১. ৱাতসুত্তৱণ্ণনা

২০৬. ন এতে ৱাতাতি যে ইমে ৰুক্খসাখাদিভঞ্জনকৰা, এতে সত্তকাযত্তা ৱাতা নাম ন হোন্তি. তে হি নিচ্চা ধুৱা সস্সতা. তেনাহ ‘‘ৱাতো পনা’’তিআদি. তেন সত্তসু কাযেসু চতুত্থং কাযমাহ. ৰুক্খসাখাদিভঞ্জনকো এসো ৱাতলেসো নাম, ৱাতসদিসোতি অত্থো. এসিকত্থম্ভো ৱিযাতি ইমিনা নিচ্চলভাৱমেৱ দস্সেতি, পব্বতকূটং ৱিযাতি ইমিনা পন সস্সতিসমংৱাপি. অযঞ্হি ৱাযু কাযস্স নিচ্চতং অভিনিৱিস্স ঠিতো ‘‘মা চ অনিচ্চতা পৰো হোতূ’’তি ন ৱাতা ৱাযন্তীতি বাধতি. এস নযো নদিযো সন্দন্তীতিআদীসু. উদকং পনাতি দুতিযং কাযং সন্ধাযাহ. গব্ভো পন ন নিক্খমতি কূটট্ঠাদিভাৱেনেৱ তস্স লব্ভনতো. নেৱ তে উদেন্তি যথা ৱাতা, এৱং তিট্ঠনতো লোকস্স পন তথা মতিমত্তন্তি অধিপ্পাযো.

ৱাতসুত্তৱণ্ণনা নিট্ঠিতা.