১১৯. তস্সুদ্দানং

উপগন্তুং কদা চেৱ, কতি অন্তৰাৱস্স চ;

ন ইচ্ছন্তি চ সঞ্চিচ্চ, উক্কড্ঢিতুং উপাসকো.

গিলানো মাতা চ পিতা, ভাতা চ অথ ঞাতকো;

ভিক্খুগতিকো ৱিহাৰো, ৱাড়া চাপি সৰীসপা.

চোৰো চেৱ পিসাচা চ, দড্ঢা তদুভযেন চ;

ৱূড়্হোদকেন ৱুট্ঠাসি, বহুতৰা চ দাযকা.

লূখপ্পণীতসপ্পায, ভেসজ্জুপট্ঠকেন চ;

ইত্থী ৱেসী কুমাৰী চ, পণ্ডকো ঞাতকেন চ.

ৰাজা চোৰা ধুত্তা নিধি, ভেদঅট্ঠৱিধেন [ভেদা অট্ঠৱিধেন (সী. স্যা.)] চ;

ৱজসত্থা চ নাৱা চ, সুসিৰে ৱিটভিযা চ.

অজ্ঝোকাসে ৱস্সাৱাসো, অসেনাসনিকেন চ;

ছৱকুটিকা ছত্তে চ, চাটিযা চ উপেন্তি তে.

কতিকা পটিস্সুণিত্ৱা, বহিদ্ধা চ উপোসথা;

পুৰিমিকা পচ্ছিমিকা, যথাঞাযেন যোজযে.

অকৰণী পক্কমতি, সকৰণী তথেৱ চ;

দ্ৱীহতীহা চ পুন চ [দ্ৱীহতীহং ৱসিত্ৱান (সী.)], সত্তাহকৰণীযেন চ.

সত্তাহনাগতা চেৱ, আগচ্ছেয্য ন এয্য ৱা;

ৱত্থুদ্দানে অন্তৰিকা, তন্তিমগ্গং নিসামযেতি.

ইমম্হি খন্ধকে ৱত্থূনি দ্ৱেপণ্ণাস.

ৱস্সূপনাযিকক্খন্ধকো নিট্ঠিতো.