১০. ভৰসুত্তং

১০৫. ‘‘তযোমে, ভিক্খৰে, ভৰা পহাতব্বা, তীসু সিক্খাসু সিক্খিতব্বং. কতমে তযো ভৰা পহাতব্বা? কামভৰো, রূপভৰো, অরূপভৰো – ইমে তযো ভৰা পহাতব্বা. কতমাসু তীসু সিক্খাসু সিক্খিতব্বং? অধিসীলসিক্খায, অধিচিত্তসিক্খায, অধিপঞ্ঞাসিক্খায – ইমাসু তীসু সিক্খাসু সিক্খিতব্বং. যতো খো, ভিক্খৰে, ভিক্খুনো ইমে তযো ভৰা পহীনা হোন্তি, ইমাসু চ তীসু সিক্খাসু সিক্খিতসিক্খো হোতি – অযং ৰুচ্চতি, ভিক্খৰে, ভিক্খু অচ্ছেচ্ছি তণ্হং, ৰিৰত্তযি সংযোজনং, সম্মা মানাভিসমযা অন্তমকাসি দুক্খস্সা’’তি. দসমং.