১. পঠমমিগজালসুত্তৱণ্ণনা

৬৩. চক্খুৱিঞ্ঞাণং দস্সনকিচ্চন্তি ৱুত্তচক্খুৱিঞ্ঞাণেন পস্সিতব্বন্তি আহ ‘‘ইট্ঠাৰম্মণভূতা’’তি. কমনীযাতি কামেতব্বা. মনং অপ্পাযন্তীতি মনাপাতি আহ ‘‘মনৱড্ঢনকা’’তি. পিযাযিতব্বসভাৱা পিযৰূপা. কামূপসংহিতাতি কামপটিসংযুত্তা. আলম্বিতব্বতা এৱ চেত্থ উপসংহিততাতি ‘‘আৰম্মণং কত্ৱা’’তিআদিমাহ. তণ্হাসঙ্খাতা নন্দী তণ্হানন্দী, ন তুট্ঠিনন্দীযেৱ ‘‘নন্দিং চৰতী’’তিআদীসু ৱিয. গামন্তন্তি গামসমীপং. ‘‘অনুপচাৰট্ঠান’’ন্তি ৱত্ৱা তং দস্সেতি ‘‘যত্থা’’তিআদিনা.

এত্থাতি যথানীহতে পাঠে. ‘‘ইমং একং পৰিযাযং ঠপেত্ৱা’’তি ৱুত্তং তস্স ‘‘পন্তানী’’তিপদেন সঙ্গহিতত্তা. অপ্পসদ্দানি অপ্পনিগ্ঘোসানীতি এত্থ অপ্প-সদ্দো অভাৱত্থো.

পঠমমিগজালসুত্তৱণ্ণনা নিট্ঠিতা.