২. ৰাধসংযুত্তং

১. পঠমৱগ্গো

১. মাৰসুত্তৱণ্ণনা

১৬০. মাৰসদ্দোযং ভাৱসাধনোতি দস্সেন্তো ‘‘মাৰো ৱা অস্সাতি মৰণং ৱা ভৱেয্যা’’তি আহ. মাৰেতাতি মৰিতব্বো মাৰং মৰণং এতব্বোতি আহ ‘‘মাৰেতব্বো’’তি. অনুপাদানিব্বানত্থাতি ফলৱিমুত্তিসঙ্খাতা অৰহতো অৰহন্ততা নাম যাৱদেৱ অনুপাদানিব্বানত্থা. নিব্বানব্ভন্তৰেতি অনুপাদানিব্বানাধিগমস্স অব্ভন্তৰে ততো ওৰমেৱ ইদং মগ্গং ব্ৰহ্মচৰিযং ৱুস্সতি, ন ততো পৰং. অস্সাতি ব্ৰহ্মচৰিযস্স.

মাৰসুত্তৱণ্ণনা নিট্ঠিতা.

২-১০. সত্তসুত্তাদিৱণ্ণনা

১৬১-১৬৯. লগ্গপুচ্ছাতি লগ্গনস্স বজ্ঝনস্স পুচ্ছা. যদি ৰূপাদীসু সত্তত্তা সত্তো, খীণাসৱা কথং সত্তাতি? সত্তভূতপুব্বাতি কত্ৱা. কীড়াৱিগমন্তি কীড়ায অপনযনং ওৰমণং. যন্তৰজ্জু ৱিয ভৱপবন্ধস্স নযনতো ভৱৰজ্জূতি তণ্হা ৱুত্তা.

সত্তসুত্তাদিৱণ্ণনা নিট্ঠিতা.

পঠমৱগ্গৱণ্ণনা নিট্ঠিতা.

২. দুতিযৱগ্গো

১-১২. মাৰসুত্তাদিৱণ্ণনা

১৭০-১৮১. ৰূপাদিৱিনিমুত্তং মৰণং নাম নত্থি ৰূপাদীনংযেৱ ৱিভৱে মৰণসমঞ্ঞাতি. মৰণধম্মো ৱিনাসভাৱো.

মাৰসুত্তাদিৱণ্ণনা নিট্ঠিতা.

দুতিযৱগ্গৱণ্ণনা নিট্ঠিতা.

৩-৪. আযাচনৱগ্গাদি

১-১১. মাৰাদিসুত্তএকাদসকৱণ্ণনা

১৮২-২০৫. সুখুমং কাৰণং উপট্ঠাতি, তেনেস থেৰো পটিভানেয্যকানং এতদগ্গে ঠপিতো. ৱিমুত্তিপৰিপাচনীযধম্মৱসেনেৱ, ন পটিৱেধাৱহভাৱেন.

মাৰাদিসুত্তএকাদসকৱণ্ণনা নিট্ঠিতা.

আযাচনৱগ্গাদিৱণ্ণনা নিট্ঠিতা.

সাৰত্থপ্পকাসিনিযা সংযুত্তনিকায-অট্ঠকথায

ৰাধসংযুত্তৱণ্ণনায লীনত্থপ্পকাসনা সমত্তা.