ৰোমিস্সক সন্ধী

৩৬. অনুপদিট্ঠানং ৰুত্তযোগতো.

ইধানিদ্দিট্ঠা সন্ধযো ৰুত্তানুসারেন ঞে য্যা, যথা – যদি এৰং, বোধি অঙ্গাতীহ – যাদেসে ইমিনা সুত্তেন দযকারসংযোগস্স জো, ধযকারসংযোগস্স ঝো, দ্ৰিত্তে – যজ্জেৰং, বোজ্ঝঙ্গা.

৩৭. অসদিসসংযোগে একসরূপতা চ.

পরি এসনাতীহ – যাদেসে রকারস্স যো, পয্যেস না.

৩৮. ৰণ্ণানং বহুত্তং, ৰিপরীততা চ.

সরতি, ইতি এৰ, সা ইত্থী, বুসং এৰ, বহু আবাধো, অধি অভৰি, সুখং, দুক্খং, জীৰোতীহ –

মাগমো সকারে অকারস্স উ চ, সুমরতি.

ইস্স ৰো, ইত্ৰেৰ.

পরলোপে আকারস্স ও, সোত্থী.

মাদেসে, পুব্বদীঘে চ একারস্স ই. বুসামিৰ.

ৰাদেসে হৰকারৰিপরিযযো. বহ্ৰাবাধো.

অধিস্স ক্ৰচি অদ্ধো, দীঘে-অদ্ধাভৰি.

বিন্দুনো, ওকারস্স চ এ. সুখে, দুক্খে, জীৰে.

৩৯. রদানং ল়ো, পটিবোধো, পরিল়াহো.

৪০. সরে, ব্যঞ্জনে ৰা পরে বিন্দুনো ক্ৰচি মো. মম অভাসি, বুদ্ধম সরণং, পুব্বে মো পরং ন নেতব্বো অযুত্তত্তা.

৪১. বিন্দুতো পরসরান মঞ্ঞস্সরতাপি.

তং ইমিনা, এৰং ইমং, কিং অহং তীহ-ইস্স অ. তদমিনা.

ইস্স উ, অকারস্স চ এ, বিন্দুলোপাদো. এৰুমং, কেহং.

৪২. ৰাক্যসুখুচ্চারণত্থং, ছন্দহানিত্থঞ্চ ৰণ্ণলোপোপি.

পটিসঙ্খায যোনিসোতীহ – পুব্বযলোপো, পটিসঙ্খাযোনিসো.

৪৩. অলাবূনিত্যাদো অকারলোপো. লাবূনি সীদন্তি, সিলা প্লৰন্তি.

৪৪. ৰুত্যভেদায ৰিকারোপি.

অকরম্হসে তেত্যাদো সকারে গরুনো একারস্স ইমিনা লহুঅকারো, অকরম্হস তে কিচ্চং.

৪৫. অক্খরনিযমো ছন্দং, গরুলহুনিযমো ভৰে ৰুত্তি,

দীঘো, সংযোগাদিপুব্বো রস্সো চ গরু, লহু তু রস্সো. যথা- আ, অস্স, অং, অ.

৪৬. এৰমঞ্ঞাপি ৰিঞ্ঞেয্যা, সংহিতা তন্তিযা হিতা;

সংহিতাতি চ ৰণ্ণানং, সন্নিধব্যৰধানতো.

ৰোমিস্সকসন্ধি.