৮. সতিপট্ঠানকথাৱণ্ণনা

৩০১. পৰমত্থসতিপট্ঠানত্তাতি এতেন লোকুত্তৰায এৱ সম্মাসতিযা তত্থাপি মগ্গভূতায নিপ্পৰিযাযেন সতিপট্ঠানভাৱো নিয্যানিকত্তা ইতৰায পৰিযাযেনাতি দস্সেতি. মগ্গফলসম্মাসতিযা ধম্মানুস্সতিভাৱপৰিযাযো অত্থীতি ‘‘লোকিযলোকুত্তৰসতিপট্ঠানসমুদাযভূতস্সা’’তি ৱুত্তং. সতিসমুদাযভূতস্স ন সতিগোচৰভূতস্সাতি অধিপ্পাযো. সতিগোচৰস্স হি সতিপট্ঠানতং চোদেতুং পাড়িযং ‘‘চক্খাযতনং সতিপট্ঠান’’ন্তি আৰদ্ধং. তেন ৱুত্তং ‘‘সব্বধম্মানং পভেদপুচ্ছাৱসেন ৱুত্ত’’ন্তি. সুত্তসাধনাযং পন পঠমং লোকিযসতিপট্ঠানৱসেন, দুতিযং মিস্সকৱসেন, ততিযং লোকুত্তৰৱসেন দস্সিতন্তি ৱেদিতব্বং.

সতিপট্ঠানকথাৱণ্ণনা নিট্ঠিতা.