১২. সহাযকসুত্তৱণ্ণনা

২৪৬. সম্মা সংসন্দনৱসেন এতি পৱত্ততীতি সমেতি, সম্মাদিট্ঠিআদি. সম্মা চিৰৰত্তং চিৰকালং সমেতি এতেসং অত্থীতি চিৰৰত্তংসমেতিকা. তেনাহ ‘‘দীঘৰত্ত’’ন্তিআদি. ইদানি ইমেসন্তি এতৰহি এতেসং. অযং সাসনধম্মো অজ্ঝাসযতো পযোগতো চ সম্মা সংসন্দতি সমেতি, তস্মা মজ্ঝে ভিন্নং ৱিয সমমেৱ ন ৱিসদিসং. কিঞ্চ ততো এৱ বুদ্ধেন ভগৱতা পৱেদিতধম্মৱিনযে এতেসং পটিপত্তিসাসনধম্মো সোভতি ৱিৰোচতীতি অত্থো. অৰিযপ্পৱেদিতেতি অৰিযেন সম্মাসম্বুদ্ধেন সম্মদেৱ পকাসিতে অৰিযধম্মে. সম্মদেৱ সমুচ্ছেদপটিপ্পস্সদ্ধিৱিনযানং ৱসেন সুট্ঠু ৱিনীতা সব্বকিলেসদৰথপৰিড়াহানং ৱূপসমেন.

সহাযকসুত্তৱণ্ণনা নিট্ঠিতা.

সাৰত্থপ্পকাসিনিযা সংযুত্তনিকায-অট্ঠকথায

ভিক্খুসংযুত্তৱণ্ণনায লীনত্থপ্পকাসনা সমত্তা.

নিট্ঠিতা চ সাৰত্থপ্পকাসিনিযা

সংযুত্তনিকায-অট্ঠকথায নিদানৱগ্গৱণ্ণনা.