১৪. এতদগ্গৰগ্গো

১. পঠমৰগ্গো

১৮৮. ‘‘এতদগ্গং, ভিক্খৰে, মম সাৰকানং ভিক্খূনং রত্তঞ্ঞূনং যদিদং অঞ্ঞাসিকোণ্ডঞ্ঞো’’ [অঞ্ঞাতকোণ্ডঞ্ঞোতি (ক.), অঞ্ঞাকোণ্ডঞ্ঞো (সী. স্যা. কং. পী.)].

১৮৯. … মহাপঞ্ঞানং যদিদং সারিপুত্তো.

১৯০. … ইদ্ধিমন্তানং যদিদং মহামোগ্গল্লানো.

১৯১. … ধুতৰাদানং [ধুতঙ্গধরানং (কত্থচি)] যদিদং মহাকস্সপো.

১৯২. … দিব্বচক্খুকানং যদিদং অনুরুদ্ধো.

১৯৩. … উচ্চাকুলিকানং যদিদং ভদ্দিযো কাল়িগোধাযপুত্তো.

১৯৪. … মঞ্জুস্সরানং যদিদং লকুণ্ডক [লকুণ্টক (স্যা. কং.)] ভদ্দিযো.

১৯৫. … সীহনাদিকানং যদিদং পিণ্ডোলভারদ্ৰাজো.

১৯৬. … ধম্মকথিকানং যদিদং পুণ্ণো মন্তাণিপুত্তো.

১৯৭. … সংখিত্তেন ভাসিতস্স ৰিত্থারেন অত্থং ৰিভজন্তানং যদিদং মহাকচ্চানোতি.

ৰগ্গো পঠমো.

২. দুতিযৰগ্গো

১৯৮. ‘‘এতদগ্গং, ভিক্খৰে, মম সাৰকানং ভিক্খূনং মনোমযং কাযং অভিনিম্মিনন্তানং যদিদং চূল়পন্থকো’’ [চুল্লপন্থকো (সী. স্যা. কং. পী.)].

১৯৯. … চেতোৰিৰট্টকুসলানং যদিদং চূল়পন্থকো.

২০০. … সঞ্ঞাৰিৰট্টকুসলানং যদিদং মহাপন্থকো.

২০১. … অরণৰিহারীনং যদিদং সুভূতি.

২০২. … দক্খিণেয্যানং যদিদং সুভূতি.

২০৩. … আরঞ্ঞকানং যদিদং রেৰতো খদিরৰনিযো.

২০৪. … ঝাযীনং যদিদং কঙ্খারেৰতো.

২০৫. … আরদ্ধৰীরিযানং যদিদং সোণো কোল়িৰিসো.

২০৬. … কল্যাণৰাক্করণানং যদিদং সোণো কুটিকণ্ণো.

২০৭. … লাভীনং যদিদং সীৰলি.

২০৮. … সদ্ধাধিমুত্তানং যদিদং ৰক্কলীতি.

ৰগ্গো দুতিযো.

৩. ততিযৰগ্গো

২০৯. ‘‘এতদগ্গং, ভিক্খৰে, মম সাৰকানং ভিক্খূনং সিক্খাকামানং যদিদং রাহুলো’’.

২১০. … সদ্ধাপব্বজিতানং যদিদং রট্ঠপালো.

২১১. … পঠমং সলাকং গণ্হন্তানং যদিদং কুণ্ডধানো.

২১২. … পটিভানৰন্তানং যদিদং ৰঙ্গীসো.

২১৩. … সমন্তপাসাদিকানং যদিদং উপসেনো ৰঙ্গন্তপুত্তো.

২১৪. … সেনাসনপঞ্ঞাপকানং যদিদং দব্বো মল্লপুত্তো.

২১৫. … দেৰতানং পিযমনাপানং যদিদং পিলিন্দৰচ্ছো.

২১৬. … খিপ্পাভিঞ্ঞানং যদিদং বাহিযো দারুচীরিযো.

২১৭. … চিত্তকথিকানং যদিদং কুমারকস্সপো.

২১৮. … পটিসম্ভিদাপত্তানং যদিদং মহাকোট্ঠিতোতি [মহাকোট্ঠিকোতি (অঞ্ঞেসু সুত্তেসু মরম্মপোত্থকে)].

ৰগ্গো ততিযো.

৪. চতুত্থৰগ্গো

২১৯. ‘‘এতদগ্গং, ভিক্খৰে, মম সাৰকানং ভিক্খূনং বহুস্সুতানং যদিদং আনন্দো’’.

২২০. … সতিমন্তানং যদিদং আনন্দো.

২২১. … গতিমন্তানং যদিদং আনন্দো.

২২২. … ধিতিমন্তানং যদিদং আনন্দো.

২২৩. … উপট্ঠাকানং যদিদং আনন্দো.

২২৪. … মহাপরিসানং যদিদং উরুৰেলকস্সপো.

২২৫. … কুলপ্পসাদকানং যদিদং কাল়ুদাযী.

২২৬. … অপ্পাবাধানং যদিদং বাকুলো [বক্কুলো (সী. স্যা. কং. পী.)].

২২৭. … পুব্বেনিৰাসং অনুস্সরন্তানং যদিদং সোভিতো.

