১. কোসিযসিক্খাপদৱণ্ণনা

৫৪২. দুতিযস্স পঠমে পাড়িযং কোসিযকাৰকেতি কোসকাৰকপাণানং কোসতো নিব্বত্তত্তা কোসিযেন সুত্তেন ৱত্থাদিং কৰোন্তে. সঙ্ঘাতন্তি ৱিনাসং.

৫৪৪. ‘‘অৱাযিম’’ন্তি ৱুত্তত্তা ৱাযিত্ৱা কৰণে অনাপত্তি. মিস্সেত্ৱাতি এড়কলোমেহি মিস্সেত্ৱা. পটিলাভেনাতি পৰিনিট্ঠানেন ‘‘পৰিযোসাপেতি, নিস্সগ্গিয’’ন্তি (পাৰা. ৫৪৫) ৱুত্তত্তা, কোসিযমিস্সকতা, অত্তনো অত্থায সন্থতস্স কৰণকাৰাপনং, পটিলাভো চাতি ইমানেত্থ তীণি অঙ্গানি.

কোসিযসিক্খাপদৱণ্ণনা নিট্ঠিতা.

৫৪৭-৫৫২. দুতিযঞ্চ ততিযঞ্চ উত্তানমেৱ. তত্থ পন ওদাতাদিমিস্সকসঞ্ঞায সুদ্ধকাড়কানঞ্ঞেৱ সন্থতস্স কৰণৱসেন চেত্থ দ্ৱেভাগতো অধিকেসু সুদ্ধকাড়কেসু অনধিকসঞ্ঞায সন্থতস্স কৰণৱসেন চ অচিত্তকতা ৱেদিতব্বা.