১৫. দিট্ঠিৱগ্গো

১-৯. অজ্ঝত্তসুত্তাদিৱণ্ণনা

১৫০-১৫৮. পচ্চযং কত্ৱাতি অভিনিৱেসপচ্চযং কত্ৱা. আদিসদ্দেন মিচ্ছাদিট্ঠিসক্কাযদিট্ঠিঅত্তানুদিট্ঠি সঞ্ঞোজনাভিনিৱেস-ৱিনিবন্ধঅজ্ঝোসানানি সঙ্গণ্হাতি. তত্থ অভিনিৱেসা তণ্হামানদিট্ঠিযো. ৱিনিবন্ধা ‘‘কাযে অৱীতৰাগো হোতী’’তিআদিনা (দী. নি. ৩.৩২০; ম. নি. ১.১৮৬) আগতচেতসোৱিনিবন্ধা. অজ্ঝোসানাতি তণ্হাদিট্ঠিজ্ঝোসানানি. সেসানি সুৱিঞ্ঞেয্যানেৱ.

অজ্ঝত্তসুত্তাদিৱণ্ণনা নিট্ঠিতা.

১০.আনন্দসুত্তৱণ্ণনা

১৫৯. ধৰমানকালেতি জীৱমানকালে. পহানং অপস্সন্তোতি থেৰস্স কিৰ ভগৱতি পেমং অধিমত্তং. চিত্তং গণ্হিস্সামীতি চিত্তং আৰাধেস্সামি. গন্তব্বং হোতি, তস্মা সপলিবোধো. চিত্তং সম্পহংসমানোতি চিত্তস্স ৱিবোধনো. ৱিমুত্তি…পে… জাতো আযতিং পটিৱেধপচ্চযত্তা, ন পন তদা ৱিসেসাৱহভাৱা নিব্বেধভাগিযো.

আনন্দসুত্তৱণ্ণনা নিট্ঠিতা.

দিট্ঠিৱগ্গৱণ্ণনা নিট্ঠিতা.

উপৰিপণ্ণাসকো সমত্তো.

সাৰত্থপ্পকাসিনিযা সংযুত্তনিকায-অট্ঠকথায

খন্ধসংযুত্তৱণ্ণনায লীনত্থপ্পকাসনা সমত্তা.