১-২. ইচ্ছানঙ্গলসুত্তাদিৱণ্ণনা

৯৮৭-৯৮৮. কস্মাতিআদি ৱিহাৰসমাপত্তিআচিক্খণে কাৰণং ৱিভাৱেতুং আৰদ্ধং.

এৱ-ৱাকাৰোতি এৱ-কাৰো ৱা-কাৰো চ. একন্তসন্তত্তা একন্তেন সন্তমনসিকাৰভাৱতো. সেক্খৱচনেনেৱ তেসং সিক্খিতব্বস্স অত্থিভাৱে সিদ্ধেপি সিক্খিতব্বৰহিতেসু তেসুপি সেক্খপৰিযাযস্স ৱুচ্চমানত্তা সিক্খিতব্বসদ্দেন সেক্খে ৱিসেসেত্ৱা ৱুত্তা. আসৱক্খযত্থং সিক্খিতব্বস্স অভাৱেপি দিট্ঠধম্মসুখৱিহাৰত্থং ঝানাদিসিক্খনেন ৱিনা সিক্খিতব্বাভাৱা ‘‘অসেক্খা নামা’’তি ৱুত্তা. বুদ্ধানং পন সব্বসো সম্মদেৱ পৰিনিট্ঠিতসিক্খত্তা ‘‘সিক্খামী’’তি ন ৱুত্তং. আনাপানজ্ঝানফলসমাপত্তি তথাগতৱিহাৰো.