদস্সী দস্সী, অদস্সিংসু দস্সিংসু ইচ্চাদি. অনজ্জতনে দসাদেসো, অদ্দসা অদ্দস. অদ্দা অদ্দ ইচ্চাদি. অপস্সিস্স দক্খিস্স ইচ্চাদি. পস্সেয্য দক্খেয্য, পস্সতু দক্খতু ইচ্চাদি.

সদ=ৰিসরণগত্যাৰসাদনাদানেসু, নিপুব্বো, ‘‘জরসদান+মীম ৰা’’তি ঈমআগমো. নিসীদতি, নিসীদন্তি ইচ্চাদি. ভাৰে-নিসজ্জতি, নিসজ্জতে.

যজ=দেৰপূজাসংগতিকরণদানেসু, যজতি, যজন্তি ইচ্চাদি. কম্মে –