৬. ছট্ঠৰগ্গো

২৪৮. ‘‘এতদগ্গং, ভিক্খৰে, মম সাৰকানং উপাসকানং পঠমং সরণং গচ্ছন্তানং যদিদং তপুস্সভল্লিকা [তপস্সুভল্লিকা (সী. পী.)] ৰাণিজা’’.

২৪৯. … দাযকানং যদিদং সুদত্তো গহপতি অনাথপিণ্ডিকো.

২৫০. … ধম্মকথিকানং যদিদং চিত্তো গহপতি মচ্ছিকাসণ্ডিকো.

২৫১. … চতূহি সঙ্গহৰত্থূহি পরিসং সঙ্গণ্হন্তানং যদিদং হত্থকো আল়ৰকো.

২৫২. … পণীতদাযকানং যদিদং মহানামো সক্কো.

২৫৩. … মনাপদাযকানং যদিদং উগ্গো গহপতি ৰেসালিকো.

২৫৪. … সঙ্ঘুপট্ঠাকানং যদিদং হত্থিগামকো উগ্গতো গহপতি.

২৫৫. … অৰেচ্চপ্পসন্নানং যদিদং সূরম্বট্ঠো [সূরো অম্বট্ঠো (সী. স্যা. কং. পী.) সুরেবন্ধো (ক.)].

২৫৬. … পুগ্গলপ্পসন্নানং যদিদং জীৰকো কোমারভচ্চো.

২৫৭. … ৰিস্সাসকানং যদিদং নকুলপিতা গহপতীতি.

ৰগ্গো ছট্ঠো.