১০৬. তস্সুদ্দানং

তিত্থিযা বিম্বিসাৰো চ, সন্নিপতিতুং তুণ্হিকা;

ধম্মং ৰহো পাতিমোক্খং, দেৱসিকং তদা সকিং.

যথাপৰিসা সমগ্গং, সামগ্গী মদ্দকুচ্ছি চ;

সীমা মহতী নদিযা, অনু দ্ৱে খুদ্দকানি চ.

নৱা ৰাজগহে চেৱ, সীমা অৱিপ্পৱাসনা;

সম্মন্নে [সম্মনে (ক.)] পঠমং সীমং, পচ্ছা সীমং সমূহনে.

অসম্মতা গামসীমা, নদিযা সমুদ্দে সৰে;

উদকুক্খেপো ভিন্দন্তি, তথেৱজ্ঝোত্থৰন্তি চ.

কতি কম্মানি উদ্দেসো, সৱৰা অসতীপি চ;

ধম্মং ৱিনযং তজ্জেন্তি, পুন ৱিনযতজ্জনা.

চোদনা কতে ওকাসে, অধম্মপ্পটিক্কোসনা;

চতুপঞ্চপৰা আৱি, সঞ্চিচ্চ চেপি ৱাযমে.

সগহট্ঠা অনজ্ঝিট্ঠা, চোদনম্হি ন জানতি;

সম্বহুলা ন জানন্তি, সজ্জুকং ন চ গচ্ছৰে.

কতিমী কীৱতিকা দূৰে, আৰোচেতুঞ্চ নস্সৰি;

উক্লাপং আসনং দীপো, দিসা অঞ্ঞো বহুস্সুতো.

সজ্জুকং [সজ্জুৱস্সৰুপোসথো (ক.)] ৱস্সুপোসথো, সুদ্ধিকম্মঞ্চ ঞাতকা;

গগ্গো চতুতযো দ্ৱেকো, আপত্তিসভাগা সৰি.

সব্বো সঙ্ঘো ৱেমতিকো, ন জানন্তি বহুস্সুতো;

বহূ সমসমা থোকা, পৰিসা অৱুট্ঠিতায চ.

একচ্চা ৱুট্ঠিতা সব্বা, জানন্তি চ ৱেমতিকা;

কপ্পতেৱাতি কুক্কুচ্চা, জানং পস্সং সুণন্তি চ.

আৱাসিকেন আগন্তু, চাতুপন্নৰসো পুন;

পাটিপদো পন্নৰসো, লিঙ্গসংৱাসকা উভো.

পাৰিৱাসানুপোসথো, অঞ্ঞত্ৰ সঙ্ঘসামগ্গিযা;

এতে ৱিভত্তা উদ্দানা, ৱত্থুৱিভূতকাৰণাতি.

ইমস্মিং খন্ধকে ৱত্থূনি ছঅসীতি.

উপোসথক্খন্ধকো নিট্ঠিতো.