১২৪. সরান+মাদিস্সা+যুৰণ্ণস্সা+এও ণানুবন্ধে

সরান+মাদিভূতা যে অকারি+ৰণ্ণু+ৰণ্ণা, তেসং আ+এ+ও ৰা হোন্তি যথাক্কমং ণানুবন্ধেতি অকারস্স আকারো. আ+এ+ওনং ৰুদ্ধীতিপি পুব্বাচরিযসঞ্ঞা. ৰসিট্ঠস্সা+পচ্চং ৰাসিট্ঠো. ৰীম্হি ৰাসিট্ঠী. ৰেতি ৰসিট্ঠস্সা+পচ্চংতি ৰাক্যস্স চ ৰসিট্ঠাপচ্চংতি সমাসস্স চ ৰিকপ্পত্থং. সো চ ৰাসদ্দো যাৰ ‘‘সকত্থে’’তি অধিকরীযতি.

নপুংসকেন লিঙ্গেন, সদ্দো+দাহু পুমেন ৰা;

নিদ্দিস্সতীতি ঞাতব্ব+মৰিসেসে পনি+চ্ছিতেতি –

ৰুত্তত্থা অপচ্চসদ্দস্স নপুংসকত্থেপি পুত্তপুত্তীনং দ্ৰিন্নম্পি ৰাচকো হোতি.

ণাদযো+ভিধেয্যলিঙ্গা, অপচ্চে ত্ৰ+নপুংসকা;

নপুংসকে সকত্থে ণ্যো, ভিয্যো ভাৰসমূহজা;

তা তু+ত্থিয+মসংখ্যানে, ত্ৰাদিচীপচ্চযন্তকা.

ভারদ্ৰাজস্স অপচ্চং=পুত্তো ভারদ্ৰাজো, এৰং ৰেস্সামিত্তো, গোতমো. এত্থ চ অ+যুৰণ্ণন্তাভাৰা আ+এ+ওনং ন ৰুদ্ধি. ৰাসুদেৰস্স অপচ্চং ৰাসুদেৰো, বলদেৰো. চিত্তকোতিআদীসু পন সংযোগন্তত্তা ‘‘সংযোগে ক্ৰচী’’তি ক্ৰচি ন ৰুদ্ধি. উপগুনো অপচ্চং ওপগৰো ওপগৰী. এত্থ ‘‘উৰণ্ণস্সা+ৰঙ সরে’’তি উকারস্স অৰঙ.

ৰচ্ছস্সা+পচ্চন্তি ৰিগ্গয্হ পুব্বসুত্তেন ণপচ্চযে কতে পুন ৰচ্ছস্সা+পচ্চংতি ৰিগ্গহো.