৮. আৱৰণনীৱৰণসুত্তৱণ্ণনা

২১৯. পঞ্ঞা দুব্বলা হোতি, ন বলৱতী পটিপক্খেন উপক্কিলিট্ঠভাৱতো. তেনাহ ‘‘মন্দা অৱিসদা’’তি.

পঞ্চ নীৱৰণা দূৰে হোন্তি আৱৰণাভাৱতো. তমেৱ পীতিন্তি সপ্পাযধম্মসৱনে উপ্পন্নং পীতিং. তস্সা তদা উপ্পন্নাকাৰসল্লক্খণেন অৱিজহন্তো পুনপ্পুনং তস্সা নিব্বত্তনেন. তেনাহ ‘‘পঞ্চ নীৱৰণে ৱিক্খম্ভেত্ৱা’’তি. ইদং সন্ধাযাতি এত্তকে দিৱসেপি ন ৱিনস্সন্তি, সা ধম্মপীতি লদ্ধপচ্চযা হুত্ৱা ৱিসেসাৱহাতি ইমমত্থং সন্ধায এতং ‘‘ইমস্স পঞ্চ নীৱৰণা তস্মিং সমযে ন হোন্তী’’তিআদি ৱুত্তং. পীতিপামোজ্জপক্খিযাতি পীতিপামোজ্জপচ্চযা. নস্সন্তীতি নিৰোধপচ্চযৱসেন পৱত্তনতো নস্সন্তি. সভাগপচ্চযৱসেন পুন উপ্পজ্জন্তাপি…পে… ৱুচ্চতি কিচ্চসাধনৱসেন পৱত্তনতো.