২. ৰচ্ছাদিতো ণান+ণাযনা

ৰচ্ছাদীহি অপচ্চপচ্চযন্তেহি গোত্তাদীহি চ সদ্দেহি ণান+ণাযনপচ্চযা ৰা হোন্তি অপচ্চে. ৰচ্ছানো, ৰচ্ছাযনো, ‘‘সংযোগে ক্ৰচী’’তি ন ৰুদ্ধি. কতিস্সা+পচ্চং কচ্চো, ‘‘ণ্য দিচ্চাদীহী’’তি ণ্যো, ‘‘লোপো+ৰণ্ণি+ৰণ্ণানং’’তি অকারলোপে চৰগ্গপুব্বরূপানি. কচ্চস্সা+পচ্চং কচ্চানো, কচ্চাযনো, যাগমে কাতিযানো. মুগ্গস্সা+পচ্চং=নত্তাদীতি ৰাক্যে ৰুদ্ধি+ইকারলোপ+পুব্বরূপানি. মোগ্গল্লস্সা+পচ্চংতি পুনণান+ণাযনা হোন্তি, মোগ্গল্লানো মোগ্গল্লাযনো. ইমে চত্তারো অপচ্চপচ্চযন্তা. গোত্তাদিতো যথাসকটস্সা+পচ্চং নত্তাদীহি সকটানো সকটাযনো. কণ্হস্সা+পচ্চং নত্তাদি কণ্হানো কণ্হাযনো. এৰং অগ্গিৰেস্সানো অগ্গিৰেস্সাযনো, মুঞ্জানো মুঞ্জাযনো, কুঞ্জানো কুঞ্জাযনো. সব্বত্থ সংযোগত্তা ন ৰুদ্ধি. আকতিগণো+যং.