১১. যোগক্খেমিৱগ্গো

১. যোগক্খেমিসুত্তৱণ্ণনা

১০৪. চতূহি যোগেহীতি কামযোগাদীহি চতূহি যোগেহি. খেমিনোতি খেমৱতো কুসলিনো. কাৰণভূতন্তি কত্তব্বউপাযস্স কাৰণভূতং. পৰিযাযতি পৱত্তিং নিৱত্তিঞ্চ ঞাপেতীতি পৰিযাযো, ধম্মো চ সো পৰিযত্তিধম্মত্তা পৰিযাযো চাতি ধম্মপৰিযাযো, তং ধম্মপৰিযাযং. যস্মা পন সো তস্সাধিগমস্স কাৰণং হোতি, তস্মা ৱুত্তং ‘‘ধম্মকাৰণ’’ন্তি. যুত্তিন্তি সমথৱিপস্সনাধম্মানীতি ৱা চতুসচ্চধম্মানীতি ৱা. ‘‘তস্মা’’তি পদং উদ্ধৰিত্ৱা – ‘‘কস্মা’’তি কাৰণং পুচ্ছন্তো ‘‘কিং অক্খাতত্তা, উদাহু পহীনত্তা’’তি ৱিভজিত্ৱা পুচ্ছি. যস্মা পন ছন্দৰাগপ্পহানং যোগক্খেমিভাৱস্স কাৰণং, ন কথনং, তস্মা ‘‘পহীনত্তা’’তিআদি ৱুত্তং.

যোগক্খেমিসুত্তৱণ্ণনা নিট্ঠিতা.

২-১০. উপাদাযসুত্তাদিৱণ্ণনা

১০৫-১১৩. ৱেদনাসুখদুক্খন্তি ৱেদনাসঙ্খাতং সুখঞ্চ দুক্খঞ্চ কথিতং. ‘‘অজ্ঝত্তং সুখং দুক্খ’’ন্তি ৱুত্তত্তা ৱিমুত্তিসুখস্স চ সড়াযতনদুক্খস্স চ কথিতত্তা ৱিৱট্টসুখং চেত্থ কথিতমেৱাতি সক্কা ৱিঞ্ঞাতুং. কামং খন্ধিযৱগ্গে খন্ধৱসেন দেসনা আগতা, ন আযতনৱসেন. এত্থ পন ৱত্তব্বং অত্থজাতং খন্ধিযৱগ্গে ৱুত্তনযমেৱাতি.

উপাদাযসুত্তাদিৱণ্ণনা নিট্ঠিতা.

যোগক্খেমিৱগ্গৱণ্ণনা নিট্ঠিতা.