২৩৩. তস্সুদ্দানং

ৰাজগহকো নেগমো, দিস্ৱা ৱেসালিযং গণিং;

পুন ৰাজগহং গন্ত্ৱা, ৰঞ্ঞো তং পটিৱেদযি.

পুত্তো সালৱতিকায, অভযস্স হি অত্ৰজো;

জীৱতীতি কুমাৰেন, সঙ্খাতো জীৱকো ইতি.

সো হি তক্কসীলং গন্ত্ৱা, উগ্গহেত্ৱা মহাভিসো;

সত্তৱস্সিকআবাধং, নত্থুকম্মেন নাসযি.

ৰঞ্ঞো ভগন্দলাবাধং, আলেপেন অপাকড্ঢি;

মমঞ্চ ইত্থাগাৰঞ্চ, বুদ্ধসঙ্ঘং চুপট্ঠহি.

ৰাজগহকো চ সেট্ঠি, অন্তগণ্ঠি তিকিচ্ছিতং;

পজ্জোতস্স মহাৰোগং, ঘতপানেন নাসযি.

অধিকাৰঞ্চ সিৱেয্যং, অভিসন্নং সিনেহতি;

তীহি উপ্পলহত্থেহি, সমত্তিংসৱিৰেচনং.

পকতত্তং ৱৰং যাচি, সিৱেয্যঞ্চ পটিগ্গহি;

চীৱৰঞ্চ গিহিদানং, অনুঞ্ঞাসি তথাগতো.

ৰাজগহে জনপদে বহুং, উপ্পজ্জি চীৱৰং;

পাৱাৰো কোসিযঞ্চেৱ, কোজৱো অড্ঢকাসিকং.

উচ্চাৱচা চ সন্তুট্ঠি, নাগমেসাগমেসুং চ;

পঠমং পচ্ছা সদিসা, কতিকা চ পটিহৰুং.

ভণ্ডাগাৰং অগুত্তঞ্চ, ৱুট্ঠাপেন্তি তথেৱ চ;

উস্সন্নং কোলাহলঞ্চ, কথং ভাজে কথং দদে.

সকাতিৰেকভাগেন, পটিৱীসো কথং দদে;

ছকণেন সীতুদকা [সীতুন্দী চ (সী.), সীতুণ্হি চ (কত্থচি)], উত্তৰিতু ন জানৰে.

আৰোপেন্তা ভাজনঞ্চ, পাতিযা চ ছমায চ;

উপচিকামজ্ঝে জীৰন্তি, একতো পত্থিন্নেন চ.

ফৰুসাচ্ছিন্নচ্ছিবন্ধা, অদ্দসাসি উব্ভণ্ডিতে;

ৱীমংসিত্ৱা সক্যমুনি, অনুঞ্ঞাসি তিচীৱৰং.

অঞ্ঞেন অতিৰেকেন, উপ্পজ্জি ছিদ্দমেৱ চ;

চাতুদ্দীপো ৱৰং যাচি, দাতুং ৱস্সিকসাটিকং.

আগন্তুগমিগিলানং, উপট্ঠাকঞ্চ ভেসজ্জং;

ধুৱং উদকসাটিঞ্চ, পণীতং অতিখুদ্দকং.

থুল্লকচ্ছুমুখং খোমং, পৰিপুণ্ণং অধিট্ঠানং;

পচ্ছিমং কতো গৰুকো, ৱিকণ্ণো সুত্তমোকিৰি.

লুজ্জন্তি নপ্পহোন্তি, চ অন্ৱাধিকং বহূনি চ;

অন্ধৱনে অস্সতিযা, একো ৱস্সং উতুম্হি চ.

দ্ৱে ভাতুকা ৰাজগহে, উপনন্দো পুন দ্ৱিসু;

কুচ্ছিৱিকাৰো গিলানো, উভো চেৱ গিলানকা [গিলাযনা (ক.)].

নগ্গা কুসা ৱাকচীৰং, ফলকো কেসকম্বলং;

ৱাড়উলূকপক্খঞ্চ, অজিনং অক্কনাড়কং.

পোত্থকং নীলপীতঞ্চ, লোহিতং মঞ্জিট্ঠেন চ;

কণ্হা মহাৰঙ্গনাম, অচ্ছিন্নদসিকা তথা.

দীঘপুপ্ফফণদসা, কঞ্চুতিৰীটৱেঠনং;

অনুপ্পন্নে পক্কমতি, সঙ্ঘো ভিজ্জতি তাৱদে.

পক্খে দদন্তি সঙ্ঘস্স, আযস্মা ৰেৱতো পহি;

ৱিস্সাসগাহাধিট্ঠাতি, অট্ঠ চীৱৰমাতিকাতি.

ইমম্হি খন্ধকে ৱত্থূ ছন্নৱুতি.

চীৱৰক্খন্ধকো নিট্ঠিতো.