৮. ছন্নসুত্তৱণ্ণনা

৯০. মক্খীতি গুণমক্খনলক্খণেন মক্খেন সমন্নাগতো. পড়াসীতি যুগগ্গাহলক্খণেন পড়াসেন সমন্নাগতো. এতং অৱোচাতি ‘‘ওৱদন্তু মং…পে… পস্সেয্য’’ন্তি এতং অৱোচ.

থেৰন্তি ছন্নত্থেৰং. অত্তনো দুগ্গহণেন কঞ্চি উপাৰম্ভম্পি কৰেয্য. তেন ৱুত্তং ‘‘এৱং কিৰ নেসং অহোসী’’তিআদি. নিদ্দোসমেৱস্স কত্ৱাতি আদিতো অনুৰূপত্তমেৱ কত্ৱা সদ্ধম্মং কথেস্সামাতি.

পৰিতস্সনা উপাদানন্তি ভযপৰিতস্সনা দিট্ঠুপাদানং. অনত্তনি সতি অনত্তকতানি কম্মানি কমত্তানং ফুসিস্সন্তীতি ভযপৰিতস্সনা চেৱ দিট্ঠুপাদানঞ্চ উপ্পজ্জতি. পটিনিৱত্ততীতি যথাৰদ্ধৱিপস্সনাতো পটিনিৱত্ততি, নাসক্খীতি অত্থো. কস্মা পনেতস্স ৱিপস্সনমনুযুঞ্জন্তস্স এৱং অহোসীতি তত্থ কাৰণং ৱদতি ‘‘অযং কিৰা’’তিআদিনা. এৱন্তি ‘‘কো নু খো মে অত্তা’’তি এৱং ন হোতি. তাৱতিকা ৱিস্সত্থীতি ‘‘ময্হং ধম্মং দেসেতূ’’তি ৱুত্তৱিস্সাসো অত্থীতি অত্থো. ইদং কচ্চানসত্থং অদ্দসাতি যোজনা. ‘‘দ্ৱযনিস্সিতো, কচ্চান, লোকো’’তিআদি দিট্ঠিৱিনিৱেঠনা. ‘‘এতে তে, কচ্চান, উভো অন্তে অনুপগম্মা’’তিআদি বুদ্ধবলদীপনা.

ছন্নসুত্তৱণ্ণনা নিট্ঠিতা.