২. দুতিযপাৰাজিকসমুট্ঠানং

২৫৯. অদিন্নং ৱিগ্গহুত্তৰি, দুট্ঠুল্লা অত্তকামিনং;

অমূলা অঞ্ঞভাগিযা, অনিযতা দুতিযিকা.

অচ্ছিন্দে পৰিণামনে, মুসা ওমসপেসুণা;

দুট্ঠুল্লা পথৱীখণে, ভূতং অঞ্ঞায উজ্ঝাপে.

নিক্কড্ঢনং সিঞ্চনঞ্চ, আমিসহেতু ভুত্তাৱী;

এহি অনাদৰি ভিংসা, অপনিধে চ জীৱিতং.

জানং সপ্পাণকং কম্মং, ঊনসংৱাসনাসনা;

সহধম্মিকৱিলেখা, মোহো অমূলকেন চ.

কুক্কুচ্চং ধম্মিকং চীৱৰং, দত্ৱা [কুক্কুচ্চং ধম্মিকং চীৱৰং (সী.), কুক্কুচ্চং ধম্মিকং দত্ৱা (স্যা.)] পৰিণামেয্য পুগ্গলে;

কিং তে অকালং অচ্ছিন্দে, দুগ্গহী নিৰযেন চ.

গণং ৱিভঙ্গং দুব্বলং, কথিনাফাসুপস্সযং;

অক্কোসচণ্ডী মচ্ছৰী, গব্ভিনী চ পাযন্তিযা.

দ্ৱেৱস্সং সিক্খা সঙ্ঘেন, তযো চেৱ গিহীগতা;

কুমাৰিভূতা তিস্সো চ, ঊনদ্ৱাদসসম্মতা.

অলং তাৱ সোকাৱাসং, ছন্দা অনুৱস্সা চ দ্ৱে;

সিক্খাপদা সত্ততিমে, সমুট্ঠানা তিকা কতা.

কাযচিত্তেন ন ৱাচা, ৱাচাচিত্তং ন কাযিকং;

তীহি দ্ৱাৰেহি জাযন্তি, পাৰাজিকং দুতিযং যথা.

দুতিযপাৰাজিকসমুট্ঠানং নিট্ঠিতং.