১২. ৱিনযৱাৰো

৩০২. ৱিনযো সম্মুখাৱিনযো, সম্মুখাৱিনযো ৱিনযো? ৱিনযো যেভুয্যসিকা, যেভুয্যসিকা ৱিনযো? ৱিনযো সতিৱিনযো, সতিৱিনযো ৱিনযো? ৱিনযো অমূড়্হৱিনযো, অমূড়্হৱিনযো ৱিনযো? ৱিনযো পটিঞ্ঞাতকৰণং, পটিঞ্ঞাতকৰণং ৱিনযো? ৱিনযো তস্সপাপিযসিকা, তস্সপাপিযসিকা ৱিনযো? ৱিনযো তিণৱত্থাৰকো, তিণৱত্থাৰকো ৱিনযো?

ৱিনযো সিযা সম্মুখাৱিনযো সিযা ন সম্মুখাৱিনযো. সম্মুখাৱিনযো ৱিনযো চেৱ সম্মুখাৱিনযো চ.

ৱিনযো সিযা যেভুয্যসিকা, সিযা ন যেভুয্যসিকা. যেভুয্যসিকা ৱিনযো চেৱ যেভুয্যসিকা চ.

ৱিনযো সিযা সতিৱিনযো, সিযা ন সতিৱিনযো. সতিৱিনযো ৱিনযো চেৱ সতিৱিনযো চ.

ৱিনযো সিযা অমূড়্হৱিনযো, সিযা ন অমূড়্হৱিনযো. অমূড়্হৱিনযো ৱিনযো চেৱ অমূড়্হৱিনযো চ.

ৱিনযো সিযা পটিঞ্ঞাতকৰণং, সিযা ন পটিঞ্ঞাতকৰণং. পটিঞ্ঞাতকৰণং ৱিনযো চেৱ পটিঞ্ঞাতকৰণঞ্চ.

ৱিনযো সিযা তস্সপাপিযসিকা, সিযা ন তস্সপাপিযসিকা. তস্সপাপিযসিকা ৱিনযো চেৱ তস্সপাপিযসিকা চ.

ৱিনযো সিযা তিণৱত্থাৰকো, সিযা ন তিণৱত্থাৰকো. তিণৱত্থাৰকো ৱিনযো চেৱ তিণৱত্থাৰকো চ.

ৱিনযৱাৰো নিট্ঠিতো দ্ৱাদসমো.