৭. গব্ভিনিৱগ্গৱণ্ণনা

১. পঠমাদিসিক্খাপদৱণ্ণনা

১০৬৭. ‘‘গব্ভিনি’’ন্তি দস্সনাদীহিপি গব্ভসম্ভৱতো ৱুত্তং. পদভাজনেপি পৱাৰিতভাৱো ন দিস্সতি.

১০৭৪. ধাতি ৱাতি এত্থ দাৰকং সামিকানং দত্ৱা আহটে ৱড্ঢেতি, তথা মাতাপীতি কেচি.

১০৮০. ‘‘সিক্খমান’’ন্তি পাঠং দীপৱাসিনো ৰোচেন্তি কিৰিযাকিৰিযত্তা, জম্বুদীপৱাসিনো ‘‘সিক্খমানা’’তি. তস্সত্থো সিক্খাধম্মমাননতো সিক্খমানাতি. ইধ কিৰিযা ন হোতি, সঞ্ঞাৱ অধিপ্পেতা. ন এতাসু অসিক্খিতা উপসম্পাদেতব্বা উপজ্ঝাযিনীআদীনং আপত্তিভাৱা. ‘‘তস্সা উপসম্পদা হোতি এৱা’’তি ৱদন্তি.

১০৮২. ধম্মকম্মেতি উপসম্পদকম্মং অধিপ্পেতং.

১১১২. ৱুট্ঠাপিতন্তি সামণেৰিভূমিতো যায থেৰিযা উপসম্পদাপেক্খা ৱুট্ঠপিতা, সা থেৰী ৱুট্ঠাপিতা নাম, তেনেৱ পুন ৱিসেসনত্থং ‘‘পৱত্তিনি’’ন্তি আহ.

পঠমাদিসিক্খাপদৱণ্ণনা নিট্ঠিতা.

গব্ভিনিৱগ্গৱণ্ণনা নিট্ঠিতা.