৯. যথাকম্মূপগতঞাণকথাৱণ্ণনা

৩৭৭. দিব্বচক্খুপাদকত্তা ‘‘যথাকম্মূপগতঞাণস্স উপনিস্সযে দিব্বচক্খুম্হী’’তি ৱুত্তং, ন যথাকম্মূপগতজাননকিচ্চকে দিব্বচক্খুম্হি তস্স তংকিচ্চকতাভাৱতো. যতো যং অনঞ্ঞং, তম্পি ততো অনঞ্ঞমেৱাতি আহ ‘‘ইমিনা…পে… ভৱিতব্ব’’ন্তি. তত্থ অত্থন্তৰভাৱং নিৱাৰেতীতি দিব্বচক্খুঞাণস্স পক্খিকত্তা যথাকম্মূপগতঞাণস্স ততো অত্থন্তৰভাৱং নিৱাৰেতি. তস্স হি তং পৰিভণ্ডঞাণং. দিব্বচক্খুস্স যথাকম্মূপগতঞাণতো অত্থন্তৰভাৱং ন নিৱাৰেতি অতপ্পক্খিকত্তাতি অধিপ্পাযো. দিব্বচক্খুস্স যথাকম্মূপগতঞাণকিচ্চতা পৰৱাদিনা ইচ্ছিতা, ন যথাকম্মূপগতঞাণস্স দিব্বচক্খুকিচ্চতাতি তমত্থং ‘‘যথাকম্মূপগতঞাণমেৱ দিব্বচক্খু’’ন্তি এত্থ যোজেত্ৱা দস্সেন্তো ‘‘এৱ-সদ্দো চা’’তিআদিমাহ.

যথাকম্মূপগতঞাণকথাৱণ্ণনা নিট্ঠিতা.