৬. কিলেসসংযুত্তৱণ্ণনা

৩২২-৩৩১. এসোতি চক্খুস্মিং ছন্দৰাগো. উপেচ্চ কিলেসেতীতি উপক্কিলেসো. চিত্তস্সাতি সামঞ্ঞৱচনং অনিচ্ছন্তো চোদকো ‘‘কতৰচিত্তস্সা’’তি আহ. ইতৰো কামং উপতাপনমলীনভাৱকৰণৱসেন উপক্কিলেসো লোকুত্তৰস্স নত্থি, ৱিবাধনট্ঠো পন অত্থেৱ উপ্পত্তিনিৱাৰণতোতি অধিপ্পাযেনাহ ‘‘চতুভূমকচিত্তস্সা’’তি. চোদকো ‘‘তেভূমকা’’তিআদিনা অত্তনো অধিপ্পাযং ৱিৱৰতি, ইতৰো ‘‘উপ্পত্তিনিৱাৰণতো’’তিআদিনা. অৰিযফলপটিপ্পস্সদ্ধিপহানৱসেন পৱত্তিযা সব্বসংকিলেসতো নিক্খন্তত্তা নেক্খম্মং, মগ্গনিব্বানানং পন নেক্খম্মভাৱো উক্কংসতো গহিতো এৱাতি আহ ‘‘নেক্খম্মনিন্নন্তি নৱলোকুত্তৰধম্মনিন্ন’’ন্তি. অভিজানিত্ৱাতি অভিমুখভাৱেন জানিত্ৱা. সচ্ছিকাতব্বেসূতি পচ্চক্খকাতব্বেসু. ছড়ভিঞ্ঞাধম্মেসূতি অৰিযমগ্গসম্পযুত্তধম্মেসু.

কিলেসসংযুত্তৱণ্ণনা নিট্ঠিতা.