২৩০. সঙ্ঘে ভিন্নে চীৱৰুপ্পাদকথা

৩৭৬. ইধ পন, ভিক্খৱে, ৱস্সংৱুট্ঠানং ভিক্খূনং অনুপ্পন্নে চীৱৰে সঙ্ঘো ভিজ্জতি. তত্থ মনুস্সা একস্মিং পক্খে উদকং দেন্তি, একস্মিং পক্খে চীৱৰং দেন্তি – সঙ্ঘস্স দেমাতি. সঙ্ঘস্সেৱেতং.

ইধ পন, ভিক্খৱে, ৱস্সংৱুট্ঠানং ভিক্খূনং অনুপ্পন্নে চীৱৰে সঙ্ঘো ভিজ্জতি. তত্থ মনুস্সা একস্মিং পক্খে উদকং দেন্তি, তস্মিংযেৱ পক্খে চীৱৰং দেন্তি – সঙ্ঘস্স দেমাতি. সঙ্ঘস্সেৱেতং.

ইধ পন, ভিক্খৱে, ৱস্সংৱুট্ঠানং ভিক্খূনং অনুপ্পন্নে চীৱৰে সঙ্ঘো ভিজ্জতি. তত্থ মনুস্সা একস্মিং পক্খে উদকং দেন্তি, একস্মিং পক্খে চীৱৰং দেন্তি – পক্খস্স দেমাতি. পক্খস্সেৱেতং.

ইধ পন, ভিক্খৱে, ৱস্সংৱুট্ঠানং ভিক্খূনং অনুপ্পন্নে চীৱৰে সঙ্ঘো ভিজ্জতি. তত্থ মনুস্সা একস্মিং পক্খে উদকং দেন্তি, তস্মিংযেৱ পক্খে চীৱৰং দেন্তি – পক্খস্স দেমাতি. পক্খস্সেৱেতং.

ইধ পন, ভিক্খৱে, ৱস্সংৱুট্ঠানং ভিক্খূনং উপ্পন্নে চীৱৰে অভাজিতে সঙ্ঘো ভিজ্জতি. সব্বেসং সমকং ভাজেতব্বন্তি.

সঙ্ঘে ভিন্নে চীৱৰুপ্পাদকথা নিট্ঠিতা.