৭. পাদুকৱগ্গৱণ্ণনা

৬৪৭. সত্তমৱগ্গে ৰুক্খতো পতিতোতি একং ওলম্বনসাখং গহেত্ৱা পতিতো. পাড়িযাতি অত্তনো আচাৰপ্পকাসকগন্থস্স. ধীৰত্থূতি ধী অত্থু, নিন্দা হোতূতি অত্থো. ৱিনিপাতনহেতুনাতি ৱিনিপাতনস্স হেতুভাৱেন. ত্ৱন্তি উপযোগত্থে পচ্চত্তৱচনং, তং ইচ্চেৱ ৱা পাঠো. অস্মাতি পাসাণো.

৬৪৯. ন কথেতব্বন্তি থেৰেন অত্তনো কঙ্খাট্ঠানস্স পুচ্ছিতত্তা ৱুত্তং. দহৰস্স অত্থকোসল্লং ঞাতুং পুচ্ছিতেন উচ্চাসনে নিসিন্নস্স আচৰিযস্স অনুযোগদাননযেন ৱত্তুং ৱট্টতি.

৬৫২. খেড়েন চেত্থ সিঙ্ঘাণিকাপি সঙ্গহিতাতি এত্থ উদকগণ্ডুসকং কত্ৱা উচ্ছুকচৱৰাদিঞ্চ মুখেনেৱ হৰিতুং উদকেসু ছড্ডেতুং ৱট্টতীতি দট্ঠব্বং. সেসং সব্বত্থ উত্তানমেৱ.

পাদুকৱগ্গৱণ্ণনা নিট্ঠিতা.

সেখিযৱণ্ণনানযো নিট্ঠিতো.

৬৫৫. অধিকৰণসমথেসু চ ইধ ৱত্তব্বং নত্থি.

ইতি সমন্তপাসাদিকায ৱিনযট্ঠকথায ৱিমতিৱিনোদনিযং

ভিক্খুৱিভঙ্গৱণ্ণনানযো নিট্ঠিতো.

নমো তস্স ভগৱতো অৰহতো সম্মাসম্বুদ্ধস্স