১০৫. পদাদীহি

পদাদীহি স্মিনো সি হোতি ৰা. পদসি পদে পদম্হি পদস্মিং, পদেসু. এৰং বিলসদ্দো.

কম্মসদ্দতো নাস্স ‘‘নাস্সে+নো’’তি এনো ৰা, কম্মেন, ‘‘পুমকম্মথামা’’দিনা উত্তে কম্মুনা কম্মনা. ইমিনাৰ সস্মাসু উত্তং, উস্স লসঞ্ঞাযং স+স্মানং যথাযোগং নো+না নিচ্চং, ৰৰত্থিতৰিভাসত্তা ৰাধিকারস্স. কম্মুনো কম্মস্স. কম্মুনা কম্মা কম্মম্হা কম্মস্মা. ‘‘কম্মাদিতো’’তি স্মিনো ৰা নিম্হি কম্মনি কম্মে কম্মম্হি কম্মস্মিং, সেসং নপুংসকসমং. চম্ম+ৰেস্ম+ভস্মাদযো কম্মসমা উত্ততো+ঞ্ঞত্র.

গচ্ছন্ত, সি. ‘‘ন্তস্সং’’তি ৰা অংম্হি সিলোপো গচ্ছং. অঞ্ঞত্র সিস্স দং, গচ্ছন্তং, গচ্ছন্তা গচ্ছন্তানি. ভো গচ্ছ গচ্ছা গচ্ছং, গচ্ছন্তা গচ্ছন্তানি. গচ্ছং গচ্ছন্তং, গচ্ছন্তে গচ্ছন্তানি. গচ্ছতা গচ্ছন্তেনে+চ্চাদি পুল্লিঙ্গসমং. এৰং যজন্ত+ৰজন্তাদযো.

অকারন্তং.

অট্ঠি, সিলোপো.