৫-১০. অনুসযসুত্তাদিৱণ্ণনা

১৭৬-১৮১. থামগতট্ঠেনাতি সত্তসন্তানে থিৰভাৱূপগমনভাৱেন. থামগতন্তি চ অঞ্ঞেহি অসাধাৰণো কামৰাগাদীনংযেৱ আৱেণিকো সভাৱো দট্ঠব্বো. কামৰাগোৱাতি কামৰাগো এৱ অপ্পহীনো. সো সতি পচ্চযলাভে উপ্পজ্জনাৰহতায সন্তানে অনুসেতীতি অনুসযো. সেসেসুপীতি পটিঘানুসযাদীসু. ওৰম্ভাগো ৱুচ্চতি কামধাতু ৰূপাৰূপভাৱতো হেট্ঠাভূতত্তা. তত্থ পৱত্তিযা পচ্চযভাৱতো ওৰম্ভাগিযানি যথা ‘‘পচ্ছিযো গোদুহকো’’তি. সংযোজেন্তীতি সংযোজনানি, হেট্ঠা ৱিয অত্থো ৱত্তব্বো. উদ্ধম্ভাগো মহগ্গতভাগো, তস্স হিতানীতি সব্বং হেট্ঠা ৱুত্তনযত্তা ন ৱুত্তন্তি অধিপ্পাযো.

অনুসযসুত্তাদিৱণ্ণনা নিট্ঠিতা.

ওঘৱগ্গৱণ্ণনা নিট্ঠিতা.

মগ্গসংযুত্তৱণ্ণনা নিট্ঠিতা.