২২৮. … ৰিনযধরানং যদিদং উপালি.

২২৯. … ভিক্খুনোৰাদকানং যদিদং নন্দকো.

২৩০. … ইন্দ্রিযেসু গুত্তদ্ৰারানং যদিদং নন্দো.

২৩১. … ভিক্খুওৰাদকানং যদিদং মহাকপ্পিনো.

২৩২. … তেজোধাতুকুসলানং যদিদং সাগতো.

২৩৩. … পটিভানেয্যকানং যদিদং রাধো.

২৩৪. … লূখচীৰরধরানং যদিদং মোঘরাজাতি.

ৰগ্গো চতুত্থো.

৫. পঞ্চমৰগ্গো

২৩৫. ‘‘এতদগ্গং, ভিক্খৰে, মম সাৰিকানং ভিক্খুনীনং রত্তঞ্ঞূনং যদিদং মহাপজাপতিগোতমী’’.

২৩৬. … মহাপঞ্ঞানং যদিদং খেমা.

২৩৭. … ইদ্ধিমন্তীনং যদিদং উপ্পলৰণ্ণা.

২৩৮. … ৰিনযধরানং যদিদং পটাচারা.

২৩৯. … ধম্মকথিকানং যদিদং ধম্মদিন্না.

২৪০. … ঝাযীনং যদিদং নন্দা.

২৪১. … আরদ্ধৰীরিযানং যদিদং সোণা.

২৪২. … দিব্বচক্খুকানং যদিদং বকুলা [সকুলা (সী. স্যা. কং. পী.)].

২৪৩. … খিপ্পাভিঞ্ঞানং যদিদং ভদ্দা কুণ্ডলকেসা.

২৪৪. … পুব্বেনিৰাসং অনুস্সরন্তীনং যদিদং ভদ্দা কাপিলানী.

২৪৫. … মহাভিঞ্ঞপ্পত্তানং যদিদং ভদ্দকচ্চানা.

২৪৬. … লূখচীৰরধরানং যদিদং কিসাগোতমী.

২৪৭. … সদ্ধাধিমুত্তানং যদিদং সিঙ্গালকমাতাতি [সিগালমাতাতি (সী. স্যা. কং. পী.)].

ৰগ্গো পঞ্চমো.

৬. ছট্ঠৰগ্গো

২৪৮. ‘‘এতদগ্গং, ভিক্খৰে, মম সাৰকানং উপাসকানং পঠমং সরণং গচ্ছন্তানং যদিদং তপুস্সভল্লিকা [তপস্সুভল্লিকা (সী. পী.)] ৰাণিজা’’.

২৪৯. … দাযকানং যদিদং সুদত্তো গহপতি অনাথপিণ্ডিকো.

২৫০. … ধম্মকথিকানং যদিদং চিত্তো গহপতি মচ্ছিকাসণ্ডিকো.

২৫১. … চতূহি সঙ্গহৰত্থূহি পরিসং সঙ্গণ্হন্তানং যদিদং হত্থকো আল়ৰকো.

২৫২. … পণীতদাযকানং যদিদং মহানামো সক্কো.

২৫৩. … মনাপদাযকানং যদিদং উগ্গো গহপতি ৰেসালিকো.

২৫৪. … সঙ্ঘুপট্ঠাকানং যদিদং হত্থিগামকো উগ্গতো গহপতি.

২৫৫. … অৰেচ্চপ্পসন্নানং যদিদং সূরম্বট্ঠো [সূরো অম্বট্ঠো (সী. স্যা. কং. পী.) সুরেবন্ধো (ক.)].

২৫৬. … পুগ্গলপ্পসন্নানং যদিদং জীৰকো কোমারভচ্চো.

২৫৭. … ৰিস্সাসকানং যদিদং নকুলপিতা গহপতীতি.

ৰগ্গো ছট্ঠো.

৭. সত্তমৰগ্গো

২৫৮. ‘‘এতদগ্গং, ভিক্খৰে, মম সাৰিকানং উপাসিকানং পঠমং সরণং গচ্ছন্তীনং যদিদং সুজাতা সেনিযধীতা’’ [সেনানী ধীতা (সী. স্যা. কং. পী.)].

২৫৯. … দাযিকানং যদিদং ৰিসাখা মিগারমাতা.

২৬০. … বহুস্সুতানং যদিদং খুজ্জুত্তরা.

২৬১. … মেত্তাৰিহারীনং যদিদং সামাৰতী.

২৬২. … ঝাযীনং যদিদং উত্তরানন্দমাতা.

২৬৩. … পণীতদাযিকানং যদিদং সুপ্পৰাসা কোলিযধীতা.

২৬৪. … গিলানুপট্ঠাকীনং যদিদং সুপ্পিযা উপাসিকা.

২৬৫. … অৰেচ্চপ্পসন্নানং যদিদং কাতিযানী.

২৬৬. … ৰিস্সাসিকানং যদিদং নকুলমাতা গহপতানী.

২৬৭. … অনুস্সৰপ্পসন্নানং যদিদং কাল়ী উপাসিকা কুলঘরিকা [কুলঘরিকা (ক.)] তি.

ৰগ্গো সত্তমো.

এতদগ্গৰগ্গো চুদ্দসমো.