১১৩. ঝলা ৰা

ঝলতো যোনং নি হোতি ৰা নপুংসকে. অট্ঠীনি. ‘‘লোপো’’তি যোলোপে দীঘো, অট্ঠী. ভো অট্ঠি অট্ঠী, অট্ঠীনি অট্ঠী. অট্ঠিং, অট্ঠীনি অট্ঠী. অট্ঠিনা ইচ্চাদি মুনিসদ্দসমং. এৰং পচ্ছি+অক্খি+দধি+সত্থি+ৰারি+অচ্চিআদযো.

ইকারন্তং.

দণ্ডি, নপুংসকত্তা ‘‘একৰচনে’’চ্চাদিনা রস্সে সিলোপো. দণ্ডীনি দণ্ডী. ‘‘গে ৰা’’তি রস্সে ভো দণ্ডি দণ্ডী, দণ্ডীনি দণ্ডী. ‘‘নং ঝীতো’’তি নং. দণ্ডিনং দণ্ডিং, দণ্ডীনি দণ্ডী. সেসং পুল্লিঙ্গে দণ্ডীসমং. এৰং সুখকারী+সীঘযাযীআদযো.

ঈকারন্তং.

চক্খু, চক্খূনি চক্খূ. সেসং অট্ঠিসমং. এৰং আযু+ৰসু+ধনু+দারু+তিপু+মধু+সিঙ্গু+হিঙ্গু+ৰত্থু+জতু+অম্বু+ অস্সুআদীনি. আযুসদ্দতো নাস্স কোধাদিত্তা সাৰ ৰিসেসো.

উকারন্তং.

গোত্রভু, রস্সে সিলোপো. গোত্রভূনি গোত্রভূ. ভো গোত্রভু গোত্রভূ, গোত্রভূনি গোত্রভূ. গোত্রভুং, গোত্রভূনি গোত্রভূ ইচ্চাদি পুল্লিঙ্গে ৰেস্সভূসমং. এৰং সযম্ভূ+অভিভূ+ধম্মঞ্ঞূ আদযো.

ঊকারন্তং.

ৰিসদা+ৰিসদাকার-ৰোহারো+ভযমুত্তকো;

পুমাদিজাননে হেতু-ভাৰতো লিঙ্গ+মীরিতো.

থন+কেসাৰতী নারী, মস্সুৰা পুরিসো সিযা;

উভিন্ন+মন্তরং এতং, ইতরো+ভযমুত্তকো.

এসে+সা এত+মীতি চ,

পসিদ্ধিঅত্থেসু যেসু লোকস্স;

থী+পুম+নপুংসকানী+তি,

ৰুচ্চন্তে তানি নামানি.

নপুংসকলিঙ্গং.

অথ সব্বাদীনং রূপনযো নিদ্দিসিযতে,

সব্ব কতর কতম উভয ইতর অঞ্ঞ অঞ্ঞতর অঞ্ঞতম, পুব্ব+পরা+পর+দক্খিণু+ত্তরা+ধরানি ৰৰত্থায+মসঞ্ঞাযং. ‘‘ঊনপূরত্থ+মধিকপদোদাহরণ+মজ্ঝাহারো’’তি ঞাযা সব্বাদীসু পঠীযন্তেতি যোজেতব্বং. য ত্য ত এত ইম অমু কিং এক তুম্হ অম্হ ইচ্চেতে সব্বাদযো. কচ্চাযনে অদস্সিতস্সাপি ত্যসদ্দস্স –

খিড্ডা পণিহিতা ত্যাসু, রতি ত্যাসু পতিট্ঠিতা;

বীজানি ত্যাসু রুহন্তি, যদিদং সত্তা পজাযরেতি –

পাল়িযং দিস্সমানত্তা ইধ সঙ্গহো.

তত্থ সব্বসদ্দো নিরৰসেসত্থো. কতর+কতমসদ্দা পুচ্ছনত্থা. উভযসদ্দো দ্ৰিঅৰযৰসমুদাযৰচনো. ইতরসদ্দো ৰুত্তপটিযোগীৰচনো. অঞ্ঞসদ্দো অধিকতাপরৰচনো. অঞ্ঞ- তর+অঞ্ঞতমসদ্দা অনিযমত্থা. পুব্বাদযো দিসাদিৰৰত্থাৰচনা. যসদ্দো অনিযমত্থো. ত্য+তসদ্দা পরম্মুখৰচনা. এত+ইম+অমু+কিং ইচ্চেতে সমীপ+অচ্চন্তসমীপ+দূর+পুচ্ছনত্থৰচনা. একসদ্দো সংখ্যাদিৰচনো. তুম্হ+অম্হসদ্দা পর+অত্ত নিদ্দেসৰচনা.

সব্বো, সিস্স ও,