১৯৯. ফাসুৱিহাৰপঞ্চকং

৩২৪. ভিক্খু অত্থতকথিনো ফাসুৱিহাৰিকো চীৱৰং আদায পক্কমতি – ‘‘অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, পচ্চেস্স’’ন্তি. তস্স বহিসীমগতস্স এৱং হোতি – ‘‘ইধেৱিমং চীৱৰং কাৰেস্সং, ন পচ্চেস্স’’ন্তি. সো তং চীৱৰং কাৰেতি. তস্স ভিক্খুনো নিট্ঠানন্তিকো কথিনুদ্ধাৰো.

ভিক্খু অত্থতকথিনো ফাসুৱিহাৰিকো চীৱৰং আদায পক্কমতি – ‘‘অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, পচ্চেস্স’’ন্তি. তস্স বহিসীমগতস্স এৱং হোতি – ‘‘নেৱিমং চীৱৰং কাৰেস্সং, ন পচ্চেস্স’’ন্তি. তস্স ভিক্খুনো সন্নিট্ঠানন্তিকো কথিনুদ্ধাৰো.

ভিক্খু অত্থতকথিনো ফাসুৱিহাৰিকো চীৱৰং আদায পক্কমতি – ‘‘অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, পচ্চেস্স’’ন্তি. তস্স বহিসীমগতস্স এৱং হোতি – ‘‘ইধেৱিমং চীৱৰং কাৰেস্সং, ন পচ্চেস্স’’ন্তি. সো তং চীৱৰং কাৰেতি. তস্স তং চীৱৰং কযিৰমানং নস্সতি. তস্স ভিক্খুনো নাসনন্তিকো কথিনুদ্ধাৰো.

ভিক্খু অত্থতকথিনো ফাসুৱিহাৰিকো চীৱৰং আদায পক্কমতি – ‘‘অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, পচ্চেস্স’’ন্তি. সো বহিসীমগতো তং চীৱৰং কাৰেতি. সো কতচীৱৰো – ‘‘পচ্চেস্সং পচ্চেস্স’’ন্তি বহিদ্ধা কথিনুদ্ধাৰং ৱীতিনামেতি. তস্স ভিক্খুনো সীমাতিক্কন্তিকো কথিনুদ্ধাৰো.

ভিক্খু অত্থতকথিনো ফাসুৱিহাৰিকো চীৱৰং আদায পক্কমতি – ‘‘অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, অমুকং নাম আৱাসং গমিস্সামি; তত্থ মে ফাসু ভৱিস্সতি ৱসিস্সামি, নো চে মে ফাসু ভৱিস্সতি, পচ্চেস্স’’ন্তি. সো বহিসীমগতো তং চীৱৰং কাৰেতি. সো কতচীৱৰো ‘‘পচ্চেস্সং পচ্চেস্স’’ন্তি সম্ভুণাতি কথিনুদ্ধাৰং. তস্স ভিক্খুনো সহ ভিক্খূহি কথিনুদ্ধাৰো.

ফাসুৱিহাৰপঞ্চকং নিট্ঠিতং.